ဒီနှစ် (၁၀) တန်းအောင် တဲ့ လူငယ်တွေ ကို ဒီတက္ကသိုလ် တက်စေချင် မိတယ်

မြန်မာနိုင်ငံ မှာ လက်ရှိအချိန်ထိ တခုတည်း ရှိသေးတဲ့ တက္ကသိုလ် Myanmar Institute of Information Technology (MIIT) ၊ဆယ်တန်းအောင်စာရင်းထွက်ပြီးလို့ ဘယ်ကျောင်း တက်ရမလဲ စဉ်းစားနေတဲ့သူတွေကို ဒီကျောင်းအကြောင်း ပြောပြချင်ပါတယ်။

အရင်အစိုးရလက်ထက်မှာ အိန္ဒိယအစိုးရနဲ့G to G အကူအညီနဲ့ တည်ထောင်ထား တဲ့ အစိုးရတက္ကသိုလ်ပါ။ ပုဂ္ဂလိက တက္ကသိုလ်လို့ အထင်မှားနေကြတာတွေ ရှိပါတယ်။ IT နဲ့ပတ်သက်တဲ့ နည်းပညာ တက္ကသိုလ်တစ်ခုပါ။ Electric and Communication Engineering ( EC ) နဲ့ computer science Engineering ( CSE ) ဆိုပြီး Major နှစ်ခု ကိုရွေးချယ်လို့ ရပါမယ်။

ဝင်ခွင့်ဖြေရပါတယ်။ ဝင်ခွင့်ကခက်ပါတယ်။ ဆယ်တန်းစာကိုပဲ အခြေခံပြီးပြန်မေးတာပေမယ့် တစ်ကယ်တတ်ကျွမ်းမှု ဘက်ကို ရွေးချယ်မေးတာမျိုးမို့ ဆယ်တန်းစာကိုပဲ သေချာပြန်လုပ်ထားဖို့ လိုပါမယ်။ အရေးကြီးတဲ့အချက်ကိုပြောရရင် ဝင်ခွင့်လိုက်လို့ရတယ်ဆိုတဲ့ ပြသနာမျိုးလုံးဝမရှိတာပါ။ ဘာလို့အာမခံနိုင်သလဲမေးရင် ၂၀၂၀ အထိ အဲဒီတက္ကသိုလ်ရဲ့ သင်ကြားရေးနဲ့ စီမံခန့်ခွဲမှုအဝဝဟာ အိန္ဒိယ ကလာတဲ့ ဆရာတွေရဲ့တိုက်ရိုက်အုပ်ချုပ်မှုအောက်မှာပါ။

အဲဒါကြောင့်ပဲ ဒီတက္ကသိုလ်ကို မြန်မာကျောင်းသားတွေ တက်စေချင်တဲ့ အဓိက အချက်ပါ။ ဝင်ခွင့်စာမေးပွဲဟာ MCQ မေးခွန်းပုံစံဖြစ်ပြီး စက်နဲ့စစ်တယ်ဆိုတဲ့ စနစ်ပါ။ ဝင်ခွင့်အမှတ်နဲ့ ဆယ်တန်းအမှတ် နှစ်ခုကိုပြန်ပေါင်းပြီးရွေးပါတယ်။ မေဂျာတစ်ခုကို လူ ၆၀ ပဲ ရွေးပြီး နှစ်မေဂျာပေါင်းမှ တစ်နှစ်ကို လူ ၁၂၀ ပဲရွေးချယ်ပါတယ်။ အဲဒီတက္ကသိုလ်အနေနဲ့ ဒီနှစ်က တတိယမြောက် batch ဖြစ်မှာပါ။ ကျောင်းရဲ့အားသာချက်တွေကိုပြောပြချင်ပါတယ်။

(၁) ကျောင်းသားတစ်ယောက်ကို လက်ပ်တော့ တစ်ယောက်တစ်လုံး ပေးထားပါတယ်။ အဲဒီတော့ ဘာဖြစ်သလဲဆိုတော့ မြန်မာပြည်က တစ်ခြားနည်းပညာတက္ကသိုလ်တွေမှာ ပရိုဂမ်မင်းဘာသာရပ် ကို အော်ကျက်နေကြရတဲ့ စိတ်မချမ်းသာစရာ မြင်ကွင်းမျိုးမရှိတော့တာပါ။ အဲဒီအတွက်ပဲ တစ်ကယ်သင်ပြီး တစ်ကယ်လုပ်ရတဲ့ တစ်ကယ်တတ်တဲ့ တက္ကသိုလ်တစ်ခု ဖြစ်လာ ရပါတယ်။

