တရုတ်ပြည် ပီကင်းမြို့ က ကုန်စိမ်းဈေး မှာ COVID ဖြစ်နေတော့ အသားငါးတွေဟာ စိတ်ချရမလား⁉️

တရုတ်ပြည် ပီကင်းမြို့ က ကုန်စိမ်းဈေး မှာ COVID ဖြစ်နေတော့ အသားငါးတွေဟာ စိတ်ချရမလား⁉️

#တစ်ချက်ခြင်း သေသေချာချာဖတ်ပါ။

ဆော်လမွန်ငါးမှာ COVID တွေ့လို့ဟေ့လို့ #ဖွတဲ့သူ တွေကဖွကြတော့ 🥬🥩 မနက်ပိုင်းဈေးဝယ်နေတဲ့ အသားငါးတွေ၊ ဟင်းသီးဟင်းရွက်တွေ စိတ်ချရမလားလို့ မေးလာကြပါတယ်။

ပီကင်းမြို့မှာ မနေ့က 27 ယောက်ထပ်တိုး တာမို့ စုစုပေါင်း ရောဂါရှိသူ 106 ယောက်ရှိသွားပါပြီ။ ဒါဒီနေ့ အင်္ဂါနေ့မနက်အထိ update ပါ။

အရင်ဆုံး ကျနော်ပြထားတဲ့ အခု COVID ဖြစ်နေတဲ့ Xin Fa Di #ဈေးထဲကပုံ ကိုကြည့်ပါ။

ဝယ်သူက 😷 mask တပ်ထားပြီး ရောင်းတဲ့သူနှစ်ယောက်က #mask ကိုမေးချိတ်ထားကြပါတယ်။ #အဲ့ဒါအဖြေပါပဲ။

ဆ်ာလမွန်ငါးမှမဟုတ် အခုအဲ့ဒီဈေးကဝယ်ခဲ့တဲ့ 🥩 သိုးသား၊အမဲသားတွေကို အကုန်လိုက်စစ်နေပါပြီ။

ဆော်လမွန်ငါးတင်မဟုတ်ပါ။ #ရေသတ္တဝါတွေကို COVID ဖြစ်စေတဲ့ SARS-CoV-2 #ဗိုင်းရပ်စ်ပိုးမကူးနိုင်ပါ။

ဆ်ာလမွန်ငါးဖမ်းတဲ့လူတွေဟာ ပင်လယ်ထဲမှာ တစ်လခွဲလောက်နေရတာမို့ သူတို့ဟာ Quarantine 45 ရက်ဝင်ပြီးသားဖြစ်နေတာမို့ သူတို့ဆီကနေ ဆော်လမွန်ငါးမှာပိုးပါမသွားနိုင်ပါ။

လူရဲ့ဝမ်းမှာ COVID ရောဂါပိုးပါနိုင်တာမို့ စားမိတဲ့ ငါးရဲ့ဝမ်းဗိုက်ထဲမှာ ပိုးပါနိုင်ပါတယ်။ ဒါပေမယ့် ပင်လယ်ထဲက ဆော်လမွန်ငါးက ဖြစ်နိုင်ခြေအရမ်းနည်းပါတယ်။

အဲ့လိုစားမိတဲ့ငါးဆိုရင်လည်း ငါးဝမ်းဗိုက်ထဲက ကလီစာနဲ့ ဝမ်းခေါင်း ကိုဆေးချလိုက်ရင် စင်ပါတယ်။ ပြီးတော့ ငါးကစားမိပြီးမကြာခင် လူကဖမ်းမိမှ ဗိုက်ထဲမှာပိုးပါလာမယ့် ကိစ္စပါ။ အလွန်အခွင့်အလမ်းနည်းပါတယ်။

ဖြစ်နိုင်ခြေက ရောဂါပိုးရှိတဲ့ အသားငါးရောင်းသူဆီကနေ အသားငါးတွေ၊ သားလှီးစဥ့် နှီးတုံးတွေဆီကို ရောက်သွားတာပါ။

ခွေး၊ 🐖 ဝက်၊ 🐓 ကြက်နဲ့ 🦆ဘဲတွေမှာ SARS-CoV-2 ကိုရိုနာဗိုင်းရပ်စ်က သိပ်ပြီးမျိုးမပွားနိုင်တာမို့ Covid ဖြစ်နိုင်ခြေနည်းပါတယ်။

