ဒီကမ္ဘာမြေ ပေါ် မှာ ဒေါ်အောင်ဆန်းစုကြည် ပိုင် တဲ့ တစ်ခု တည်း သော ခြံ ကလေး နှင့် ဝယ်ယူ ဖြစ် ခဲ့ပုံ

ပုပ္ပားတောင်ခြေ က သာယာ လှ တဲ့ ဂန္ထဝင်ခြံ ကို ခြံပိုင်ရှင် ဦးရဲဝင်းအောင် ဆီ က အမေစု တို့ သား အမိနှစ်ယောက် ဝယ်ယူဖြစ်ခဲ့ပုံ ဟာ ဆန်းကြယ်လွန်း ပါတယ်။ ကြည်လင်အေး မြနေသော ရေအလျဉ်စီးဆင်းနေသည့် စမ်းချောင်းလေး အတွင်း ဒေါ်အောင်ဆန်းစုကြည် အချစ်တော် ခွေးလေး တိုက်ချီဒို ပြေးဆင်းသွားပြီး ရေထဲတွင် ပြေးလွှား ဆော့ကစားနေ သည်။ တစ်ကိုယ်လုံး အညိုရင့်ရောင် ရှိပြီး ခြေထောက်နှင့် ရင်ဘတ် အဖြူ ကွက်ကျားခွေးလေး တိုက်ချီဒို ရေကစားနေသည် ကို ချောင်းစပ်က နေ သခင်ဖြစ်သူ ဒေါ်အောင်ဆန်းစုကြည် ပြုံး၍ ကြည့်နေ သည်။

အညာ ၏ အိုအေစစ် ဟု တင်စားထား သည့် ပုပ္ပားတောင် ၏ တောင်ခြေ အနီး တွင် စမ်းချောင်းလေး က ပတ်ခွေစီးဆင်းနေသည်။ တိုက်ချီဒိုလေး ရေကစားနေသည် မှာ အချိန်အနည်းငယ်ကြာပြီး နောက် ကုန်းပေါ် သို့ ပြန်တက်လာရန် သခင်က လှမ်းခေါ်သော်လည်း ချက်ချင်း တက်မလာဘဲ ပေကပ်နေကာ ရေဆက်လက်ကစားလို သည့် အမူအရာပြသည်။ တိုက်ချီဒို၏ ယင်းအမူအရာ ကို မြင်ပြီးနောက် ဒေါ်အောင်ဆန်းစုကြည် လည်း ပြုံးပျော်ရွှင်မြူးနေ သည် ။ ထို့နောက် သူက ဆုံးဖြတ်ချက်တစ်ခု ချခဲ့သည်။

စမ်းချောင်းနံဘေး ရှိ ခြံကို အပိုင်ဝယ် ယူရန် ဆုံးဖြတ် ခြင်းဖြစ် သည် ။ ခြံ ၏ အရှေ့ဘက် တွင် ပုပ္ပားတောင် မကြီး၊ အရှေ့တောင်ဘက် ပုပ္ပားတောင်ကလပ် ရှိနေပြီး စမ်းချောင်းလေး ဘေး နှစ်ဧက ခန့်ကျယ်သော ယင်းခြံ သည် ယနေ့နိုင်ငံတော် တာဝန်များ ကို ဦးဆောင်ထမ်းရွက်နေသော နိုင်ငံတော် ၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပိုင်ဆိုင် သည့် မြေနေရာလေးဖြစ် သည် ။ ထို့အပြင် အတိုင်ပင်ခံ ၏ တိုင်းပြည်နှင့် ပြည်သူလူထုအပေါ်ထားသော စေတနာ၊ သူ၏ ဂုဏ်သိက္ခာနှင့် အဂတိကင်းရှင်းမှု၊ ဆုံးဖြတ်ချက် တိကျခိုင်မာမှုတို့ ၏ သရုပ်သကန်များ ကိုလည်း သည်ခြံက တစ်ဆင့် ရှာဖွေတွေ့ရှိနိုင်သည်။

