လက်ဝါးပြင်ပေါ်က တြိဂံသင်္ကေတတွေ ရဲ့ အနက် အဓိပ္ပါယ်

မိမိရဲ့လက်ဝါးပြင်ပေါ်မှာထင်ထင်ရှားရှားရှိနေတဲ့ လိုင်းသုံး လိုင်းဟာ တြိဂံပုံစံဖွဲ့စည်းထားမယ်ဆိုရင်တော့ ဒီလိုအမှတ်အသားကို လက်ဝါးပြင်ဖတ်တဲ့ ပညာရှင်တွေက တြိဂံသင်္ကေတလို့ ယူဆကြပါတယ်။ ရှင်းရှင်းလင်းလင်းနဲ့ ပုံမှန်ရှိတဲ့ တြိဂံသင်္ကေတတွေဟာ ကောင်းကျိုးတွေကို ရရှိနိုင်စေပါတယ်။

လက်ဝါးပြင်ရဲ့ အလယ်ဗဟိုနေရာမှာ ထင်ထင်ရှားရှားနဲ့ ကြီးမား တဲ့ တြဂံတွေရှိနေတာဟာ ကံကောင်းတဲ့လက္ခဏာတစ်ခုပဲဖြစ်ပါတယ်။ ၎င်းက မိမိလုပ်ကိုင်သမျှအောင်မြင်မယ်။ငွေရှာဖွေရလွယ်ကူမယ်။ ထင်ပေါ်ကျော်ကြားမယ်။

လုပ်ငန်းခွင်မှာ ဦးဆောင်ဦးရွက်ပြုရပြီး ခေါင်းဆောင် ကောင်း တစ်ဦးဖြစ်လာတတ်ပါတယ်။ ဒါအပြင် ဂုဏ်သိက္ခာမြင့်မားတဲ့ အိမ်ထောင်ဖက်နဲ့လည်းဖူးစာဆုံရတတ်ပါတယ်။ တစ်ခုသတိထားရမှာက NEPTUNE ဂြိုလ်ပေါ်မှာ တြိဂံတွေရှိနေတာဆိုရင်တော့ ကံမကောင်းအကြောင်းမလှခြင်းတွေဖြစ်နိုင်ပြီး အထီးကျန်ခြင်းတွေကိုလဲ ခံစားရနိုင်ပါတယ်။

နှလုံးလမ်းကြောင်းပေါ်မှာ တြိဂံသင်္ကေတအမှတ်အသားတွေတည် ရှိနေတာဟာ ချမ်းသာကြွယ်ဝခြင်းတွေ ကံကောင်းခြင်းတွေ နှင့် ထိမ်းမြားလက်ထက်မှု (ဒါမှမဟုတ်ရင်) ချစ်ခြင်းမေတ္တာတွေပိုင်ဆိုင်ရရှိနိုင်ကြောင်းကို ဖော်ပြနေခြင်းပဲဖြစ်ပါတယ်။ အကယ်၍ ဦးခေါင်းလမ်းမှာ တြိဂံတွေရှိနေတာဆိုရင်တော့ ပညာရေးနဲ့ပတ်သတ်တဲ့ အောင်မြင်မှုတွေရရှိနိုင်ယုံသာမက အဟောအပြောကောင်းသူတစ်ဦးလဲဖြစ်လာတတ်ပါတယ်။

အသက်လမ်းကြောင်းပေါ်မှာ တြိဂံတွေရှိနေမယ်ဆိုရင်တော့ ကျန်းမာ ကြံ့ခိုင်ခြင်းကိုပြသနေတာဖြစ်ပြီး မိမိအတွက် ကိုယ်ပိုင်စီးပွားရေးလုပ်ခြင်းဟာ ပိုမိုကောင်းမွန်တဲ့ တိုးတက်အောင်မြင်မှုတွေကိုရရှိစေတတ်ပါတယ်။ မိမိက ဝန်ထမ်းဖြစ်မယ်ဆိုရင်လည်း လုပ်ငန်းခွင်မှာကြီးမားတဲ့အောင်မြင်မှုတွေရရှိတတ်ပါတယ်။ အကယ်၍ အသက်လမ်းကြောင်းရဲ့အဆုံးမှာတြိဂံတွေရှိနေတာဆိုရင်တော့ မိမိအသက်အရွယ်ကြီးရင့်လာတဲ့အချိန်မှာ လူတကာလေးစားကြည်ညိုတဲ့သူဖြစ်လာပါလိမ့်မယ်။

