“ကပ်ရောဂါ ဖြစ်ရခြင်း အကြောင်းရင်း”

လူတို့ အသက်တမ်း ၅၀၀- တမ်းအောက် ၌ လောကတွင် အယုတ်တရားကြီး ၃-မျိုး ဖြစ်ပေါ်လာ၏။

၁။ အဓမ္မရာဂ။

၂။ ဝိသေမလာဘ။

၃။ မိစ္ဆာ ဓမ္မ ဆိုပြီး သုံးမျိုးရှိတယ်။

!အဓမ္မရာဂ ဟူသည်!

ယောက်ျား မိန်းမတို့သည် မိမိတို့ဆိုင်ရာ အာရုံများနှင့် မတင်းတိမ်နိုင်ကြဘဲ၊ အခြားတစ်ပါး ၌ စွန်းငြိကျူးလွန်သော ရာဂတရားဖြစ်၏။ (လယ်တီဆရာတော်)

(တစ်နည်း) အမေ အဒေါ် အမ စသော ရာဂမဖြစ်သင့် သူတို့၌ တက်မက်သော ရာဂ တရားကို အဓမ္မရာဂ ဟု ခေါ်သည်။ (အဋ္ဌကထာ)

ယခုခေတ်မှာ အဖနဲ့သမီး၊ အမိနဲ့သား၊ အကိုနဲ့နှမ၊ ဦးလေးနဲ့ တူမတွေပါ မကျန်ရအောင် ဖတ်လိုက်ရ၊ ကြားလိုက်ရတဲ့ သတင်းတွေက ဟုတ်မှ ဟုတ်ပါရဲ့လို့တောင် ထင်နေရတာ ဒါတွေဟာ တစ်ကယ်တော့ အဓမ္မရာဂ။ မဖြစ်သင့် မဖြစ်ထိုက်ဖူး ဆိုပေမယ့် ဆုတ်ကပ် ရောက်လာတဲ့အချိန်မှာ ကပ်ဆိုက်ဖို့အတွက် မကောင်းကြံတော့ ကပ်ဘေးကြီးဆိုက်ဖို့ အတွက် အကြောင်းတရားတွေ ဖန်တီးသလိုဖြစ်နေတာပေါ့။

!ဝိသမေလာဘ ဟူသည်!

ပစ္စည်းဥစ္စာတို့၌ သူ့ဖို့ကိုယ့် ဖို့ မျှတခြင်း မရှိကြဘဲ ကိုယ့်ဖို့ကိုယ်သာ လုယက်ဆွဲငင်ကြသော လောဘတရား ဖြစ်၏။ ရသမျှ ပစ္စည်းတွေက ဘယ်တော့မှပြည့်တယ်..တော်ပီ တန်ပါပြီဆို ရှိမလာခဲ့ကြဘူး ဖြည့်သာဖြည့်နေကြတာပြည့်သွားပြီဆိုတာ မရှိကြဘူး။ ရလေ လိုလေ အို တစ္ဆေဘဝ ဖြစ်နေကြတာတွေက များလှပလေ။

!မိစ္ဆာဓမ္မ ဟူသည်!

တိရစ္ဆာန်ကို သတ်မှုသည် အပြစ်မရှိ၊အရက်သောက်ခြင်းသည် အပြစ်မရှိအစရှိသဖြင့် ယူဆမှုမျိုး ဖြစ်၏။

(လယ်တီဆရာတော်)

အမှားကို အမှန်ထင်၊ အမှန်ပြင်သူကိုတော့ အများကမုန်း၊ကိုယ့်ကိုယ် လုံးလုံးမထိရင် အမှားတွေကို အမှန်လိုသုံးတဲ့ခေတ်။

(တစ်နည်း)

ယောက်ျားအချင်းချင်း တပ်မက်ခြင်း၊ မိန်းမအချင်းချင်း တပ်မက်ခြင်းသည် မိစ္ဆာဓမ္မ မည်၏။ (အဋ္ဌကထာ)

ထိုအခါ နတ်ဗြဟ္မာတို့သည် လူတို့ကို မကြည်ညိုတော့ပြီ။ လူ့လောကကို မစောင့်ရှောက်ကြတော့ပြီ။ နတ်ဆိုးတို့ကို ထိန်းချုပ်ထားခြင်း မရှိတော့ဘဲ လွှတ်ထားကြကုန်၏။