နေအိမ် အကျယ်ချုပ် မှ ၂၀၁၀ နိုဝင်ဘာ ၁၃ ရက်က လွတ် မြောက်လာပြီးနောက် သားငယ် အဲရစ်ကင်(မ်)နှင့် အတူ ပုဂံသို့ သွားရောက် လည်ပတ်ခဲ့သော ဒေါ်အောင်ဆန်းစုကြည် ၏ ပထမဆုံး ပြည်တွင်း အလည်အပတ် ခရီးစဉ်တွင် ရှေးမြို့တော်ဟောင်း ပုဂံ နှင့် မလှမ်းမကမ်းတွင်ရှိနေသော ပုပ္ပားဒေသသို့ သွားရောက်လည် ပတ်ရာ မှ ယင်းခြံလေးနှင့် ရေစက်ဆုံခြင်းဖြစ်သည်။ ၂၀၁၁ မိုးဦးကာလ ဇွန်လက သွားရော က်ခဲ့သည့် ထိုခရီးစ ဉ်တွင် သားငယ် အဲရစ် ကင်(မ်)၊ ခွေးကလေး တိုက်ချီဒိုတို့နှင့်အတူဒီချုပ်ပါတီဝင် အချို့လည်း ဒေါ်အောင်ဆန်းစုကြည် အနီး၌ရှိေ နခဲ့ပြီး ပုပ္ပားတောင်ခြေအနီး မှ ခြံလေးတစ်ခြံကို အတူတူလှည့်ပတ်ကြည့် ရှုကြသည်။ ခွေးလေး တိုက်ချီဒို သည် သားငယ်ကင်(မ်) က မိခင် အတွက် လက်ဆောင်ဝယ်ပေး သည့် ခွေးကလေးဖြစ်ပြီး ဒေါ်အောင်ဆန်းစုကြည် ကလည်း သူ၏ မိသားစုဝင်သဖွယ် သဘောထားသည့် ခွေးကလေးဖြစ် သည် ။

‘‘ခြံထဲဝင်ဝင်ချင်း တိုက်ချီဒို လေးက အောက် ခုန်ဆင်းပြီး စမ်းချောင်းလေးထဲမှာ သွားစိမ်နေတယ်။ အမေစုက အဲဒါကို သဘောကျပြီး သူ့သား ကင်(မ်)ကိုလည်း မေးတယ်။ ခြံလေးကို ကြိုက်လား ဆိုတော့ ကင်(မ်) ကလည်း ကြိုက် တယ်လို့ မြန်မာလို ပြောတယ်’’ လက်ရှိတွင် ကျောက်ပန်း တောင်းမြို့နယ်အမှတ် (၁) မဲဆန္ဒနယ် တိုင်းဒေသကြီး လွှတ်တော် ကိုယ်စားလှယ်ဖြစ်နေပြီး လွန်ခဲ့သော ခုနစ်နှစ်က ဒေါ်အောင်ဆန်းစုကြည် ၏ ပုဂံခရှီးစဉ်တွင်လုံခြုံရေး အဖြစ် လိုက်ပါခဲ့သောဦးအေးခိုင်က အတိတ်မြင်ကွင်းများ ကို အထက် ပါအတိုင်း ပြန်လည်ပုံဖော်ပြောပြခြင်းဖြစ်သည်။

နေအိမ် အကျယ်ချုပ် တွင် နှစ်ပေါင်း များစွာ အထီးကျန်မွန်းကျပ် နေခဲ့သော ဒေါ်အောင်ဆန်းစုကြည် ၏ စိတ်အာရုံကို မိုးဦးကာလ မိုးတစိမ့်စိမ့်ရွာနေပြီး မျှတသော ရာသီဥတုပိုင်ဆိုင်ထား သည့် အညာဒေသ အိုအေစစ်၏ လှပသာ ယာမှုက ဖမ်းစားနိုင် ခဲ့သည် ။ စိတ်လက်ပေါ့ပါးသော အချိန်ကာလ တစ်ခု ၌ လာရောက်အနားယူရန် အိုအေစစ်နယ်မြေ တွင် ခြံတစ်ခြံဝယ်ယူမည့် ဆုံးဖြတ်ချက် တစ်ထိုင်တည်းချခဲ့ပုံ ရသည် ဟု ဦးအေးခိုင်က မှန်းဆ ၍ ပြောသည်။