(၂) သင်တဲ့ဆရာတွေက နိုင်ငံခြားသားတွေ ဖြစ်တဲ့အတွက် အင်္ဂလိပ်ကောင်းဖို့အရေးကြီးပါတယ်။ ဆရာနဲ့တပည့် အင်္ဂလိပ်လိုပဲ ပြောဆိုသင်ကြား ဆက်သွယ်ကြရလို့ပါ။ ကျောင်းရဲ့ အကြီးဆုံး ဒါရိုက်တာ Mr. Raja ကို ကျောင်းသားတွေ က Hi ..Raja လို့ ခေါ်ပြီး တိုက်ရိုက် mail ပို့ရပါတယ်၊ complaint တက်လို့ရပါတယ်။ ဒါဆိုရင် အဲဒီကျောင်းရဲ့ Atmosphere ကို ခင်များတို့ဆက်ပြီးခန့်မှန်းကြည့်လို့ရမယ်ထင်ပါတယ်။

ရာဂျာက ပြောတာ ကြားဖူးတယ် ။ မြန်မာကျောင်းသားတွေ မညံ့ဘူးဒါပေမယ့် ဘာဖြစ်လို့ကြောက်နေကြတာလဲတဲ့။ ပြီးတော့ မြန်မာကျောင်းသားဆွေကို သူ မကြိုက်ဆုံးအချက်က မေးခွန်းတွေ မမေးကြတာပဲတဲ့။ သူ့ကျောင်းသားတွေ မေးခွန်းမမေးရင် ဆရာတွေအဲဒီအခန်းက ပြန်မထွက်ရဘူးလို့ သူ့ဆရာတွေကိုပြောထားတယ်တဲ့။ သူ့ဆရာတွေက ဒီကျောင်းသားတွေကို သင်ရတာ မလွယ်ဘူး သိပ်ခက်တယ် အများကြီးပြင်ဆင်ရတယ်လို့ သူ့ကို လာပြီးညည်းညူတာပဲ သူလိုချင်ပါတယ်တဲ့။

အဲဒီကျောင်းက ကျောင်းသားတွေကို သွားကြည့်ရင် ခင်ဗျားတို့ စိတ်ချမ်းသာမယ့်အရာတစ်ခု ရှိပါတယ်။ အဲဒါက ကျောင်းသားတွေရဲ့မျက်နှာပေါ်မှာ ပေါ်ထွက်နေတဲ့ သူတို့ကိုယ်သူတို့ယုံကြည်မှုနဲ့ ရဲရင့်နေမှုပါ။ ဒါကလည်း မထူးဆန်းပါဘူး။ အဲဒီသင်ကြားပုံအောက်ကနေ အဲဒီလိုကျောင်းသားတွေပဲ ထွက်လာမှာပါ။ ကျနော်ကတော့ ပြောတယ်။ ဒါဟာ ပြည်ပကိုထွက်သင် မှသာ ရနိင်မယ့် Atmosphere ပဲလို့။ ဒီကလေးတွေ ကံကောင်းလိုက်တာဆိုပြီးတော့ ပြောလေ့ ရှိပါတယ်။

(၃) အဲဒီတက္ကသိုလ်ရဲ့ထူးခြားချက်ကိုပြောပါဆိုရင် လုံးဝကျူရှင်မရှိတာပါပဲ။ ဆရာတွေက ကျူရှင်ဆိုတာ မရှိပါဘူး။ ကျောင်းမှာ အပီးသင်တယ်။ ကျောင်းသားချင်းစာစုလုပ်ကြတယ်။ မရှင်းတာမှန်သမျှ ဆရာဆရာမတွေ ကိုအချိန်မရွေး သွားမေးလို့ရတယ်။ ဆရာတွေနဲ့ကျောင်းသားတွေဟာ အမြဲ group chat တွေ group discussion တွေနဲ့ပါ။ စာတွေဟာ ဗီဒိုယိုဖိုင်တွေ ၊ ဆလိုဒ်တွေနဲ့ပေးပြီး ကျောင်းရဲ့ ဝက်ဆိုဒ်မှာ သက်ဆိုင်ရာဆရာတွေက ၊ စက်ဆိုင်ရာ နုတ်တွေ တင်ပေး တာမျိုးပါ။ ဒါကို ကျောင်းထဲမှာပဲ ဖွင့်ကြည့်လို့ရတဲ့ နည်းပညာနဲ့ဆိုတော့ ကျောင်းသားဟာ ကျောင်းကို လာကိုလာရ ပါတယ်။