အသက်လမ်းကြောင်းနဲ့ အနီးမှာရှိတဲ့တြိဂံတွေကတော့ မိမိကိုယ်တွင်းအင်္ဂါတွေဖြစ်တဲ့ အသည်း၊ နှလုံး၊ အစာအိမ်စသည်တို့မှာ ရောဂါဝေဒနာများခံစားရတတ်ပါတယ်။ ဒါကြောင့် မိမိတို့အနေနဲ့ ကြိုတင်ကာကွယ်ခြင်းတွေပြုလုပ်ခြင်း ပုံမှန်စစ်ဆေးပေးခြင်းတွေကိုပြုလုပ်ထားသင့်ပါတယ်။

လက်ကောက်ဝတ်ရဲ့ အလယ်ဗဟိုမှာ တြိဂံတွေရှိနေမယ်ဆိုရင် အလွန် ထူးခြားတဲ့ ကံကောင်းမှုတွေနဲ့မွေးဖွားလာခြင်းပဲဖြစ်ပါတယ်။ မိဘဘိုးဘွားတွေရဲ့ အမွေအနှစ်တွေကို အမွေဆက်ခံရတဲ့သူဖြစ်ပြီး ဂုဏ်သိက္ခာတွေ သြဇာအာဏာတွေမြင့်မားတတ်ပါတယ်။ လက်ကောက်ဝတ်လိုင်းတစ်ခုခုရဲ့ အပေါ်က တြိဂံအမှတ်အသားတွေကြောင့် ထူးခြားတဲ့စွမ်းရည်တွေရှိတဲ့ ဦးဆောင်သူတစ်ဦး ဖြစ်လာနိုင်ပါတယ်။

လက်ညှိုးအောက်တည့်တည့် JUPITER ဂြိုလ်ခုံပေါ်မှာ ရှိတဲ့ တြိဂံသင်္ကေတတွေက နိုင်ငံရေ:၊ စစ်ရေးတွေမှာ ထူးချွန်ထက်မြက်တဲ့သူ သမ္မာသမတ်ရှိပြီး စည်းကမ်းကြီးတဲ့သူ ဖိအားဒဏ်ခံနိုင်ရည်ရှိသူတွေမှာတွေ့ရမှာဖြစ်ပါတယ်။ လက်ခလယ်အောက် စေတန်ဂြိုလ်ခုံပေါ်မှာတြိဂံအမှတ်အသားတွေ ရှိနေမယ်ဆိုရင်တော့ သက်လတ်ပိုင်းလောက်မှာတင် မိမိဆန္ဒရှိတဲ့ အသက်မွေးဝမ်းကျောင်းလုပ်ငန်းတွေမှာ အောင်မြင်နိုင်ပါလိမ့်မယ်။

လက်သူကြွယ် အပိုလိုဂြိုလ်ခုံပေါ်မှာရှိတဲ့ တြိဂံသင်္ကေတတွေကတော့ မိမိ ကို အလွယ်အကူသင်ယူတတ်မြောက်နိုင်သူ ထူးခြားတဲ့စိတ်နေစိတ်ထားနဲ့ အရည်အချင်းရှိသူအဖြစ် ဘဝမှာအောင်မြင်မှုအချို့ရရှိနိုင်တယ်လို့ ဖော်ပြထားပါတယ်။ လက်သန်းအောက်မှာတြိဂံတွေရှိနေမယ်ဆိုရင်တော့ အသက်မွေးဝမ်းကျောင်းမှုတွေ စည်းစိမ်ချမ်းသာတွေနဲ့ပတ်သတ်ပြီး အကျိုးဖြစ်ထွန်းတဲ့လက္ခဏာပဲဖြစ်ပါတယ်။ ဒီတြိဂံတွေဟာ ဉာဏ်ရည်ထက်မြက်ခြင်း စီမံခန့်ခွဲမှုစွမ်းရည်အားကောင်းခြင်းကိုဖော်ပြနေပါတယ်။

ဆန္ဒနဲ ဘဝ ထပ်တူကျနိုင်ကြပါ စေ

Add a Comment

Your email address will not be published. Required fields are marked *

12 − 2 =