ဒီကနေ့ ရန်ကုန်မြို့ လည်ခေါင် တိုက်လှေကား မှာ ထိုးသွင်းဒဏ်ရာ များဖြင့် သေဆုံးနေမှုနောက်ဆက် တွဲ သတင်း

ဒီကနေ့ ရန်ကုန်မြို့ လည်ခေါင် တိုက်လှေကား မှာ ထိုးသွင်းဒဏ်ရာ များဖြင့် သေဆုံးနေမှုနောက်ဆက် တွဲ သတင်း

မင်္ဂလာတောင်ညွန့် မြို့နယ် ၊ ကန်တော်လေး (၉၄)လမ်း က တိုက်နံပတ်(၉၄) တိုက်လှေကားမှာ အသက် (၂၀)ကျော် မိန်းကလေးတစ်ဦး လည်ပင်းမှာ ထိုးသွင်း ဒဏ်ရာများနဲ့အသတ်ခံရမှု ဒီကနေ့ မနက်ပိုင်းကဖြစ်ပွားပါတယ်။

အသတ်ခံရတဲ့ မိန်းကလေးက ကိုယ်ဝန်ဆောင် မိန်းကလေး တစ်ဦးဖြစ်ပြီး တိုက်ရဲ့ အပေါ်ဆုံးထပ် (၇)လွှာလှေကားနား မှာ အသတ်ခံ ရတာဖြစ်တယ်လို့သိရပါတယ်။

“ တိုက်ခန်းနေတစ်ဦးက အကြောင်းကြား လို့သွားကြည့်တော့ မိန်းကလေးက အသက်မရှိတော့ဘူး။ ကိုယ်ဝန်ဆောင် ထားတယ်။ အထဲကကလေးက ယောကျာ်းလေးလို့ သိရပါတယ်။ ကလေးမလေး လည်ပင်းမှာ အချွန်လို လက်နက်မျိုးနဲ့ တော်တော်ကို များများစားစား ထိုးထည့် ထားတယ်။ ကလေးမလေးက လှိုင်သာယာက၊ ဘာကြောင့် ဒီကိုရောက်လာလည်း ဆိုတာနဲ့ ဖြစ်စဉ်နဲ့ ပတ်သက်ပြီးလို့ကတော့ ရဲဘက်ဆိုင်ရာက စုံစမ်းမှုတွေလုပ်နေပါပြီ” လို့ မင်္ဂလာတောင်ညွန့်မြို့နယ် လွှတ်တော်ကိုယ်စားလှယ် ဦးလှဌေးက Duwun ကိုပြော ပါတယ်။

လက်ရှိ အချိန်ထိ ဖြစ်စဉ်အသေးစိတ်ကို မသိရသေးဘဲ အခင်းဖြစ်ပွားရာ တိုက်ခန်းပတ်ဝန်းကျင်က CCTV မှတ်တမ်း များကို စစ်ဆေးတဲ့ အခါမှာလည်း ထူးခြားမှု တစ်စုံတစ်ရာ မတွေ့ရှိရသေးဘူးလို့ ဆိုပါတယ်။

မိန်းကလေး သေဆုံးမှုနဲ့ ပတ်သက်လို့ လူသတ်မှုနဲ့ မင်္ဂလာတောင်ညွန့်မြို့နယ် ရဲစခန်းမှာ အမှုဖွင့် အရေးယူထားပြီး အနီး ပတ်ဝန်းကျင် တိုက်ခန်းနေထိုင်သူတွေကို တော့ စစ်ဆေးမှုတွေ လုပ်ဆောင်နေပြီလို့ သိရပါတယ်။