ကိုဗစ်လူနာ အများဆုံးရှိတဲ့ အင်းစိန် မှာ ပင်စင်ထုတ်နေကြ တဲ့ သက်ကြီးရွယ်အိုများ ရဲ့မြင်ကွင်း

ကိုဗစ်လူနာ အများဆုံးရှိတဲ့ အင်းစိန် မှာ ပင်စင်ထုတ်နေကြ တဲ့ သက်ကြီးရွယ်အိုများ ရဲ့မြင်ကွင်း

ဒါကတော့ ကိုရိုနာဗိုင်းရပ်စ် ကူးစက် လူနာအများဆုံးတွေ့ရှိထားတဲ့ အင်းစိန်မြို့နယ်က ပင်စင်လာထုတ်သူတွေပါ။ လူစုလူဝေးနဲ့သက်ကြီးရွယ်အိုတွေဆိုတာ ကိုရိုနာဗိုင်းရပ်စ်ရဲ့သားကောင်တွေပါ။ တန်းစီဖို့နေရာ စီစဉ်ပေးထားပေမယ့် လူအများကြီးအတွက် မလုံလောက်ပါဘူး။

ဒီလူပမာဏ အတိုင်း ၆ ပေကွာနေရာ စီစဉ်ပြန်ရင်လည်း အင်းစိန်ကနေလှည်းတန်း ထိတောင် လောက်မယ် မထင်ပါဘူး။ ၂၁ ရက်ကနေ လကုန်ထိ ပင်စင်လစာလာထုတ်လို့ရတယ်ဆိုပေမယ့် များပြားလှတဲ့ ပင်စင်စားပမာဏနဲ့ သူတို့ရဲ့စားဝတ်နေရေးအခက်အခဲအရ စောင့်ဆိုင်းနိုင်ပါ့မလားဆိုတာတော့ ကျွန်တော် မသိနိုင်ပါဘူး။

ပင်စင်စာအုပ် နဲ့ ပင်စင်စားကတ်ပြား (နာမည်မသိပါ) ပြပြီး လစာငွေထုတ်ရတယ်လို့သိရပါတယ်။ သူတို့အတွက် ဘဏ်စာအုပ်လုပ်ပြီးထည့်ပေးထားတာမျိုး၊ ATM card လုပ်ပြီး ATM ကနေငွေထုတ်စေတာမျိုးလုပ်ပေးလို့မရဘူးလား။

သက်ကြီးရွယ်အိုတွေ အတွက် အနဲဆုံးတော့တန်းစီရတဲ့အချိန်တွေ၊ ပင်ပန်းမှုတွေ၊ မလိုအပ်တဲ့လူစုလူဝေးတွေ၊ ကူးစက်ရောဂါတွေ သက်သာသွားမှာပါ။ Covid-19 အတွက်ဦးတည်ပြောနေတာမဟုတ်သလို၊ ချက်ချင်းလုပ်ပေးသင့်တယ်လို့လည်း ဆိုလိုတာမဟုတ်ပါဘူး။ နိုင်ငံသားတစ်ယောက်အနေ နဲ့ နိုင်ငံတာဝန်ထမ်းဆောင်ခဲ့တဲ့ သက်ကြီးရွယ်အိုတွေကို ပြန်လည်စောင့်ရှောက်သင့်တယ်ထင်လို့ပါ။

ဗိုင်းရပ်စ် ဆိုတာ Covid-19 မှမဟုတ်ဘူး၊ ဒီတစ်ခုပျောက် သွားလည်း နောက်တစ်ခုပေါ်လာမှာပဲ။ တစ်နှစ်ပြီး တစ်နှစ် ပင်စင်စားတွေက တိုးလာမှာပါ။ လက်ရှိလူတွေ အဆင်မပြေရင်တောင် နောက်နောင်လူတွေ အဆင်ပြေစေချင်ပါတယ်။

ATM တို့ ဘဏ်စာအုပ် တို့ဆိုတာ ဒီဘက်ခေတ်မှာနည်းပညာအရ ခက်ခဲတဲ့ အရာတွေမဟုတ်ပါဘူး။ လုပ်ပေးချင်ရင်ရပါတယ်။ ဘယ်အရာမဆို အပြောင်းအလဲ (Change) တစ်ခုလုပ်မယ်ဆိုတိုင်း အစီအစဉ်တကျ (Plan) နဲ့လုပ်နိုင်ရင် အခက်အခဲ (risk) နဲနဲနဲ့ အောင်မြင်နိုင် ပါတယ်။

ကျွန်တော်ငယ်ငယ်က ကြားဖူးတဲ့ပုံပြင်လေး တစ်ခုရှိပါတယ်။ ပါမောက္ခချုပ်ကို ဆရာဆရာမတွေက ကျောင်းသား‌တွေအကြောင်းတိုင်ပါတယ်တဲ့။ အကြောင်းကတော့ ကျောင်းသားတွေဟာ ကျောင်းလမ်းကိုအသုံးမပြုပဲ မြက်ခင်းတွေပေါ်ကဖြတ်လျောက်ကြလို့ မြက်ခင်းတွေပျက်စီးကုန်ပါတယ်တဲ့။

အဲတော့ပါမောက္ခက ကျောင်းသားတွေသွားတဲ့ မြက်ခင်းပေါ် မှာ လမ်းဖောက်ပေးလိုက်ပါတယ်။ ဒီတော့မှကျောင်းသားတွေဟာ မြက်ခင်းပေါ်ဖြတ်မလျောက်တော့ပဲ ပါမောက္ခဖောက်ပေးတဲ့လမ်းကိုပဲ အသုံးပြုကြတော့တယ်တဲ့။

ပြဿနာကိုအမဲလိုက်နိုင်ရင် အဖြေရမှာပါ။ အားလုံး ရောဂါဘယကင်းဝေးပြီး ကျန်းမာချမ်းသာကြပါစေ။

Aung Thu Hein (Hitelar)

Add a Comment

Your email address will not be published. Required fields are marked *

20 − one =