“စားနပ်ရိက္ခာများ ရရှိမည်ဟု ဆိုကာ စစ်တွေတွင် လူစုလူဝေးဖြစ် ” …

ရခိုင်ပြည်နယ်၊ စစ်တွေမြို့၊ ရွာကြီးတောင်ရပ်ကွက် ရှိ အတုလမာ ရဇိန်ပြည်လုံးချမ်းသာဘုရားကြီးရှေ့ ဝင်္ကဘာကွင်း တွင် စားနပ်ရိက္ခများပေးမည်ဟု ကောလာဟလ သတင်းများထွက်ပေါ်ခဲ့သည့် အတွက် လူစုလူဝေးများ ဖြစ်ပေါ်ခဲ့သည်။

အဆိုပါနေရာသို့ သြဂုတ်လ ၂၉ ရက်နေ့ နေ့လယ်ပိုင်းမှ စတင်ကာ စစ်တွေမြို့ရှိ ရွာကြီးမြောက်၊ အုန်းတပင်၊ စက်ရုံစုအစ ရှိသော ရပ်ကွက်များမှ ဆင်းရဲသားပြည်သူများ စုဝေးရောက်ရှိလာကြပြီး နာရီပိုင်းအတွင်းတွင် လူ ၃ဝဝ ကျော်ခန့် စုဝေးမှုဖြစ်ပွားခဲ့ခြင်းဖြစ်သည်။

အဆိုပါနေရာတွင် ရခိုင်ပြည်နယ်အစိုးရက ငွေကျပ်နှစ်သောင်းနှင့် ဆန်ရိက္ခာအချို့ ထောက်ပံ့ပေးမည်ဟု ကောလာဟလ ထွက်ပေါ်ခဲ့သည့်အတွက် ယခုကဲ့သို့ စုဝေးရောက်ရှိခဲ့ခြင်းဖြစ်သည်။ လာရောက်ခဲ့သူများတွင် ပြည်နယ်အစိုးရက ထောက်ပံ့ငွေကျပ်နှစ်သောင်းကို မရရှိသေးသူများလည်း ပါဝင်ခဲ့သည်။

အဆိုပါလူစုလူဝေးမှာ ညနေ ၄ နာရီခန့်အထိ လူစု မကွဲသေးပေ။

စစ်တွေမြို့တွင် သြဂုတ်လ ၂၉ ရက်နေ့ နံနက် ၈ နာရီအထိ ကိုရိုနာဗိုင်းရပ်စ် ပိုးတွေ့ရှိသူ ၁၄ဝ ဦးအထိရှိနေပြီဖြစ်သည်။ လူစုလူဝေးမလုပ်ရန်နှင့် အိမ်အပြင် မထွက်ကြရန်လည်း ကျန်းမာရေးနှင့် အားကစားဝန်ကြီးဌာနက ထုတ်ပြန်ထားသည်။

ဓာတ်ပုံ – ထွန်းခိုင် (တောင်ရင်းကျွန်း)၊ သျှင်မင်းဇံ

Add a Comment

Your email address will not be published. Required fields are marked *

14 − 7 =