ပိုက်ဆံ (၃)သောင်းလောက် နဲ့ မွန်မြတ် တဲ့ အလှူလေး လုပ်နိုင်တဲ့ နေရာတခု (တကယ် လိုအပ်နေကြတာပါ)

ပိုက်ဆံ (၃)သောင်းလောက် နဲ့ မွန်မြတ် တဲ့ အလှူလေး လုပ်နိုင်တဲ့ နေရာတခု (တကယ် လိုအပ်နေကြတာပါ)

ဒီတစ်ခါတော့ အားလုံး ကို ကုသိုလ်လည်းရ ၊ စိတ်ချမ်းသာရစေမယ့် အကြောင်းအရာလေး တစ်ခု ပြောပြချင်ပါတယ်။ အထူးသဖြင့် ကျွန်တော်တို့ မြန်မာတွေဟာအလှူရေစက် လက်နဲ့မကွာ ပေးကမ်းလှူဒါန်းရခြင်းကို ဝါသနာထုံတဲ့ အမျိုးအနွယ်တွေပဲဖြစ်ပါတယ်။

ဒါပေမယ့် ကိုယ်က များများ စားစားလည်း မလှူနိုင်ဘူး ၊ဒါကြောင့် မလှူဖြစ်တတ်တာတွေ များနေတယ်ဆိုရင်တော့ အခု သတင်းလေးက သင့်အတွက် အရမ်းကို အကျိုးထူးမှာပါ..။ ဒီသတင်းလေးကို Renie Photography ဖေ့ဘုတ်မှ တဆင့် မျှဝေပေးလိုက်ပါတယ်။

ရန်ကုန်တိုင်း လှည်းကူးမြို့နယ်ထဲမှာရှိတဲ့ “မေတ္တာ ပရဟိတာဂေဟာ ” အလှူလည်းလုပ်ချင်တယ် ၊ သိပ်ဝေးဝေးလဲ မသွားချင်ဘူး ၊ တကယ်လိုအပ်နေတဲ့နေရာတွေကိုမှာလည်းလှူချင်တယ်ဆိုရင်တော့ လှည်းကူးမြို့နယ် မရမ်းချောင်းကျေးရွာထဲမှာရှိတဲ့ “ မေတ္တာပရဟိတ ” မသန်စွမ်းအနာကြီးရောဂါသည်စောင့်ရှောက်ရေးဂေဟာ နဲ့ မရမ်းချောင်း တိုက်နယ်ဆေးရုံလေးမှာလှူဖို့ တိုက်တွန်းချင် ပါတယ်။

ဒီဂေဟာလေးနဲ့ ဆေးရုံလေးက ရန်ကုန်တိုင်းဒေသကြီးပိုင်နယ်မြေထဲမှာ ရှိပေမယ့် လမ်းခရီးအရ အလှူရှင်အရောက် နည်းတာကြောင့် လိုအပ်ချက်တွေများပါတယ်။ဂေဟာမှာတော့ တနေ့တာကျေးမွေးစရိတ်နဲ့ အဖိုးအဖွားများအတွက် တခြားလိုအပ်တာလေးတွေလှူနိုင်ပါတယ်။ တကိုယ်ရည်သုံးစွဲဖို့ လိုအပ်တာလေးတွေလှူနိုင်တဲ့ အပြင် အလှူငွေအနေနဲ့လည်း ငွေတထောင်လောက်က သူတို့တနေ့တာသုံးစွဲဖို့အတွက်လုံလောက်တဲ့ငွေကြေးလို့သိရပါတယ်။

ဂေဟာအနောက်ဘက်ကလမ်းကလေး ထဲမှာတော့ မရမ်းချောင်းကျေးရွာရှိပြီး တိုက်နယ်ဆေးရုံကလေးလည်း ရှိပါတယ်။ ဆေးရုံး ကတော့ လွန်ခဲ့တဲ့ ၃လလောက်ကမှ တာဝန်ကျဆရာဝန်ရဲ့ ဆောင်ရွက်မှုနဲ့ ပြန်လည်အသက်ဝင်လာပြီး ဆရာဝန်၊ အလှူရှင် ၊ ရွာသူရွာသားတွေရဲ့ကြိုးစားမှုနဲ့ ကောင်းမွန်စွာ လည်ပတ်နေပါပြီ။ သို့ပေမယ့် လိုအပ်ချက်တွေရှိနေသေးတဲ့အတွက် ဂေဟာကိုလှူရင်းနဲ့ ဆေးရုံလေးကိုပဲ တွဲလှူဖို့ တခါတည်းတိုက်တွန်းချင်ပါတယ်။

တနေ့တာအာဟာရကျွေးမွေးခြင်း အတွက် …. နံနက်စာ – ၃၀၀၀၀ ….. နေ့လည်စာ – ၇၀၀၀၀ ….. ညစာ – ၅၀၀၀၀ အပြင် အခြားအစားအသောက်နဲ့ဆေးဝါးများလည်း လှူဒါန်းနိုင်ပါတယ် ။လှူဒါန်းလိုသူတွေအနေနဲ့ မေတ္တာပရဟိတဂေဟာ ဥက္ကဌဖြစ်တဲ့ ဦးလှဌေး – 09448009115 , 0930783339 ၊ ဂေဟာကော်မတီရုံး – 09428603151, 0930485422 သို့ ဆက်သွယ်လှူဒါန်းနိုင်ပါတယ်။

crd : whitesone

Add a Comment

Your email address will not be published. Required fields are marked *

three × 3 =