ဒေါ်အောင်ဆန်းစုကြည် ကို ယုံကြည်ထောက် ခံပြီး ယင်း အချိန် လုံခြုံရေး တာဝန်ယူခဲ့ သည့် ခြံပိုင်ရှင် ကလည်း သူတန်ဖိုးထားသော ခြံ ကို ဒေါ်အောင်ဆန်းစုကြည် လက်သို့ လိုလိုလာလားပင် လွှဲပြောင်း ခဲ့သည်။ ခြံပိုင်ရှင် ဦးရဲဝင်းအောင်သည် စကားပြောနူးညံ့ပြီး အနုပညာ ဆန်သူဖြစ်သည်။ သူ့ခြံကိုသေချာပြင်ဆင်၍ အနာဂတ်၌အေးအေးလူလူ အနားယူရန် စိတ်ကူးယဉ်ထားပြီး မည်သူ့ကိုမျှ မရောင်းရန် ဆုံးဖြတ်ထားကာ ဝယ်ယူရန်ကမ်းလှမ်းမှု မှန်သမျှကို ပယ်ချခဲ့သည်။ သို့သော် မိခင်အရင်း ကဲ့သို့ ချစ်ခင်လေးစားသော ဒေါ်အောင်ဆန်းစုကြည်ကိုယ်တိုင် သူ့ခြံကို သဘောကျနေကြောင်း သိရှိသောအခါ ဝမ်းပန်းတသာဖြစ်ခဲ့သည်။

‘‘ဗိုလ်မှူးကြီး အငြိမ်းစားတစ် ယောက်က ခြံကိုဝယ်ဖို့ လာမေးဖူးတယ်။ ဒီခြံမြေတန်ဖိုးအပြင် ကျွန်တော့်ရဲ့အိပ်မက်ကိုပါ ပေါင်းထည့်ပြီး တန်ဖိုးဖြတ်ပြီးမှ ရောင်းနိုင်မှာလို့ ပြောလိုက်တာမှာ ပြန်သွားတယ်’’ ခြံကို မရောင်းလို၍ အငြိမ်းစားဗိုလ်မှူးကြီး တစ်ဦးကို ဘုတော တောခဲ့သူ ဦးရဲဝင်းအောင်က သူ့ခြံကို ဒေါ်အောင်ဆန်းစုကြည်က သဘောကျနေကြောင်း မြင်သောအခါ ‘‘အမေစုက သဘောကျတယ်လို့ သိလိုက်ရတော့ ပေးချင်သလောက်ပေး။ မပေးဘဲနေလည်းဖြစ်တယ်လို့ ပြောခဲ့တာ။ အဲဒါကိုမှ အမေစုက အဲဒီခေတ် အဲဒီအခါ ဈေးနဲ့ မရရအောင် အမေက ပေးသွားတာ’’ ဟု ဆိုသည်။

ခြံကို ဝယ်ယူပြီးနောက် ဒေါ်အောင်ဆန်းစုကြည် အမည်ဖြင့် မြေဂရန်ထွက်ရှိလာခဲ့ သည့်နေ့က မြင်ကွင်းတ စ်ခု ကို ဦးအေးခိုင်က အမှတ်တရရှိနေသည်။ ‘‘ဂရန် ကို သူ့နာမည်နဲ့ ထွက်လာ တဲ့အခါ ကမ္ဘာကျော် ပုဂ္ဂိုလ် တစ်ယောက် က သူ့ဘဝမှာ တစ်ခါမှ သူ့နာမည်နဲ့ ပေါက်ပြီးတော့ မြေယာပိုင်ဆိုင်မှု မရှိခဲ့ဘူးပေါ့။ သူ့မှာ ကလေးလေးတစ်ယောက်လို ကြည်နူးနေတာကို မြင်ရတယ်။ နိုဗယ် ဆုရှင်ကြီးက မြို့လေးတစ်မြို့ရဲ့ ရွာတစ်ရွာမှာရှိတဲ့ခြံလေး ကို သူ့နာမည်နဲ့ ပိုင်ဆိုင်တာကို သူ့မှာ ကြည်ကြည်နူးနူး နဲ့။ ဘေးကနေကြည့်တာ၊ ကြည်လည်းကြည်နူး ရတယ်။ စိတ်မကောင်းလည်း ဖြစ်ခဲ့ရတယ်’’ ဟု ပြော သည်။ ယင်းအကြောင်းပြောပြနေစဉ် ဦးအေးခိုင် အသံအနည်းငယ် တိမ်ဝင်သွားသည်။

