“ပန်းကန် လုံးများ” (သို့) မလုပ်၊ မရှုပ်၊ မပြုတ် နှင့် မိုးကျရွှေ ကို များအပေါ် ပြတ်သား ဖို့လိုပြီ

“ပန်းကန် လုံးများ” (သို့) မလုပ်၊ မရှုပ်၊ မပြုတ် နှင့် မိုးကျရွှေ ကို များအပေါ် ပြတ်သား ဖို့လိုပြီ

“ပန်းကန် လုံးများ”

ဟိုးရှေးရှေးက တရုတ်မြေ ပိုင်ရှင် သူဌေးကြီးအိမ်တစ်အိမ်မှာ အိမ်ဖော်ကောင်မလေးတစ်ယောက်ရှိတယ်။ တစ်နေ့တော့ ကောင်မလေးက ကြွေပန်းကန်တစ်လုံးကို ခွဲပစ်လိုက်တယ်။ သူဌေးကြီးက ဆူတယ်။ နောက်တစ်နေ့ ကြွေပန်းကန်တစ်လုံး ကွဲပြန်တယ်။ ဘာမှမတတ်နိုင် တော့ဘူး။ ကွဲပြီးနေပြီ။ ဆူတာပဲ တတ်နိုင်တယ်။ အလုပ် မဖြုတ်ဘူး။ ဘာကြောင့်လဲဆိုတော့ ကောင်မလေးက လှနေလို့။

ကြွေပန်းကန်တွေက မကြာခဏ ကျကွဲ နေတာပဲ။ သူဌေးစဉ်းစားရပြီ။ “ကလေးမလေး ကို အလုပ်ဖြုတ်မလား” “ဘာလုပ်ရမလဲ”

နောက်ဆုံး သူဌေးက ကောင်မလေး ကို အလုပ် မဖြုတ်ချင်တော့ အိမ်မှာ ကြွေပန်းကန်တွေ မထားတော့ဘူး။ သံပန်းကန်တွေနဲ့ အစားထိုးတယ်။ ကြိုက်သလောက်လွတ်ကျ မကွဲတော့ဘူး။ ကောင်မလေးကိုလည်း ဖြုတ် စရာမလိုတော့ဘူး။ ကောင်မလေးလည်း သံပန်းကန်တွေကြောင့် အဆူမခံရတော့ ပျင်းတောင် ပျင်းသေးတယ် ဖြစ်သွားရော။

အဲဒါ “သံပန်းကန်” သမိုင်းပဲ…

တစ်သက်လုံးဖြုတ်လို့ မရတဲ့ ဝန်ထမ်းတွေ ကို “သံပန်းကန်” တွေလို့ တရုတ်မှာခေါ်တာ အဲဒါကြောင့်။ ကွန်မြူနစ် စနစ်မှာ အလုပ်သမားလူတန်းစားကို ဘဝအတွက် အာမခံချက်ပေးဖို့တွေဘာတွေ လုပ်တော့၊ အစိုးရ အလုပ် ဝင်လုပ်ရင် ဖြုတ်လို့ကို မရတော့ဘူး။ သံပန်းကန်တွေ အလိုလိုဖြစ်ကုန်ရော။ ပင်စင် ယူမှ ထွက်တော့။

၁၉၈၀ မှာ တိန်ရှောင်ပင်းက တရုတ်နိုင်ငံ ကို ပြုပြင်ပြောင်းလဲရေး တွေလုပ်တော့ မလုပ်၊ မရှုပ်၊ မပြုတ် သဘောတရားတွေကို ဆွေးနွေးလာတယ်။ စီးပွားရေး ပြုပြင်ပြောင်းလဲမှုတွေ လုပ်တဲ့အခါမှာ သံပန်းကန်တွေကို ရှင်းထုတ်မှ ရမယ်ဆိုတာ ဆွေးနွေးလာကြတယ်။ သံပန်းကန်တွေနေရာမှာ “ကြွေပန်းကန်” တွေနဲ့ အစားထိုးဖို့ စဉ်းစား လာကြတယ်။