ဒါ့ကြောင့်ဈေးထဲကအသားငါးတွေမှာCOVIDပိုးပါနိုင်ခြေအလွန်နည်းပါတယ်။

ကျနော်ပြထားတဲ့ပုံထဲကလိုပဲ 😷 #maskကိုမေးချိတ်တဲ့ဈေးသည်တွေဟာ အခု COVID ဖြစ်နေတဲ့ဈေးရဲ့လက်သည်တရားခံဖြစ်ဖို့ 90 ရာနှုန်းသေချာနေပါတယ်။

တရုတ်ပြည်မှာစီးကရက်အလွန်သောက်သလို စီးကရက်တည်ရတာအလွန်ဝါသနာပါပါတယ်။

ရောဂါရှိတဲ့သူရဲ့လက်ကနေ #စီးကရက်ဘူးအဝမှာ COVID ရောဂါပိုးကပ်ကျန်နေခဲ့မယ်။ သူကနေ နောက်လူကိုစီးကရက်တည်လို့ နောက်လူကနှိုက်ရင်ဖြစ်ဖြစ်၊ သူကနေ လက်နဲ့နှိုက်ပြီးပေးလို့ဖြစ်ဖြစ် စီးကရက်ကနေ ရောဂါကူးစက်ဖို့ လွယ်သွားပါပြီ။

ကုန်စိမ်းဈေးသည်တွေဟာ တစ်ဆိုင်နဲ့တဆိုင်အလုပ်ခေတ္တနားချိန်မှာ စကားရပ်ပြောကြတာ ကူးလူးဆက်ဆံကြတာ အမြဲရှိပါတယ်။ mask ကိုဘေးချိတ်ပြီးပြောကြဆိုကြ စီးကရက်သောက်ကြနဲ့ ကူးစက်ဖို့လွယ်ပါတယ်။

အဲ့ဒီရောဂါကူးထားတဲ့ လူကနေ 😷 mask ကိုမေးချိတ်ပြီး အသားငါးကိုင်မယ်ဆိုရင် #သူအသက်ရှုထုတ်ရာကနေဖြစ်စေ၊ #စကားပြောရာကနေဖြစ်စေ၊ #သူ့မျက်နှာပါးစပ်နှာခေါင်းတို့ကိုကိုင်မိရာကနေဖြစ်စေ သူလုပ်ကိုင်နေတဲ့ အသားငါးတွေအပေါ် #ရောဂါပိုးပါသွားနိုင်ပါတယ်။

Clinical academic researcher Craig Anderson ရဲ့ သုသေသနပြုချက်အရ ဈေးတွေမှာ #ကျန်းမာရေးအတွက်သန့်ရှင်းမှု hygiene conditions #အလွန့်အလွန်မှအားနည်းပါတယ်တဲ့။

အဲ့ဒီလိုပဲ ဈေးထဲကဈေးရောင်းသူတွေအပြင် ဈေးဝယ်သူတွေ ကလည်း #ကျန်းမာရေးအတွက်သန့်ရှင်းမှု hygiene conditions #အလွန့်အလွန်မှအားနည်းတဲ့အတွက် ရောဂါရှိတဲ့သူက #maskကိုမေးချိတ်ကာ “ဟဲ့ဒီအသားကဘယ်ဈေးလဲ”လို့မေးလိုက်တာနဲ့ ပိုးကအသားတွေပေါ်ကျမှာပဲ။

အသားငါးတွေသာမက ဟင်းသီးဟင်းရွက် တွေလည်း ဒီအတိုင်း ပါပဲ။

လွန်ခဲ့တဲ့ တစ်လလောက်က လမ်းမတော်သံဈေးရှေ့နား ကျနော်ဖြတ်အလျှောက်မှာ “ဟတ်ချိုး” ဆိုပြီးအားရပါးရချေချလိုက်တာကြားလို့ လှည့်အကြည့်လိုက်မှာ #maskကိုမေးချိတ်ထားတဲ့ သရက်းသီးသည်ကြီးဖြစ်နေပါတယ်။ သူ့ရှေ့က 🥭 သရက်သီးတွေအပေါ် ချေချလိုက်တာ ကျနော့မျက်မြင်ကိုယ်တွေ့ပါ။

#ဘာတွေကောက်ချက်ချနိုင်သလဲ⁉️

ပီကင်း Xin Fa Di ကုန်စိမ်းဈေးမှာ COVID ဖြစ်မှုကို ကြည့်ရင် #ဈေးရောင်းသူတွေမှာပဲ အဓိကရောဂါပိုးတွေ့တာပါ။