၂၀၁၅ အထွေထွေရွေး ကောက်ပွဲ မကျင်းပမီ အမျိုးသားဒီမိုကရေစီအဖွဲ့ချုပ် ပါတီဗဟိုက ရွေးကောက်ပွဲဝင်မည့် ပါတီဝင်များအနေဖြင့် ပိုင်ဆိုင်မှုတင်ပြရန် ညွှန်ကြားရာတွင် ယင်း အချိန်က ပါတီဥက္ကဋ္ဌ ဒေါ်အောင်ဆန်းစုကြည် တင်ပြခဲ့သည့် တစ်ခုတည်းသော ပိုင်ဆိုင်မှုမှာ ပုပ္ပားတောင်ခြေရှိ ယင်းခြံကွက်လေးဖြစ် ကြောင်း ဒီချုပ်ပါတီဝင် အသိုင်းအဝိုင်း က ဆိုသည်။ ‘‘NLD ကိုယ်စားလှယ် လောင်းတွေ ပိုင်ဆိုင်မှုတင်ရမယ်ဆိုတော့ ကျွန်မ ဘာမှမပိုင်ဘူးတဲ့။ တက္ကသိုလ်ရိပ်သာလမ်းက ဖေဖေ့အိမ်နဲ့ခြံကလည်း ဖဆပလက ပေးထားတာတဲ့။ ပြီးတော့မှ ရုတ်တရက် သတိရသွားပြီး ကျွန်မ မေ့နေလို့တဲ့ ။ ပုပ္ပားက ခြံတစ်ခြံပိုင်တယ်တဲ့။ အဲဒီခြံက ကျွန်မပိုက်ဆံ နဲ့ ကျွန်မ ဝယ်တာ။ ကျွန်မ ပိုင်တာ လို့ ပြောတယ်’’ ဟု ဦးအေးခိုင်က ပြောသည်။

ယင်းခြံ ကိုပင် ကိုယ်စားလှယ် လောင်းပိုင်ဆိုင်မှု စာရင်း တင်ခဲ့ သည်ဟု ဆိုသည် ။ ဒေါ်အောင်ဆန်းစုကြည် ကိုယ်တိုင်ကလည်း သူ့တွင် ပိုင်ဆိုင်မှု များများစားစားမရှိဟု ပြောဆိုဖူးသည်။ ခင်ပွန်းသည် မိုက်ကယ်၊ သားနှစ်ဦးနှင့်အတူ မိသားစုပိုင်ခဲ့သော အင်္ဂလန်နိုင်ငံ အောက် စဖို့ဒ်မြောက်ပိုင်း ရှိ နေအိမ်သည် ဒေါ်အောင်ဆန်းစုကြည် နေအိမ် အကျယ်ချုပ်ကျနေစဉ် မိသားစုဝင်များ က ရောင်းချခဲ့ပြီးဖြစ် သည် ။ ဖခင် ဗိုလ်ချုပ်အောင်ဆန်း ပိုင်ဆိုင်သော ရန်ကုန်မြို့ တက္ကသိုလ် ရိပ်သာလမ်း ရှိ အိမ်အမှတ် ( ၅၄ ) သည် လည်း အစ်ကို ဦးအောင်ဆန်းဦးနှင့် ပိုင်ဆိုင်မှု အတွက် အငြင်းပွားနေဆဲဖြစ် သည် ။

၂၀၁၂ ကြားဖြတ် ရွေးကောက်ပွဲနိုင်ပြီးနောက် လွှတ်တော် ကိုယ်စား လှယ်အနေဖြင့် နေထိုင်ခဲ့သော နေပြည်တော် ရှိ နှင်းဆီ စံအိမ်မှာလည်း သူပိုင်ဆိုင်ခြင်း မရှိကြောင်း အမျိုးသား ဒီမိုကရေစီအဖွဲ့ချုပ်ပါတီ မှ ဦးဉာဏ်ဝင်းက ပြောသည် ။ သူ့တွင် ဘဏ်စာအုပ် တစ်ခုသာ ပိုင်ဆိုင်ကြောင်း ဒေါ်အောင်ဆန်းစုကြည်က ပြောဖူးပြီး လက်ဆုပ် လက်ကိုင်ပြစရာအနေဖြင့် ပုပ္ပား မှ နှစ်ဧက သာသာကျယ်ဝန်းသော ခြံလေးသာ ရှိနေသည် ။ ထို့ အတွက်ကြောင့် နိုင်ငံ တာဝန်များကြား မှ အတိုင်ပင်ခံက ခြံလေးကို သတိတရရှိနေ တတ် ကြောင်း နီးစပ်သူများ က ဆိုသည်။