ကြွေပန်းကန်ဆိုတာ ကျရင်ကွဲမယ်.. ကောင်းရင်ထားမယ်.. မကောင်းရင် ဂျောင်းတော့.. အဲဒီသဘောတရားကို ကြွေပန်းကန်လို့ခေါ်တယ်။

ဝန်ထမ်းတိုင်းကို ကောင်းသည်ဖြစ်စေ၊ မကောင်းသည်ဖြစ်စေ၊ ဘဝအာမခံချက်တွေပေးပြီး နိုင်ငံတော်ကနေ ပိုက်ဆံပေးထားရတာ ထိုက်တန်သလား။ နိုင်ငံတော်လစာကို စားနေတဲ့သူတိုင်း တာဝန်ကျေပွန်ကြရဲ့လား။

မလုပ်.. မရှုပ်.. မပြုတ်.. ဆိုတဲ့ဆောင်ပုဒ် ကို လက်ကိုင်ထား လာတဲ့အပြင် လာဘ်ပေး လာဘ်ယူမှုတွေ သောင်းကျန်းလာပြန်တော့ တရုတ်အစိုးရဘက်ကလည်း ပြတ်ပြတ်သားသား အရေးယူရတာတွေ လုပ်လာရတယ်။

ဒါတောင် ၂၀၀၁ ခုနှစ်လောက်မှ ပြတ်သားစွာနှိမ်နင်း နိုင်ခဲ့တယ်။ ၂၀၁၂ ခုနှစ်ကျတော့ တိုင်းပြည်မှာ “သံပန်းကန်” လို ဝန်ထမ်းတွေ မထားတော့ဘူးလို့ တရားဝင်ထုတ်ပြန်တဲ့အထိ ဖြစ်လာရတယ်။ တိုင်းပြည်မှာ “သံပန်းကန်” တွေသာမကဘူး “မိုးကျပန်းကန်” တွေကလည်း ရှိနေရင် နိုင်ငံကို ကောင်းကောင်း ဒုက္ခပေး တော့မှာ။ ဒါကြောင့်..

မိုးပေါ်ကကျလာတဲ့ ပန်ကန်ပြားပျံတွေလည်း သတိထား ရတော့မယ်။ အဲဒီ မိုးကျပန်းကန်တွေက ကွဲလည်း မကွဲ၊ ဟောင်းလည်း အရည်ကျိုမရ၊ မြေမြှုပ်လည်း သဘာဝပတ်ဝန်းကျင်ထိခိုက်၊ မီးရှို့လည်းနံပြီး လေထုညစ်ညမ်း သူတို့ပဲ တိုင်းပြည်ကို ကောင်းကောင်း ဒုက္ခပေးနိုင်တာ။

ခေတ်အဆက်ဆက် ထိုးနှက် ဖို့ ဝန်ထမ်း အဖွဲ့အစည်းထဲကို တိတ်တဆိတ်ထည့်ထားတဲ့ မိုးကျပန်းကန်တွေက အများကြီးပဲဗျ။ သတိသာထားကြပေတော့…

တရုတ်ကတော့ ပြည်သူကို အမှန်တကယ် အလုပ်အကျွေးပြုသူများကိုသာ ပြည်သူ့ဝန်ထမ်း အဖြစ် အသိအမှတ်ပြုမည်ဆိုကာ ကြွေပန်းကန်အဖြစ်စောင့်ကြည့်တယ်။

လွတ်ကျပြီလား.. ထွက်သွား…။ ကွဲပြီလား.. ပစ်ထား…။ အဲသည် လို ပြတ် သားတဲ့ သတ္တိတွေ မွေးဖို့လိုနေပြီလား။

(China abolishes the “iron rice bowl” ဆိုတဲ့ ဆောင်းပါးလေး ကို မှီငြမ်းပါတယ်ဗျာ)

တင်ညွန့်