စစ်ကိုင်းတိုင်းမှာ ဧရာဝတီ မြစ်ရေ စိုးရိမ်ရေ အမှတ်ကို ကျော်လွန်လာ၊ မိုးဇလ သတိပေးချက် ထုတ်ပြန်

စစ်ကိုင်းမြို့နယ်၊ မင်းကွန်းယဉ် ကျေးမှုဒေသ သို့သွားရာ စစ်ကိုင်း-မင်းကွန်းကားလမ်း ဆွမ်းဦးပုည‌ရှင် ရေစက်အနီး ကားလမ်းပေါ် သို့ ဇူလိုင် ၂၈ တွင် ဧရာဝတီမြစ်ရေစတင်ကျော်မှု ဖြစ်ပွားနေပါသည်။

ကားလမ်းပေါ်ရေကျော်နေပြီ ဖြစ်သော်လည်း ကား၊ ဆိုင်ကယ်များ သွားလာ၍ ရပါသည်။ ယနေ့ နေ့လည် မြစ်ရေ တိုင်းထွာချက်အရ ဧရာဝတီမြစ်ရေသည် ၁၁၅၁ စင်တီမီတာသို့ရောက်ရှိနေပြီး စစ်ကိုင်းမြို့၏စိုးရိမ်ရေအမှတ် ၁၁၅၀ စင်တီမီတာကို ကျော်လွန်သွားပြီဖြစ်သည်။ စစ်ကိုင်း-မင်းကွန်း အောက်လမ်း (ရှင်ဖြူရှင်လှလမ်းပိုင်း) ရေကျော်၍ သွားလာရ ခက်ခဲပါက အပေါ်လမ်းမှ လမ်းလွှဲမောင်နှင်ပါသည်။ မိုးလေဝသနှင့်ဇလဗေဒညွှန်ကြားမှုဦးစီးဌာနမှ ၂၀၂၀ ပြည့်နှစ်၊ ဇူလိုင်လ (၂၈)ရက်နေ့ (၁၁:၀၀)နာရီ အချိန်တွင် မြစ်ရေကြီးမှုအခြေအနေသတင်းကို အောက်ပါအတိုင်း ထုတ်ပြန် ထားပါတယ်။

ယနေ့မြန်မာစံတော်ချိန် (၁၀:၃၀) နာရီအချိန် တိုင်းထွာချက်အရ ဧရာဝတီ မြစ်ရေသည် စစ်ကိုင်းမြို့ တွင် (၁)စင်တီမီတာခန့် ယင်းမြို့၏ စိုးရိမ်ရေမှတ်အထက်သို့ ကျော်လွန်ရောက်ရှိနေပြီး၊ နောက်(၂)ရက် အတွင်း ယင်းမြို့၏စိုးရိမ်ရေမှတ်အောက်သို့ ပြန်လည်ကျဆင်းနိုင်ပါသည်။ ယနေ့မြန်မာစံတော်ချိန် (၁၀:၃၀) နာရီအချိန် တိုင်းထွာချက်အရ ဧရာဝတီမြစ်ရေ သည် ညောင်ဦးမြို့ တွင် ပေဝက်ခန့် ယင်းမြို့၏ စိုးရိမ်ရေမှတ်အထက်သို့ ကျော်လွန်ရောက်ရှိနေပါသည်။ အဆိုပါမြစ်ရေသည် လက်ရှိရေမှတ်မှ နောက် (၂)ရက်အတွင်း ပေဝက်ခန့် ဆက်လက်တက်လာ နိုင်ကာ ယင်းမြို့၏ စိုးရိမ်ရေမှတ် အထက် ဆက်လက် တည်ရှိနိုင်ပါသည်။

ယနေ့မြန်မာစံတော်ချိန် (၁၀:၃၀) နာရီအချိန် တိုင်းထွာချက်အရ ဧရာဝတီမြစ်ရေသည် ဆိပ်သာမြို့ တွင် (၃)လက်မခန့် ယင်းမြို့၏ စိုးရိမ်ရေမှတ် အထက်သို့ ကျော်လွန်နေရောက်ရှိနေပါသည်။ အဆိုပါမြစ်ရေ သည် လက်ရှိ ရေမှတ်မှ နောက် (၂)ရက်အတွင်း ပေဝက်ခန့် ဆက်လက်တက်လာနိုင်ကာ ယင်းမြို့၏စိုးရိမ် ရေမှတ်အထက် ဆက်လက် တည်ရှိ နိုင်ပါသည်။ ယနေ့ မြန်မာစံတော်ချိန် (၁၀:၃၀) နာရီအချိန် တိုင်းထွာချက် အရ ချင်းတွင်းမြစ်ရေသည် ဖောင်းပြင်မြို့ တွင် (၁)ပေခန့် ယင်းမြို့၏ စိုးရိမ်ရေမှတ်အထက်သို့ ကျော်လွန်ရောက်ရှိနေပါသည်။ အဆိုပါမြစ်ရေသည် နောက် (၃)ရက်အတွင်း ယင်းမြို့၏ စိုးရိမ်ရေမှတ်အောက်သို့ ပြန်လည် ကျဆင်းနိုင်ပါသည်။

အကြံပြုချက် ။ ။ သို့ဖြစ်ပါ၍ ညောင်ဦးမြို့နယ် နှင့် ဆိပ်သာမြို့ အတွင်းရှိ မြစ်ကမ်းအနီး နှင့် မြေနိမ့်ပိုင်း နေထိုင်သူများ အနေဖြင့် အထူးသတိပြု နေထိုင်ကြပါရန် အသိပေး နှိုးဆော်အပ်ပါသည်။

crd

Add a Comment

Your email address will not be published. Required fields are marked *

eight + eighteen =