‘‘ဆရာဇော် (မန္တလေးတိုင်းဝန်ကြီးချုပ် ဒေါက်တာဇော်မြင့်မောင်) က မင်းတို့ အမေက ဒီခြံလေး ကို စိတ်ဝင်စားတယ် လို့ပြောတယ်။ အမေ့ခြံဆိုတော့ ကျွန်တော်တို့လည်း အလုပ်လုပ်ရတာ တန်ဖိုးရှိတယ်’’ ဟု နိုင်ငံတော်အတိုင်ပင်ခံ ပုဂ္ဂိုလ် ၏ ခြံကို တာဝန်ယူထိန်းသိမ်းပေးနေသော ကိုမင်းစံက ပြောသည်။ ဒေါ်အောင်ဆန်းစုကြည်ကို ထောက်ခံသူ၊ စစ်အစိုးရလက်ထက်က နိုင်ငံရေးဥပဒေပုဒ်မဖြင့် ဖမ်းဆီးခံရပြီး ခြံပိုင်ရှင် ဦးရဲဝင်းအောင်က ‘‘အမေစုက အရမ်းလည်း သနားစရာကောင်းတယ်။ မြန်မာပြည်မှာ သူပိုင်မြေဆိုလို့ တစ်ခုမှမရှိဘူး။ ဒါလေးတစ်ခုသာ သူပိုင်မြေလို့ ပြောတယ်’’ဟု ဆိုသည်။

ဒေါ်အောင်ဆန်းစုကြည် ပိုင်ဆိုင်သော ပုပ္ပားတောင်မကြီးခြေရင်းမှ ခြံအတွင်း ကြည့်မည်ဆိုပါက ခမ်းနားထည်ဝါမှု အလျှင်းမတွေ့ရ။ ခြံလယ်တွင် လူကြီးလက်နှစ်ဖက်ခန့်စာ မန်ကျည်းပင်ကြီးတစ်ပင်ရှိပြီး အပင်အောက် ၌ထိုင် ၍ရ သော ဝါးကပ်ကြမ်းတစ်ခုကို ပြု လုပ်ထားသည်။ မျက်နှာစာမှာ ပေ ၁၅၀ ခန့်ကျယ်ပြီး ပေ ၄၀၀ ကျော် ရှည်ကြောင်း ခြံယာယီတာဝန်ခံကိုမင်းစံက ဆိုသည်။ ခြံ၏ အနောက်ဘက် ထက်ဝက်ခန့် ဧရိယာ သည် မြက်ပင်များ တင်းကျမ်းပြည့် နှက်နေသည်။