အသားစိမ်းငါးစိမ်းနဲ့အသီးအရွက်တွေအပေါ်မှာအလွန်အမင်းကြောက်လန့် တကြားမဖြစ်ကြပါနဲ့။ ဆော်လမွန်လို့ကြားတာနဲ့ ဘုမသိဘမသိ ထဖွကြတဲ့ လူတွေက လူတွေကို မလိုအပ်ပဲ စိတ်သောကဖြစ်စေပါတယ်။

အခုအချိန်အထိ အစားအသောက်ကနေ COVID ရောဂါ ကူးစက်တဲ့ case သေသေချာချာမပေါ်သေးပါ။

ဘာတွေဆောင်ရရှောင်ရမှာလဲ⁉️

ပုံမှာမြင်တဲ့အတိုင်း 😷 mask မတပ်ပဲ ပြီးတော့ 😷 mask ကို မေးချိတ်ပြီး အသားကိုင်သူတွေ၊ ကုန်စိမ်းကိုင်သူတွေကို အသိပညာပေးတာများများလုပ်ကြပါ။

😷 mask ကိုသေသေချာချာတပ်ခြင်းဖြင့် ဇီဝိတဒါန လုပ်ကြပါလို့။

အသုတ်တွေ၊ စားသောက်ဆိုင်က စားဖိုချောင်အစားအသောက်ပြင်သူတွေလည်း 😷 mask ကို အသေအချာတပ်ဖို့နဲ့ လက်သန့်ရှင်းဖို့လိုပါတယ်။

ဟင်းသီးဟင်းရွက်ဆေးတဲ့ကိစ္စက ကျနော်ရေးပြီးသား post ရှိပါတယ်။

စိတ်မချရင်ပိုးသေတဲ့အပူချိန်အထိချက်ပြုတ်ပါ။

ပြင်သစ်ပြည် Aix-Marsellie University က ပညာရှင်တွေရဲ့ စမ်းသပ်မှုကို ကျနော်ရေးသားဖူးပါတယ်။

SARS-CoV-2 #ဗိုင်းရပ်စ်ပိုးဟာ အနည်းဆုံး အပူချိန် 92 ဒီဂရီ C မှာ 15 မိနစ်အပူပေးမှ သေပါတယ်တဲ့။

သဘောက ရေဆူဆူမှာ 15 မိနစ်လောက်တည်မှ စိတ်ချရတယ်ဆိုတဲ့သဘော။

အပူချိန် 60 ဒီဂရီ C မှာဆိုရင် 1 နာရီကြာပိုးသတ်ရမယ်လို့ အရင်က ဓာတ်ခွဲခန်းတွေရဲ့ protocol က စိတ်မချရတော့ပါဘူးတဲ့။ 92 ဒီဂရီ C မှာ 15 မိနစ်အပူပေးတာက ပိုစိတ်ချရပါတယ်တဲ့။

ဒါကစိတ်လုံးဝမချသူတွေကိုပြောတာပါ။ အကြော်အလှော်သမားတွေနဲ့ 🍣 sushi သမားတွေဘယ်လိုလုပ်မလဲ⁉️

နိဂုံးချုပ်အနေနဲ့ပြောရရင် အစားအသောက်ကိုဈေးကဝယ်လာပြီးရင် ရေအသေအချာဆေးဖို့နဲ့ ပြင်ဆင်ချိန်မှာ 😷 mask လုံလုံခြုံခြုံ၊ လက်သန့်သန့် ရှင်းရှင်းဖြစ်ဖို့က အရေးအကြီးဆုံးဖြစ်တယ်လို့ ပြောပါရစေ။

စိတ်ချချင်ရင် ကျနော်ပြောသလို ရေဆူဆူ 15 မိနစ်နဲ့ချက်ပါ။

အခုအချိန်ထိ အစားအသောက်က ကူးတဲ့ case မဖတ်ဖူးပါ။ လူလူခြင်းထိတွေ့ဆက်ဆံမှုမှာ စည်းကမ်းမရှိလို့ ကူးတာပဲတွေ့ရပါတယ်။

https://www.facebook.com/Richard-Myo-Thant-109119807474881/

https://www.facebook.com/richard.myothant

Richard Myo Thant
16-June-2020

Add a Comment

Your email address will not be published.

one × 2 =