ကျောင်းသားတွေရဲ့လက်ပတော့တွေမှာ ကုဒ်တွေပါပြီး ဘယ်သင်ခန်းစာ ဖတ်မဖတ်ပါ မှတ်တမ်းယူထားမျိုး၊ ခြေရာခံလို့ ရတာမျိုးပါ။ တစ်ကျောင်းလုံး CCTV အပြည့်နဲ့ပါ။ ကျောင်းခေါ်ချိန် ၉၀ % ပါ။

စုစုပေါင်း ၅ နှစ်တက်ပြီး BE ( Hons ) ဘွဲ့ပေးမှာပါ။ အိန္ဒိယရဲ့နာမည်ကြီး နည်းပညာတက္ကသိုလ်နဲ့ အဆင့်တူ တက္ကသိုလ် အဖြစ် အဲဒီကသင်ရိုးညွှန်းတမ်း၊ အဲဒီကဆရာတွေနဲ့ သတ်မှတ်သင်ကြားတာပါ။ ဒီကျောင်းပြီးတဲ့အခါ ကမ္ဘာပေါ်က ဘယ်တက္ကသိုလ်ကိုမဆို ME သွားတက်လို့ရတယ်လို့ ဆိုပါတယ်။ ဆိုလိုတာက အဲဒီကျောင်းကို ကမ္ဘာက အသိအမှတ် ပြုလို့ ဆိုချင်တာပါ။ အဲဒီကျောင်းပြီးရင် နည်းပညာသမားတစ်ယောက်အဖြစ် သေသေချာချာ ကျွမ်းကျွမ်းကျင်ကျင် ရပ်တည်နိုင်မှာပါ။

အဲဒီကျောင်းကို ဘာဖြစ်လို့သဘောကျရတာလဲ၊ အနှစ်သက်ဆုံးအချက်ကိုပြောစမ်းပါဆိုရင်တော့ ကျနော့်အနေနဲ့ တစ်ခွန်းပဲ ပြောစရာရှိပါတယ်။ တက္ကသိုလ်ဆိုတာ စာတစ်ခုတည်းကုန်းကျက်နေတဲ့ အရပ်မဟုတ်ဘူး ဆိုတဲ့လင်းပွင့်တဲ့ Atmosphere ကို ရစေတာ တစ်ခုတည်းနဲ့တင် လို့ပြောရမှာပါ။

အားနည်းချက်အနေနဲ့တစ်ခုပဲ ပြောစရာရှိပါတယ်။ စာတစ်ကယ်လုပ်ရတဲ့ကျောင်း ပါ။ စာမလုပ်ချင်ရင် IT ဝါသနာမပါရင် လုံးဝမလာသင့်ပါဘူး။ စာတွေကခက်ပါတယ်။ စာမေးပွဲဟာ တစ်နှစ်တစ်ခါအတန်းတက်တဲ့ပုံစံနဲ့သွားတာမဟုတ်ပဲ semester 10 ကို A+ , A , B+,B ….အဲဒီလိုတွေပေးတဲ့ပုံစံနဲ့သွားပါတယ်။ စာမေးပွဲမရှိတဲ့အပါတ်ဆိုတာ မရှိသလောက်ရှားပြီး နာမည်အမျိုးမျိုးနဲ့ ဖြေ နေကြရတာပါ။ Surprise Quiz ဆိုတာ ကလည်း အပါတ်တိုင်းရှိတာမျိုးပါ။ စာတစ်ကယ် မလုပ်ချင်တဲ့သူတွေအတွက်ဆိုအဆင်မပြေပါဘူး။ စာများပြီးကျောင်းပျက် လို့မရတဲ့ တက္ကသိုလ်ပါ။

ဒါပေမယ့် ပြည်ပနိုင်ငံတွေမှာ တစ်နှစ်ကို သိန်းရာဂဏန်းလောက်ပေးသင်မှရမယ့် ပတ်ဝန်းကျင်နဲ့ ပညာရေးကို ပြည်တွင်း မှာ ကျောင်းလခ တစ်လ ငါးထောင်ကျပ်နဲ့သင်ခွင့်ရမှာပါ။ အမှတ်တွေလည်းအများကြီး။ ဆရာဝန်လည်းမလုပ်ချင်။ ရေထဲ လည်း တစ်သက်လုံး မနေနိုင်ဆိုတဲ့ ကလေးတွေအတွက် လက်ပတော့ကလေးဆွဲပြီး ရှပ်အင်္ကျံ အဖြူကလေးနဲ့ ဘောင်းဘီ နက်ပြာဝတ်စုံကလေးနဲ့ ရှင်းသန့်တက်ကြွပြီးတက်စရာ တက္ကသိုလ် ရှိနေတဲ့အကြောင်း အသိပေးလိုတာပါ။

