ကမ္ဘာ့ အင်အားကြီး နိုင်ငံတွေ အကြား ပြိုင်ဆိုင်မှု ပြင်းထန်လာတဲ့ ကိုဗစ် ကာကွယ်ဆေး ပြိုင်ပွဲ

ကမ္ဘာ့ အင်အားကြီး နိုင်ငံတွေ အကြား ပြိုင်ဆိုင်မှု ပြင်းထန်လာတဲ့ ကိုဗစ် ကာကွယ်ဆေး ပြိုင်ပွဲ

ကမ္ဘာ့ကျန်းမာရေး အဖွဲ့ကြီးက မနေ့က ဇွန်လ ၁၈ ရက်နေ့မှာ ကိုဗစ် ကာကွယ်ဆေး သန်းအနည်းငယ် ကို ဒီနှစ်အကုန်မှာ ထုတ်နိုင်မယ်လို့ ကြေညာပါတယ်။ သဘောက ကာကွယ်ဆေးကဒီနှစ်အကုန်မှာကျိန်းသေပေါ်ထွက်လာမယ်။ ကာကွယ်ဆေးထွက်လာခြင်းကြောင့် လူတွေကို စိတ်မလုံခြုံမှုအကြီး အကျယ်သက်သာစေမှာဖြစ်ပြီး ရောဂါဘေး ကလည်း ကိုယ်ခန္ဓာကို ကာကွယ်ပေးမှာမို့ #ကိုယ်ရောစိတ်ပါချမ်းသာစေမယ့်ဆေးဖြစ်တယ်။

ကိုဗစ် အတွက် ကာကွယ်ဆေးပေါင်း ၁၅၉ မျိုး ကို တီထွင်နေကြပြီး အနည်းဆုံး ၁၁ မျိုးက Phase II ဒုတိယအဆင့်ကိုရောက်နေပြီ။ ကာကွယ်ဆေးကို အမေရိကန်နဲ့တရုတ်က ပြိုင်ပွဲအနေနဲ့ဆင်နွဲနေတယ်။ အခုလက်ရှိ အမေရိကန် ကုမ္ပဏီ Moderna က mRNA-1273 ဆေးက ရှေ့ဆုံးကပြေးနေတယ်။ Phase II ရောက်နေပြီ လူ 600 နဲ့စမ်းနေတယ်။ အဆိပ်အတောက်ကင်းဖို့၊ လူအတွက်အန္တရာယ်ကင်းဖို့နဲ့ ကာကွယ်ဆေးထိရောက်ဖို့ စမ်းနေပြီ။ အရင် Phase I report ကို မသိရသေးဘူး။

တရုတ် ကုမ္ပဏီ CanSino Biologics က ad5-nCoV ဆေးက နောက် ကနေ ကပ်လိုက်နေတယ်။ သူလည်း Phase II ရောက်နေပြီ။ လူ 500 နဲ့စမ်းနေပြီ။ ထိရောက်မယ့် ဆေးပမာဏနဲ့ ဘေးထွက်ဆိုးကျိုးကို စမ်းနေပြီ။ ၇ ရက်အကြာမှာ ၈၁% က အဖျားတက်တယ်။ ကိုယ်ခန္ဓာပင်ပန်းနွမ်းနယ်တယ်။ Neutralizing antibody နဲ့ T cell တုံ့ပြန်မှုပေးတယ်။

အမေရိကန်နဲ့တရုတ် ပြိုင်ဆိုင်မှုမှာ ကောင်းကျိုးဆိုးကျိုးတွေရှိတယ်။ ဒီ COVID-19 ဆေးတွေ့ တာက ဆေးပညာတိုးတက်မှုနဲ့ လကမ္ဘာကို လူတွေစခြေချသလို မှတ်တိုင်တစ်ရပ်ဖြစ်မှာမို့ ပြိုင်ကြတာလည်းပါတယ်။ အဲ့လိုပြိုင်ကြလို့ ကာကွယ်ဆေးတွေ့ဖို့မြန်သွားတယ်။ အပြိုင်အဆိုင်ရှိမှ တိုးတက်တာမြန်တယ်။

အမေရိကန်သမ္မတ ထရမ့်က ကာကွယ်ဆေးကို ရွေးကောက်ပွဲမတိုင်ခင်အချိန်ကိုက် အမြန်လိုချင်နေတယ်။ ထရမ့်ဟာ လက်ဦးမှုယူပြီးဆေးတွေ့ပြီလို့ကြေညာဖို့ ကြိုးစားနေတာကျိန်းသေတယ်။ တရုတ်က ကမ္ဘာမှာပထမဆုံးကာကွယ်ဆေးရသူဖြစ်ချင်တာရယ်၊ ထရမ့်ထက်အရင်ကြေညာချင်တာရယ်ကြောင့် တရုတ်ကလည်း အရင်ထကြေညာနိုင်တယ်။