ခြံမှာ တောင်တန်းဒေသ ရေ မြေသဘာဝအတိုင်း ဆင်ခြေလျှောပုံသဏ္ဌန်ဖြစ်သည်။ ခြံ၏ အနောက်ဘက်အစွန်ဆုံးတွင် စမ်းချောင်း လေးတစ်ခုရှိသည်။ ခွေးလေး တိုက်ချီဒို ရေကစားခဲ့သော စမ်း ချောင်းလေး ဖြစ်သည်။ ထိုစမ်းချောင်းသည် ပုပ္ပားတောင်မကြီး ပတ်ချာလည်မှ အရေအတွက်ရာချီရှိသော ရေထွက်များအနက်တစ်ခုမှ အစပြုကာစတင်ဖြစ်ပေါ် ခြင်းဖြစ်သည်။ ရေထွက်သည် ခြံ၏ အထက်ဘက် မီတာတစ်ရာခန့်တွင် ရှိနေသည်။ ခြံအတွင်း ငါးပေပတ်လည်ခန့် ကျောက်တုံးကြီး အချို့ရှိသလို လူလက်နှစ်ဖက်စာခန့် မန်ကျည်းပင်နှင့် ကျွန်းပင်အချို့ရှိသည်။ အပင်ကြီးအနေဖြင့်မန်ကျည်းပင် သုံးပင်၊ ကျွန်းပင် ကိုးပင်နှင့် ယင်းမာပင် တစ်ပင်ရှိသည်။ ကွမ်းသီးပင်လုံးခန့်ရှိသော ရှားပင်၊ ယင်းမာပင်၊ ကျွန်းမာပင်၊ ထနောင်းပင်၊ ဆီးဖြူပင်၊ စိန်ပန်း ပင်နှင့် သရက်ပင်များလည်း စုစု ပေါင်းအပင်ရေ ၄၀ ထက်မနည်းရှိ သည်။ မြေပြင်သည် ညီညာမှုမရှိ၍ ချော်မလဲစေရန် ထိန်းလျှောက်ရသည်။ ပုပ္ပားတောင်ဘက်ဆီမှ တိုက်ခတ်လာသော လေအေးအေးက ခြံအတွင်းသစ်ပင်များမှ သစ်ရွက်များဆီ တိုးဝင်နေသံကြားနေရသည်။ နေ့ခင်းနေ့လယ်ပိုင်း နေပူနေသည့်အချိန်မှာပင် အေးမြသော ရာသီအခင်းအကျင်းကို ခံစားရစေသည်။

ပုပ္ပားဒေသသည် ခရီးသွားလုပ်ငန်းဖွံ့ဖြိုးသော ပြင်ဦးလွင်ကဲ့သို့ ခြံမြေများ ဈေးကောင်းပြီး ကားလမ်းဘေးခြံများသည် ကျပ်သိန်းထောင်ချီတန်ကြေး ရှိနေသည်။ ဝယ်ယူစဉ်က သိန်းရာဂဏန်းသာ တန်ကြေးရှိခဲ့သည်။ အတိုင်ပင်ခံ ၏ ခြံနှင့် ကပ်လျက်ခြံသည်ပင် တန်ဖိုးမြင့်အဆောက်အအုံတို့ဖြင့် ခံ့ထည်နေသည်။ အနုပညာရှင် အချို့ကလည်း ယင်းနေရာတစ်ဝိုက်တွင် ခြံများဝယ်ထားကြောင်း ဒေသခံများက ဆိုသည်။ မျက်မြင် အနေအထားအရ အတိုင်ပင်ခံ၏ ခြံသည် ဘေးပတ်ဝန်းကျင်မှ အ ခြားခြံများကဲ့သို့ ငွေကုန်ကြေးကျခံ ၍ ပြင်ဆင်မထားသည်ကို မြင်ရုံ နှင့် မှန်းဆသိနိုင်သည်။ စာရေးခြင်း၊ ပန်းချီဆွဲခြင်းတို့ ဝါသနာထုံပြီး သဘာဝကို ချစ်မြတ်နိုးကာ အနုပညာကို ခံစားတတ်သော ဒေါ်အောင်ဆန်းစုကြည်က ခြံအတွင်းမှ သစ်ပင်များ နှင့် ကျောက်တုံးကြီးများကို သဘာဝအတိုင်းထားရန် ခြံဝယ်စဉ်ကပင်မှာကြားခဲ့၍ ပုံစံမပျက်ထားရှိ ကြောင်း ဒီချုပ်ပါတီဝင် ကိုမင်းစံက ဆိုသည်။

