ယခု လာမယ့် ၂၀၂၀ ဇွန်လ တွင် မြန်မာနိုင်ငံ မှာ နေကြတ်ခြင်းနှင့် လကြတ်ခြင်း ကို မြင်တွေ့ ရမယ့် နေ့ရက်များ

ယခု လာမယ့် ၂၀၂၀ ဇွန်လ တွင် မြန်မာနိုင်ငံ မှာ နေကြတ်ခြင်းနှင့် လကြတ်ခြင်း ကို မြင်တွေ့ ရမယ့် နေ့ရက်များ

နေကြတ်ခြင်း နှင့် လကြတ်ခြင်း တို့ ဖြစ်မည့် ၂၀၂၀ ဇွန်လ

နေကြတ်ခြင်း၊ လကြတ်ခြင်း များဟာ နေ၊ ကမ္ဘာ၊ လ တို့ တတန်းတည်းကျရောက်တဲ့ လပြည့် နဲ့ လကွယ်နေ့များ မှာသာ ဖြစ်လေ့ရှိပါတယ်။ အမြဲတန်းတော့ မဖြစ်ပါ။ အကြောင်းအကျိုး တိုက်ဆိုင်ပါမှ တစ်နှစ်ကို ပျမ်းမျှ ၂ ကြိမ် ၃ ကြိမ် ခန့် ဖြစ်တတ်ပါတယ်။၂၀၂၀ ခုနှစ် ဇွန်လ ၅ ရက်နေ့ဟာ လကြတ်ခြင်း ဖြစ်ပေါ်မယ့် နယုန်လပြည့်နေ့ဖြစ် ပါတယ်။ လမင်းဟာ ကမ္ဘာရဲ့ အရိပ်ဖျော့ ရှိတဲ့နေရာကို သန်းခေါင်ယံအချိန်မှာ ဖြတ်သန်းမှာဖြစ်လို့ လမင်းပေါ်မှာ ကမ္ဘာရဲ့ အရိပ်ဖျော့ဖျော့လေး ကျရောက်သွားတာကို မြင်ရမှာ ဖြစ်ပါတယ်။ မြန်မာနိုင်ငံမှ ကြည့်ရှုမည်ဆိုပါက ဇွန်လ (၅) ရက်ည/ (၆) ရက်နေ့ မနက် ၁၂:၁၇ မှ ၃:၃၅ မိနစ်အထိ မြင်တွေ့ရနိုင်ပါတယ်။ အရိပ်ဖျော့သာ ဖြစ်တာကြောင့် သိသိ သာသာကြီး ကြတ်သလိုတော့ မြင်ရမှာ မဟုတ်ပါ။

၂၀၂၀ ဇွန်လ ၂၁ ရက်နေ့ဟာ ဥတ္တရယဉ် စွန်းချိန် ဖြစ်မယ့်ရက်ဖြစ်သလို နယုန်လကွယ်ရက် လည်း ဖြစ်နေပါတယ်။ (ပြက္ခဒိန်ရက်နဲ့တော့ ကွာခြားပါတယ်။) အဲ့ဒီ့နေ့မှာတော့.. နေ နဲ့ ကမ္ဘာ အကြား လ ရောက်ရှိမှာဖြစ်ပြီး လရဲ့ အရိပ်ဟာ ကမ္ဘာပေါ်သို့ ရောက်ရှိမှာဖြစ်လို့ လအရိပ် ဖြတ်သန်းသွားမယ့် ဒေသတွေမှာ နေ ကို လမှ ဖုံးကွယ်သွားခြင်း (တနည်း) နေကြတ်ခြင်းဖြစ်စဉ်ကို မြင်တွေ့ရမှာ ဖြစ်ပါတယ်။နေ နှင့် လ တို့ဟာ ပြိဿရာသီ (Taurus) အတွင်း အတူတကွ ကျရောက်ပြီး ရွေ့လျားနေတဲ့ လရဲ့အရိပ်ဟာ အာဖရိကအနောက်ဘက် ကွန်ဂိုနိုင်ငံမှ အာရှ အရှေ့ဘက် တရုတ်၊ ထိုင်ဝမ် နှင့် ပစိဖိတ် သမုဒ္ဒရာ အထိ ဖြတ်သန်းသွားမှာ ဖြစ်ပါတယ်။ (မြေပုံ) လမင်းဟာ ကမ္ဘာ နဲ့ ဝေးတဲ့ ပတ်လမ်းကြောင်းမှာ ရောက်ရှိနေတဲ့အတွက် နေအပြည့်ကြတ်ချိန်မှာ နေကို အပြည့်အဝ ဖုံးအုပ်သွားမှာ မဟုတ်ပဲ ဘေးသားတွေ ကျန်နေ (လင်းနေ) မှာ ဖြစ်ပါတယ်။ အင်္ဂလိပ် လိုတော့ Annular Solar Eclipse လို့ ခေါ်ပါတယ်။

ဒီနေကြတ်ခြင်း (လအရိပ်) ဟာ မြန်မာနိုင်ငံမြောက် ဖျားပိုင်း (ပူတာအိုဒေသအနီး) ကို ဖြတ်သန်းသွားမှာဖြစ်လို့ မြန်မာနိုင်ငံ မြောက်ပိုင်းမှာ နေကြတ်ခြင်းကို ရာခိုင်နှုန်း များများ မြင်တွေ့ရမှာဖြစ်ပြီး ကျန် (တောင်ပိုင်း) ဒေသများမှာတော့ နေရာဒေသအပေါ်မူတည်ပြီး နေတပိုင်းကြတ်ခြင်းကိုသာ တွေ့မြင်ရမှာဖြစ် ပါတယ်။ နေကြတ်ခြင်း (နေ) ကို အကာအကွယ်မပါပဲ တိုက်ရိုက် မကြည့်ကြဖို့ အထူး မှာချင် ပါတယ်။ နေကြတ်ခြင်းကို ကြည့်ရန် မျက်မှန် သပ်သပ်ရှိပါတယ်။ (ပုံ) အာကာသနှင့် စကြဝဠာမှ အထူးဈေးနှုန်း (၈၀၀ ကျပ်) ဖြင့် လက်လီလက်ကား ရောင်းပေးနေ ပါတယ်။ (ကြော်ငြာတာပါ။)နေကြတ်ခြင်းကို မြန်မာနိုင်ငံ မှ မြင်ရမယ့်အချိန်ကတော့ ဇွန်လ ၂၁ ရက် နေ့လည် ၁၂:၂၆ မှ ညနေ ၁၅:၂၆ အထိ ဖြစ်ပါတယ်။ ဒီတခါမြင်ပြီးလျှင် နောက်ထပ် ဆယ်စုနှစ် တစ်ခုကြာသည်အထိ နေကြတ်ခြင်းကို မြန်မာနိုင်ငံမှ မြင်တွေ့ ရတော့မည် မဟုတ်ပါ။ အခြေခံပညာ သင်ရိုးများမှာ နေကြတ်ခြင်း၊ လကြတ်ခြင်းအကြောင်းများ ပါဝင်တဲ့အတွက် ဒီအချိန်ဟာ ကလေးများကို လက်တွေ့သင်ကြားပေးဖို့ အကောင်းဆုံးအချိန်ပဲ ဖြစ်ပါတော့တယ်…။

အနာဂတ်ပညာရေးအတွက်..
သန့်ဦး (အာကာသနှင့် စကြဝဠာ သင်ထောက်ကူ)
EduCare Online Teaching Platform
Ph: 09979106109