ပြဿနာက အဲ့လိုကြောင့် အမေရိ ကန်ရော တရုတ်ရဲ့ကာကွယ်ဆေးတွေဟာ အောင်မြင်ပြီလို့ကြေညာပြီးမှ တကယ်အသုံးမကျတဲ့ဆေးတွေ ဖြစ်သွားနိုင်တယ်။ အဲ့ဒီအကြောင်းဆောင်းပါးဖတ်ဖူးတယ်။ ပုံမှန်သွားနေပြီး အဝယ်အော်ဒါများများကြိုရထားတာက Oxford University နဲ့ AstraZencea ရဲ့ AZD1222 ဆေး။ Phase I – II အကူးရောက်နေပြီ။ Phase 1 report မထွက်သေးဘူး။ အဲ့ဒီဆေးကို အမေရိကန်က AstraZencea ပထမကြေညာထားတဲ့ ထုတ်မယ့်ပမာဏနီးနီး ကြိုမှာထားတယ်။

AZD1222 သာမအောင်မြင်ရင် အမေရိကန်ကငွေဆုံးမယ်။ ထရမ့်က plan B ပြင်ထားတဲ့သဘော။ အမေရိကန်သာမက အခြားနိုင်ငံတွေလည်း ကြိုမှာထားကြတယ်။ အဲ့ဒီ AZD1222 ဆေးအပေါ် ယုံကြည်မှုရှိကြပုံပေါ်တယ်။ ဂျာမနီက BNT162 ဆေးကလည်း Phase I – II အကူးရောက်နေပြီ။ Phase 1 report မထွက်သေးဘူး။ တရုတ်ပြည် Sinovac Biotech ရဲ့ ဆေးကလည်း Phase I – II အကူးရောက်နေပြီ။ Phase 1 report မထွက်သေးဘူး။ Inovio ရဲ့ INO-4800 ကလည်း Phase I – II အကူးရောက်နေပြီ။ Phase 1 report မထွက်သေးဘူး။ တခြား Phase I – II အကူးရောက်နေတဲ့ တရုတ်ဆေး နှစ်မျိုးလောက်ရှိသေးတယ်။

အခြေအနေကို သုံးသပ်ရရင် ကာကွယ် ဆေးကိစ္စဟာ August – September လလောက်မှာ တစ်ခုခုထူးမယ်။ ဒီနှစ်အကုန်မှာ ဆေးတစ်ခုခုထွက်အပြီးဖြစ်မယ်။ နောက်နှစ်မေလလောက်အတွင်းမှာ ခိုင်မာတဲ့ဆေးတစ်ခုခုတော့ထွက်မယ်။ ကျနော်တို့နဲ့ ဆိုင်တဲ့အပိုင်းကိုပြောမယ်။

ကာကွယ်ဆေးထွက်လာရင် ကျနော်တို့လည်း ရနိုင်ခွင့်ရှိ ဖို့လိုတယ်။ ဘယ်နိုင်ငံကစထုတ်ထုတ် သူ့နိုင်ငံသားကို အရင်ဦးစားပေးမှာပဲ။ ကျနော်တို့ရနိုင်ဖို့က ကိုယ်ပိုင်ငွေနဲ့ ဝယ်ဖို့တစ်နည်း၊ WHO နဲ့ အလှုရှင်နိုင်ငံတွေဆီကမျှော်ရဖို့ တစ်နည်း နှစ်နည်းရှိတယ်။

ကိုယ်တွေက လုပ်လည်းမလုပ်နိုင်၊ သူများလုပ်ပြီးသားကို ယူပြီး ထုတ်လည်းမထုတ်နိုင်တာကိုး။ WHO က 8.1 ဘီလီယံဖိုး အလှုငွေထူထောင်နေတယ်။ ကာကွယ်ဆေးကို လူတိုင်းရနိုင်ဖို့က WHO ရဲ့တာဝန်။ June လ 4 ရက်နေ့က ကာကွယ်ဆေးကိစ္စ ကမ္ဘာ့ 52 နိုင်ငံက မီတင်ထိုင်ကြတယ်။

Global Alliance for Vaccines and Immunisation (GAVI) က ဒေါ်လာ 8.8 ဘီလီယံဖိုး အလှုငွေစုဆောင်းနေတယ်။ အဲ့ဒီတော့ ကျနော်တို့နိုင်ငံတွေလည်း ခွဲတမ်းတစ်ခုနဲ့ ရတော့ရမှာသေချာတယ်။ ကိုယ့်နိုင်ငံထဲမှာ ကိုယ့်အားကိုယ်ကိုးပြီးဝယ်နိုင်ဖို့လည်း ငွေစုဆောင်းထားရပါမယ်။ အထက်က တင်ပြခဲ့တာ ကာကွယ်ဆေးအတွက် တိုးတက်မှုအခြေအနေနဲ့ ကျနော်တို့ရရှိနိုင်မှုကို တင်ပြခဲ့တာဖြစ်ပါတယ်။ အချိန်မရ လို့ အသေးစိတ်မရေးပြနိုင်တာ ခွင့်လွှတ်ပါ။

crd :