တိတ်ဆိတ်အေးချမ်းမှုနှင့် ပတ်ဝန်းကျင်ရေမြေသဘာဝကိုခံစားရန် စိတ်ကူးဖြင့် ဝယ်ယူခဲ့ သော်လည်း လူငယ်များ၏ အလုပ်အကိုင်အခွင့်အလမ်းနှင့် လူသားအရင်းအမြစ် အားကောင်း ရေး မကြာခဏပြော ကြားလေ့ရှိသော ဒေါ်အောင်ဆန်းစုကြည်က ယခုအခါ ယင်းခြံဝင်းအတွင်း အသက်မွေးမှု သင်တန်းကျောင်းများဖွင့်ရန် ပြင်ဆင်နေသည်။ ဒေါ်ခင်ကြည်ဖောင်ဒေးရှင်းက ဦးဆောင်ကာ ခြံ၏ အနောက်ထောင့်ဘက်တွင် ပေ ၃၀ × ၅၀ ခန့်အကျယ် တစ်ထပ်တိုက် အဆောက်အအုံ ဆောက်ပြီး လူငယ်များအတွက် ကွန်ပျူတာသင်တန်း ကျောင်းဖွင့်ဖြစ်ခဲ့သည်။ သင်တန်းကျောင်းအတွက် လျှပ်စစ်မီးသုံးရာတွင် လိုအပ်သော ထရန်စဖော်မာကို မြို့နယ်လျှပ်စစ်ဌာန နှင့် အုပ်ချုပ်ရေးပိုင်းက ဌာနအနေဖြင့် လာရောက်တပ်ဆင်ပေးမည်ဟု အသိပေးသော်လည်း ဒေါ်အောင်ဆန်းစုကြည်က ဒေါ်ခင်ကြည် ဖောင်ဒေးရှင်းကတစ်ဆင့် ဌာနဆိုင်ရာ အဆင့်ဆင့်သို့ တင်ပြ၍ ကျသင့်တန်ဖိုးငွေပေးကာ တပ်ဆင်ခဲ့သည်။

‘‘ထရန်စဖော်မာဆင်ဖို့ ဒီမှာရှိတဲ့ လျှပ်စစ်ဌာနက လုပ်ပေးမယ်ဆိုတော့ တိုင်းပြည်ဘတ်ဂျက်နဲ့ တစ်ပြားမှ အလုပ်မခံပါဘူး။ ငွေကြေးကိစ္စ ဒေါ်ခင်ကြည် ဖောင်ဒေးရှင်းကနေ သူ့ဘာသာသူ လုပ်သွားတယ်။ တိုင်းပြည်ဘတ်ဂျက် ထဲကနေ တစ်ပြားမှ မသုံးရဘူးလို့သူကိုယ်တိုင် ညွှန်ကြားထားတာ ပါ’’ ဟု ခြံကို မကြာခဏလာရောက် ကြည့်ရှုနေသော ဦးအေးခိုင်က ပြောသည်။ ဧရာမကျောက်တုံးကြီးများကို ယန္တရားများဖြင့် ဖယ်ရှားရပြီး ဝယ်ယူထားသည်မှာ ခြောက်နှစ်ခန့်ရှိပြီဖြစ်သော အဆိုပါ ခြံကို ရှင်းလင်းပေးရန် စီးပွားရေး လုပ်ငန်းရှင်အချို့က ကမ်းလှမ်းသော်လည်း လက်မခံခဲ့ဘဲ မြို့ခံများနှင့် ပရဟိတအဖွဲ့များ၏ အားဖြင့် ရှင်းလင်းပေးနေသည်။ နိုင်ငံ တော်အတိုင်ပင်ခံပုဂ္ဂိုလ်ကို လေးစားချစ်ခင်သူများက ခြံကို အလှဆင်နိုင်ရန် ကြိုးစားပေးနေသည်။ ခြံ၏ မျက်နှာစာတွင် ပန်းအလှပင်များစိုက်မည်ဖြစ်ပြီး ခြံအတွင်း ဘယ်ဘက်မြေကွက်လပ်ကို ဒေါ်အောင်ဆန်းစုကြည် ကြိုက်နှစ်သက်သောနှင်းဆီပန်းခင်းအဖြစ် ပုံဖော်နိုင်ရေး ကြိုးစားနေသည်။

မြန်မာနိုင်ငံကို ဒီမိုကရေစီနိုင်ငံအဖြစ် ဖော်ဆောင်နိုင်ရေး နှစ် ပေါင်းများစွာ တိုက်ပွဲဝင်ခဲ့ပြီး ယခုအခါ အသက် (၇၃)နှစ်အရွယ်သို့ ရောက်နေပြီဖြစ်သော အတိုင်ပင်ခံပုဂ္ဂိုလ်တွင် သူမျှော်လင့်ထား သော အနာဂတ်ဆန္ဒတစ်ခုရှိ သည်။ နိုင်ငံ့တာဝန်များပြီးဆုံး သည့်အခါ အနားယူပြီး စာဖတ်လိုကြောင်း ထုတ်ပြောခဲ့သည်။

