ဖြူဖြူထွေး ​နဲ့ ဂျက်မား တို့​ရဲ့ ဘဝ သင်​ခန်းစာ

ဖြူဖြူထွေးဟာ ခု ဆိုရင် ​အ​​တော်ကို လူသိများ​ရေပန်းစား​တဲ့ ဆယ်လီတစ်ယောက်ဖြစ်​နေပါပြီ။ လူ​တွေကို ဟာဒယရွှင်ဆေးတိုက်ကျွေးရင်း​နဲ့ လုပ်ငန်းရှင်​တွေကိုလည်း သူတို့​ရဲ့ ကုန်ပစ္စည်း​တွေ၊ ​ဝန်​ဆောင်မှု​တွေကို လက်မလည်အောင် ​​ကြော်ငြာပေး​နေရပါပြီ။ ဂျက်မားက​​တော့ လူတိုင်းနီးပါး သိပြီးသား ​အလီဘာဘာ​ရဲ့ မဟာသူဌေးကြီးပါ။ သူတို့ နှစ်ယောက် ဘယ်လိုဆက်စပ်လဲဆို​​တော့ ဘယ်လိုမှ မဆက်စပ်ပါဘူး။ ဒါ​ပေ​မဲ့ ဘဝသင်ခန်းစာတစ်ခုက​​တော့ သွားတူ​နေပါတယ်။

ဟိုတစ်​​နေ့က ညီမငယ်လေး ဖြူဖြူထွေး​ ရဲ့ အင်တာဗျူး ​အတိုလေးတစ်ခု ကြည့်လိုက်ရပါတယ်။ သူမဟာ သတင်းထောက် လုပ်​ခဲ့ဖူး​တဲ့​အ​​ကြောင်း၊ ​အနုပညာရှင်တွေကို အင်တာလိုက်ဗျူး​ခဲ့ဖူး​တဲ့​အ​​ကြောင်းပါ။ ဒီလို အင်တာဗျူးလုပ်ပြီး နောက်တစ်​​​နေ့မှာ ​အလုပ်ထုတ်​ခံလိုက်ရပါ​လေ​ရော​တဲ့။ ဘာလို့ ​အထုတ်​ခံရလဲဆို​​တော့ အင်တာဗျူး​တွေမှာ ​အ​သံပါမလာလို့ပါတဲ့။ ​အ​သံသွင်းဖို့ မိုက်ခလုတ်ကို ဖွင့်ဖို့ ​​မေ့​ခဲ့တယ်ထင်ပါ​ရဲ့။

ခုချိန်မှာ ရယ်ရယ်​မော​မော ​​ပေါ့​​ပေါ့ပါးပါးလေး​ ​ပြန်ပြောပြသွား​နိုင်ပေ​မဲ့ အဲဒီလို ​အ​​လုပ်ထုတ်​ခံရ​တဲ့​အချိန်မှာ​​တော့ ​​ပျော်နိုင်မယ် မထင်ပါဘူး။ ဝမ်းနည်းရမှာပါ။ ​အသုံးမကျ​တဲ့ ငါပါလားဆိုပြီး ကိုယ့်ကိုယ်ကိုယ် ​အပြစ်တင်စိတ်၊ ဝမ်းနည်း​အားငယ်စိတ်​တွေ ရှိ​​ကောင်း ရှိ​ခဲ့မှာပါ။

ဂျက်မာလည်း ဒီလိုပါပဲ။ KFC ကြက်​​ကြော်ဆိုင်မှာ ​အလုပ်လုပ်ဖို့ ​အလုပ်လာလျှောက်​တဲ့ လူ ၂၄ ယောက်ထဲမှာ ကြက်​​ကြော်ဆိုင်က ၂၃ ယောက်ကို ရွေးချယ်​အလုပ်ခန့်​ခဲ့ပါသ​တဲ့။ တစ်ယောက်ပဲ ​အလုပ်မရတာပါ။ ​အလုပ်မရ​တဲ့ တစ်ယောက်က​​တော့ ဇာတ်လိုက်ကြီး ဂျက်မာပါပဲ။ အဲဒီ​အချိန်မှာ သူဘယ်လို ​ခံစားရမလဲ တွေးသာကြည့်ပါ​​တော့ ခင်ဗျာ။ ခု​​ချိန်မှာတော့ ဖြူဖြူထွေးက သတင်းထောက် မလုပ်ရလည်း ကိစ္စမရှိ​​တော့ပါဘူး။ သတင်းထောက်​တွေ သူ့နောက် တကောက်ကောက် လိုက်​နေကြရပြီ။

ဂျက်မားက​ရော။ ဟုတ်​ကဲ့ သူဝယ်ချင်ရင် တစ်ကမ္ဘာလုံးက KFC ကွန်ရက်ကြီးတစ်ခုလုံးကို ဝယ်ပစ်လိုက်ဖို့ ​လိုအပ်​တဲ့​ငွေထက် ၈ ဆ​​ကျော်လောက်ကို ချမ်းသာနေပါပြီ။ လက်ရှိမှာ တရုတ်ပြည်​ရဲ့ KFC ကုမ္ပဏီ တစ်စိတ်တစ်ပိုင်းကိုလည်း ပိုင်ဆိုင်ထားပါတယ်။

သင်ခန်းစာ​တွေက​​တော့ ယူ တတ်ရင် ​အများကြီးပါ။ လူတိုင်း ရှုံးနိမ့်မှု​နဲ့ မကင်းကြပါဘူး။ ရှုံးနိမ့်​မှု​နဲ့ ကြုံတဲ့​အခါ ဘဝကြီးတစ်ခုလုံးကို လက်လျှော့​အရှုံးပေးလိုက်တာမျိုး မဖြစ်သင့်ပါဘူး။ ​​ရှေ့ဆက်ပြီး ကြိုးစားဖို့ ​အခွင့်​အလမ်း​တွေ​အများကြီး ထပ်​​တွေ့ဦးမှာပါ။

ဘာ​​ကြောင့် ​အရှုံး​နဲ့ ကြုံတွေ့ရလဲ သုံးသပ်ပါ။ ​ကိုယ့်​ရဲ့ အားနည်းချက်​တွေ​​ကြောင့် ရှုံးနိမ့်​ခဲ့ရတာဆိုရင်လည်း နောက်ဆို ဒီလိုမျိုးမဖြစ်ရအောင် ကိုယ့်ကိုယ်ကိုယ် တိုးတက်​​ပြောင်းလဲပစ်နိုင်ဖို့ ကြိုးစားရမှာပါ။ ကိုယ့်​ရဲ့ ​အားသာချက်​တွေကို ​အသုံးချပြီး ကြိုး စားပါ။ ရှုံးနိမ့်မှုဆိုတာ ယာယီပါ။ ဆက်ကြိုးစားရင်း ကိုယ်ရောက်ချင်​တဲ့ ရည်မှန်းချက်ပန်းတိုင်ကို တစ်နည်းမဟုတ်တစ်နည်း​နဲ့ ရောက်နိုင်ပါတယ်။ အရေးကြီးတာက ​အားမလျှော့ပဲ ဆက်ကြိုးစား​နေဖို့ပါပဲ။

မူရင်းရေးသားသူအား လေးစားစွာ ခရက်ဒစ်ပေးပါတယ်

Add a Comment

Your email address will not be published. Required fields are marked *

4 × 2 =