ဒီကျောင်းကနေ ငါးနှစ်အတွင်း ထွက်လာမယ့် နည်းပညာရှင် ၆၀၀ ဆိုတာ တိုင်းပြည်အတွက် တစ်ကယ်အသုံးဝင်မယ့် တတ်ကျွမ်းသူတွေ ဖြစ်နေမှာ တစ်ခုတည်းနဲ့ အတော်ကလေးအကျိုးများတာ မြင်နေရတော့ ဒီလိုပညာရေးအကူအညီတွေ ဘာလို့များ အများကြီးမရခဲ့တာပါလိမ့်လို့ အတော်ကလေးဝမ်းနည်းစိတ်မကောင်းစရာ ဖြစ်ရတာပါ။ များများမဟုတ်ဘူး။ မြန်မာပြည်မှာ ဒီလိုကျောင်းမျိုး ၃ ကျောင်းလောက်ဆို သိပ်ကောင်းမှာပဲလို့ လောဘလည်း ကြီးမိတာပါ။

ခုချိန်ထိတော့ မန္တလေးမြို့မှာ တစ်ခုတည်းရှိနေသေးတာပါ။ ကျောင်းဝင်ခွင့်က နိုဝင်ဘာမှာ ဖြေရပါတယ်။ Phy., chem, Maths,Eng လေးဘာသာလုံး MCQ ဖြေရပါတယ်။ ကျောင်းရဲ့ ဝက်ဘ်ဆိုဒ်မှာလည်းဝင်ကြည့်လို့ရပါတယ်။

အရေးကြီးတာက….ဝင်ခွင့်က ခက်ပါတယ်။ ဖြေတဲ့သူအများကြီးထဲက လူ ၁၂၀ ပဲရွေးတာမို့ပါ။ အဲဒီကျောင်းကို ဝင်ခွင့်ဖြေဖို့ အောင်မအောင်လည်း မသိနိုင်လို့ ကိုယ်တက်ရမယ့်တက္ကသိုလ်လည်း မဆုံးရှုံးရအောင် တက္ကသိုလ် ဝင်ခွင့်တင်တဲ့အခါ ကိုယ့်ရမှတ်နဲ့ ကိုယ်မျှော်လင့်ထားတဲ့ တက္ကသိုလ်တွေကို အစဉ်လိုက်ဖြည့်ထားပါ။

ဆေးတက္ကသိုလ် ရေကြောင်း စသည်ဖြင့် ဖြည့်ထားပါ။ ပြီးမှ ဒီကျောင်းဝင်ခွင့်ခေါ်တဲ့အခါ ဝင်တင်ပြီးဖြေပါ။ဒီမှာ မအောင်ရင် ကိုယ့်မူလအစီအစဉ်အတိုင်း တက်လို့ရပြီး အောင်ခဲ့ရင်တော့ အဲဒီတက္ကသိုလ်ကို ဒီကအောင်စာရင်းပြပြီး ဒီမှာတက်မယ့် အကြောင်း ပြန်ပြီးလျှောက်လွှာတင်ရင် ရပါတယ်။ သူက နိုဝင်ဘာမှာပဲဖြေရပြီး တစ်ပါတ် အတွင်းအောင်စာရင်းထွက်တာမို့ ဒီဇင်ဘာမှ ဖွင့်တဲ့တက္ကသိုလ်တွေ အတွက် ပြသနာ မရှိတာပါ။ ။

မေဇော်

PS: လက် ရှိ ကျွန် တော် ရဲ့သား ဒုတိယ နှစ် မှာတက် နေပါတယ် အမှန် တကယ် နိုင် ငံတကာအဆင့် ကျောင်းတစ် ကျောင်းပါ အရင် ကဆိုရင် အိမ် မက် တောင် မက် ခွင့်မရှိတဲ့ အခွင့်အ ရေးပါ။

Myanmar Institute of Information Technology(MIIT)

73rd Street, Ngu Shwe War Street, Chanmyathazi Township, Mandalay, Myanmar
Ph.No. +95-9-785557703, +95-9-785557704
Websit,-ာhttp://www.miit.edu.mm/

Add a Comment

Your email address will not be published. Required fields are marked *

nineteen + twenty =