နတ်ဆိုး သရဲ သဘက်တို့သည် လူတို့နေရာသို့ လာရောက်၍ လူတို့အား ကပ်ရောဂါအမျိုးမျိုးပေး၍ အသွေးအဆီတို့ကို စားသောက်ကြကုန်၏။

လူတို့ကို မရခဲ့သော် ကျွဲ နွား မြင်း သိုး စသော သတ္တဝါတို့အား ကပ်ရောဂါအမျိုးမျိုးပေး၍ အသွေး အဆီတို့ကို စားသောက် ကြကုန်၏။

ထိုကပ်ဆိုက်ရာ မြို့ရွာတို့၌ လူ ကျွဲ နွားတို့သည် ထောင် သောင်းများစွာ သေဆုံးကြကုန်တော့၏။

ဤသည်မှာ ကပ်ရောဂါဆိုက်ရခြင်းအကြောင်းဖြစ်၏။

ခုလိုမျိုးကပ်ကြီးဆိုက်နေချိန်တောင်မှ တစ်ချို့တွေက ရတာလေးတွေကိုလောဘကြီးပြီးမဖြစ်သင့်တာတွေဖြစ်နေကြတယ်

တစ်ချို့က လိုချင်မှုလောဘတွေ မထိန်းနိူင်ကြတော့ဒေါသဖြစ်ကာ သူတစ်ပါးအသက်ကို သတ်မိကြတယ်။

တစ်ချို့တွေက အတတ်ပညာရှိကြပြီးအသိပညာ အလိမ္မာဉာဏ်ပညာတရားတွေကင်းမဲ့သွားကာမလုပ်သင့် မဖြစ်သင့် တာတွေ မောဟဆိုတဲ့ မသိမှုကြောင့်ထပ်ခါတစ်လဲလဲ မှားနေကြတယ်။

တစ်ကယ်တော့ဒါတွေဟာ လောဘ ဒေါသ မောဟ တရားဆိုးသုံးပါးကြောင့်ရောဂန္တရကပ် ၊ သတ္တန္တရကပ် ၊ ဒုဗ္ဘိက္ခန္တရကပ် တွေ ဆိုက်လာကြတာပါ။

လူ့လောက၌လူ့အသက်တမ်း ၅၀၀ အထက်တွင် အယုတ်တရားကြီး၃ ခု မရှိသေးလျှင် နတ် သိကြား ဗြဟ္မာတို့သည်လူတို့ကို ကြည်ညို လေးစားကြကုန်၏။

လူ့လောကကို ကြည့်ရှု စောင့်ရှောက်ကြကုန်၏။ လူတို့ကို ထိပါးခြင်း မရှိရအောင်နတ်ဆိုးတို့ကို ထိန်းချုပ်ထားကြကုန်၏။

ထိုအခါ လူ့လောကတွင် မည့်သည့် ကပ်ရောဂါမျှ မရှိ။

ထို့ကြောင့် လူ့ပြည် လူ့လောကတွင် ကပ်ရောဂါများ မပေါ်ပေါက်လိုလျှင် အယုတ်တရားကြီး ၃ခုကို ဂရုပြုကြကုန်ရာ၏။

ကျမ်းကိုး။

၁။ အင်္ဂုတ္တိုရ် တိကနိပါတ်၊ ပလောကသုတ်

၂။ ပါထိကဝဂ္ဂအဋ္ဌကထာ ၃၆၊ ရောဂန္တရဒီပနီ။

သရဏဂုံစွဲမြဲသူသရဏဂုံသုံးပါးကို မပြတ်ရွတ်ဖတ်ပူဇော်နေသူတို့အား မည်သည့် နတ်ယုတ်မာတို့ကမှနှောက်ယှက်ဖျက်ဆီးခွင့်မရှိ နှောက်ယှက်ဖျက်ဆီး၍ မရပါချေ။

ထို့ကြောင့် သရဏဂုံသုံးပါးကို ရွတ်ဖတ်ပွားများ ထုံမွှန်းထားပြီးဘေးဒုက္ခကပ် အပေါင်းမှ ကျော်လွှားနိုင်ကြပါစေသတည်း။

ကမ္ဘာသူ ကမ္ဘာသားအားလုံး နှင့် မြန်မာပြည်သူ ပြည်သား အားလုံးကပ်ရောဂါဆိုးကြီးမှ ကျော်လွှားနိုင်ကြပါစေ…။

အရှင်ဝိသုတ- (ရေစကြို) Crd, original Uploader.

Add a Comment

Your email address will not be published. Required fields are marked *

5 + 2 =