၂၀၁၆ စက်တင်ဘာက ပြည်ပမီဒီယာတစ်ခုနှင့် တွေ့ဆုံစဉ်ယင်းကဲ့သို့ ထုတ်ဖော်ပြောကြား သော်လည်း နိုင်ငံတော်အတိုင်ပင်ခံ တာဝန်ယူပြီးချိန်ကစ၍ နိုင်ငံရေးခရီးကြမ်းကိုသာ လျှောက်လှမ်းနေရဆဲဖြစ်သည်။ အပစ်ရပ်(NCA) လက်မှတ်ရေးထိုးနိုင်ရေးနှင့် တိုင်းရင်းသားလက်နက်ကိုင်အဖွဲ့များ အရေး၊ ရခိုင်ဒေသတိုက်ခိုက်ခံရမှုအရေးများနှင့် ကောင်းမွန်သည့် ညွှန်းကိန်းသို့ ရောက်မလာသော နိုင်ငံ့စီးပွားရေး အခြေအနေများကို ကျဉ်းထဲကျပ်ထဲမှ ဖြေရှင်းပေးနေရသည်။ ဘင်္ဂါလီအရေးတွင် ကမ္ဘာ့အင်အားကြီး နိုင်ငံအများစုက လူ့အခွင့်အရေးခေါင်းစဉ် လှိုင်လှိုင်သုံးကာ အတိုင်ပင်ခံကို ဖိအားပေး နေကြပြီး နိုင်ငံ့ခေါင်းဆောင်တစ်ဦးအနေဖြင့် ကြံ့ကြံ့ခံရင်ဆိုင်နေဆဲဖြစ်သည်။

နေအိမ် အကျယ်ချုပ် မှ လွတ်မြောက်လာပြီးနောက် စိတ် ၏ လွတ်လပ်ပေါ့ပါးမှုကို ပုဂံနှင့် ပုပ္ပား ဒေသတွင် ရှာဖွေခဲ့သူ ဒေါ်အောင်ဆန်းစုကြည်သည် ပုပ္ပားတောင် ခြေရှိ သူ၏ ခြံလေးဆီသို့ လာ ရောက် အပန်းဖြေလိမ့်မည်ဟု ပုပ္ပားဒေသ မှ ဒေသခံများက ယုံကြည်မျှော်လင့်နေ သည် ။ ပုပ္ပားaဒသ လူငယ်များ အတွက် သူတည်ထောင် လိုသော ကွန်ပျူတာသင်တန်းကျောင်း ကို ဒေါ်ခင်ကြည် ဖောင်ဒေးရှင်း ၏ ဦးဆောင်မှုဖြင့် အလျင်အမြန် အကောင်အထည် ဖော်နေသည် ။

အတိုင်ပင်ခံ ၏ အချစ်တော်ခွေးလေး တိုက်ချီဒို လွန်ခဲ့သော ခြောက်နှစ်က ရေကစားခဲ့သောစမ်းချောင်းလေးလည်း ယနေ့အချိန်ထိ ရေတသွင်သွင်စီးနေဆဲ ဖြစ်ပြီး ခြံ၏ အရှေ့ဘက်အရပ် မှ ပုပ္ပားတောင်မကြီးနှင့် တောင် ကလပ်မှာလည်း ဣနြေ္ဒရစွာ လှပနေဆဲဖြစ်သည်။ ခြံနှင့် တစ်ဖာလုံခန့်သာ ဝေးသောနေရာတွင် ပုပ္ပား- ကျောက်ပန်းတောင်း -မြင်းခြံ သုံးပွင့်ဆိုင်လမ်းခွဲရှိနေပြီး ‘‘ပြန်လည်ဆုံတွေ့ကြ ပါစို့ – စကားဝါမြေ – ပုပ္ပား ’’ ဟု ကျောက်စာဖြင့် ရေးထိုး ထားသော မြို့အဝင် ဆိုင်းဘုတ် က အနီရောင်ရင့်ရင့်ဖြင့် ဝင့်ကြွားစွာ ရှိနေ သည်။ ။

မောင်လွှမ်းနည်း ပညာ စုဆောင်းတင်ပြသည် ။

Add a Comment

Your email address will not be published. Required fields are marked *

13 + one =