ကျောင်းတွေ ဘယ် အတန်းက (မူလတန်း နဲ့ အထက်တန်း) စဖွင့်မလဲ ဆိုတာ အမေစုပြောပြီ…

ကျောင်းတွေ ဘယ် အတန်းက (မူလတန်း နဲ့ အထက်တန်း) စဖွင့်မလဲ ဆိုတာ အမေစုပြောပြီ…

အခြေခံပ ညာကျောင်းများ ပြန်လည်ဖွင့်လှစ်ရန် စီမံခြင်းနှင့် ပတ်သက်ပြီး နိုင်ငံတော် ၏ အတိုင်ပင်ခံ ပုဂ္ဂိုလ်က အခြေခံပညာဦးစီး ဌာန ညွှန်ကြားရေးမှူးချုပ် ဦးကိုလေးဝင်း၊ မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ် ကိုယ်စားလှယ် မူလတန်းပြ ဆရာမ ဒေါ်နီလာဝင်း၊ ကျောင်းသားမိဘ ဦးကျော်ဌေး တို့နှင့် မေလ ၁၉ ရက်က အွန်လိုင်းဆွေးနွေးပွဲပြုလုပ်ခဲ့သည်။

မန္တလေးတိုင်းဒေသကြီး ချမ်းမြသာစည်မြို့နယ်မှ မူလတန်းပြ ဆရာမ ဒေါ်နီလာဝင်းက ကျောင်းပြန်ဖွင့်ရာတွင် မူလတန်းမှ စဖွင့် မည်ဆိုပါက ကလေးငယ်များ၏ ဆော့ကစားတတ်သည့် သဘာဝအရ တစ်ဦးနှင့်တစ်ဦး ခပ်ခွာခွာနေထိုင်စေရန် မလွယ်ကူဘဲ ၎င်းတို့ကို ကျန်းမာရေးအသိပညာပေး ရန် အခက်အခဲ ရှိကြောင်း တင်ပြခဲ့ သည်။

‘‘ကလေးတွေက သူတို့ လုပ်ချင်တဲ့အလုပ်က ကစားချ င်တာပဲ။ ကစားရင်းနဲ့ ပညာကို သင်ယူတဲ့နည်းနဲ့ သူငယ်တန်းသင်ရိုးတွေ မှာ ပြဋ္ဌာန်းထားတာပါ။ သူတို့ကိုဒီစည်းကမ်းတွေနဲ့ Mask တွေအုပ်ခိုင်းမယ်၊ မျက်နှာကာတွေ တပ်ခိုင်းမယ်၊ ခပ်ခွာခွာအနေအထားတွေနဲ့ ထားမယ်။ ကိုယ့်ဘက် ကတော့ တတ်နိုင်သမျှ ပြင်ဆင် ထားတဲ့အတွက် ရပြီဆိုပါစို့။ ကလေးတွေက ငြိမ်ငြိမ်မနေတတ် တဲ့ အရွယ်လေးတွေ ဖြစ်နေတာ။ စည်းကမ်းလိုက်နာဖို့ဆိုတာ ဒါပြောတယ်။ ဒီနားထိုင်ပါ၊ ဒီဟာကို တပ်ထားပါဆိုတာကို ဘယ်လိုမှ မရတာ။ ကျွန်မတို့ မန္တလေးရာသီဥတုနဲ့ဆိုရင် နေ့လယ် လောက်ဆို ကလေးတွေက အင်္ကျီတွေချွတ်ပြီး ပစ်ပေါက်ပြီး ကစား တာမျိုး’’ဟု ဒေါ်နီလာဝင်းက ဆို သည်။

အသက်ငယ်သည့် ကလေးများကို မိဘများက ပိုစိုးရိမ်၍ မူလတန်း အဆင့်ထက် အထက်တန်း အဆင့် အတန်းများကို စဖွင့်ရန်ပိုမိုလိုလားကြောင်း ကျောင်းသားမိဘကိုယ်စားလှယ် ဦးကျော်ဌေးကလည်း ပြောကြားသည်။ နိုင်ငံတော်၏ အတိုင်ပင်ခံပုဂ္ဂိုလ်က အခြေခံပညာကျောင်း များကို အစောဆုံး ဇူလိုင်လ ဆန်းမှပြန်ဖွင့်မည်ဖြစ်ရာ ကျန်နေသေး သည့် အချိန်တစ်လခွဲအတွင်း တင်ပြချက်များကို ပြန်လည်သုံးသပ် မည်ဖြစ်ကြောင်း၊

အခြားနိုင်ငံများ ထံမှ သင်ခန်းစာများကိုလည်း အမြဲလေ့လာ သင်ယူနေမည်ဖြစ် ကြောင်း၊ မူလတန်းမှ စဖွင့်မည့်အစား အထက်တန်းမှ စဖွင့်ရန်လည်း လေးလေးနက်နက် ပြန်လည်စဉ်း စားမည်ဖြစ်ကြောင်း ပြောကြား ခဲ့သည်။

ဒေါ်အောင်ဆန်းစုကြည် က ‘‘အထက်တန်းကလေးတွေ အရေအတွက် အားဖြင့် မူလတန်းကလေးတွေက ပိုပြီး နည်းလိမ့်မယ်ထင်တယ်။ Social Distancing လုပ်ဖို့ ပိုပြီးလွယ်လိမ့်မယ် ထင်တယ်။ နည်းတဲ့အခါကျတော့ ပိုပြီးတော့ ခွာခွာထားလို့ရမယ်။ ကျောင်းချိန်တွေ အပြောင်းအလဲ လုပ်တာကလည်း နည်းနည်း ပိုကြီး တဲ့ ကလေးတွေနဲ့ဆို ပိုအဆင်ပြေ မယ်ထင်တယ်။ အဲဒါတွေ အားလုံး ထည့်စဉ်းစားမှာပါ’’ဟု ဆိုသည်။

ကျောင်းပြန်ဖွင့်ပါက ကျောင်းသား၊ ဆရာ၊ ကျောင်းသား မိဘသာမက ကျောင်းလိုက်ပို့ သူ၊ ကျောင်းအနီးဈေး ရောင်းသူ များပါ လိုက်နာရမည့်စည်းမျဉ်းစည်းကမ်းများ ထုတ်ပြန်မည်ဖြစ် ပြီး စည်းကမ်းလိုက်နာခြင်းရှိ၊ မရှိသက်ဆိုင်ရာလုံခြုံရေးပိုင်း တာဝန်ရှိသူများက ကြပ်မတ်ရမည်ဟု လည်း ဒေါ်အောင်ဆန်းစုကြည်က ဆိုသည်။

အခြေခံပညာကျောင်းများ ကို ဇူလိုင်လ အတွင်း ဖွင့်လှစ်ရန် ပြင်ဆင်နေပြီး Quarantine (အသွားအလာကန့်သတ်ခြင်း) စင်တာအဖြစ် အသုံးပြုခဲ့သည့် ကျောင်းများကိုလည်း ပိုးသတ်ဆေးဖျန်းကာ ပညာရေးဝန်ကြီး ဌာနသို့ ဇွန်လ ၁၅ ရက် နောက်ဆုံး ပြန်လည် အပ်နှံရန် ညွှန်ကြား ထားသည်။

ဆဲဗင်းဒေး