ဖိလစ်ပိုင် မှာ ကိုဗစ်ကို ကျိတ်ကုနေတဲ့ တရားမဝင် တရုတ်ဆေးရုံ ကို ဝင်ရောက်စီးနင်း ဖမ်းဆီး

ဖိလစ်ပိုင် မှာ ကိုဗစ်ကို ကျိတ်ကုနေတဲ့ တရားမဝင် တရုတ်ဆေးရုံ ကို ဝင်ရောက်စီးနင်း ဖမ်းဆီး

မနီလာမြို့ အနောက်မြောက်ဘက် က Special Economic Zone မှာ ရဲက တရားမဝင် တရုတ်ဆေးရုံ တစ်ရုံကို ဝင်ဖမ်း ခဲ့ပါတယ်။ အဲ့ဒီဆေးရုံလေးမှာ ခုတင် ၇ လုံးရှိပြီး တရုတ် Covid-19 လူနာတစ်ယောက်ကို ကုနေတယ်လို့ဆိုပါတယ်။

တရုတ်တံဆိပ် နဲ့ Covid-19 rapid Test kit အခု 200 လောက်ရယ် သုံးပြီးသားဆေးထိုးအပ်တွေကိုပါ အမှိုက်ပုံးထဲက သိမ်းဆည်း ရမိခဲ့ပါတယ်။ အဲ့ဒီတိတ်တိတ်ပုန်းလာကုတဲ့ Covid-19 လူနာတွေက အနီးအနားလျှောက်သွားနေကြလို့ ရောဂါကူးစက်မှာ လန့်နေကြ ပါတယ်။

အဲ့ဒီတိတ်တိတ် ပုန်းဆေးရုံလေးမှာ online gambling တရုတ်လောင်းကစားသမားတွေပါ လာပြကြတယ်လို့ဆိုပါတယ်။ အခုလိုတရားမဝင် တရုတ်ဆေးရုံဆေးခန်းတွေဟာ ပြည်သူလူထုကို အကျိုးမပြုတဲ့အပြင် အန္တရာယ်အလွန်ကြီးပါတယ်တဲ့။ သူတို့ဟာ မှတ်ပုံတင်ထားခြင်းမရှိလို့ တာဝန်ယူမှု တာဝန်ခံမှုရှိစရာမလိုသလို ကုတဲ့လူတွေကလည်း ဘယ်လိုနည်းစနစ်မမှန်ပဲကုနေမှန်း မသိနိုင်ပါဘူးတဲ့။

အခုဆေးရုံလေးဟာ အပြင်မှာက တရုတ်ဆေး ဆိုင်ဖြစ်ပြီး အတွင်းကိုဝင်စစ်ဆေးကြည့်တော့မှ တရားမဝင် Covid-19 ကုပေးနေတဲ့ ဆေးရုံအသေးလေးအဖြစ်လုပ်ထားတာဖြစ်ပါသတဲ့။ ဖိလစ်ပိုင်ကျန်းမာရေးဝန်ကြီးဌာနဟာ ပြည်သူလူထုအတွက် အခုလိုတရားမဝင်ဆေးခန်းနဲ့ဆေးရုံတွေကို အရေးယူနေခြင်းဟာ အလွန်အားရဖွယ်ကောင်းလှပါတယ်။

ဒါမှဘယ်သူမှနောက်မလုပ်ရဲမှာဖြစ်ပါတယ်။ တစ်ချို့နိုင်ငံတွေ မှာပေါ်ပေါ်တင်တင်ကြေညာပြီးဖွင့်နေတာတောင်အရေးယူမှုမရှိတာ အံ့ဩဖွယ်ကောင်းလှပါတယ်။ မြန်မာနိုင်ငံမှာ သတင်းစာထဲမှာ ကင်ဆာအမြစ်ပြတ်ကုသည်ဆိုတဲ့ကြေညာမျိုးကို ဟိုးလွန်ခဲ့တဲ့ နှစ် 30 လောက်ကတည်းက မြင်ဖူးခဲ့တာပါ။ လူကြီးတွေသတင်းစာ မဖတ်ကြဘူးထင်ပါရဲ့လို့တွေးမိပါတယ်။

Richard Myo Thant
20-May-2020

Add a Comment

Your email address will not be published. Required fields are marked *

16 − eight =