သားတို့ သမီးတို့ ဘယ်လိုကျောင်း တက် ရမှာလဲ ဟင်? တဲ့ စိတ် မကောင်းလိုက် တာဗျာ

သားတို့ သမီးတို့ ဘယ်လိုကျောင်း တက် ရမှာလဲ ဟင်? တဲ့ စိတ် မကောင်းလိုက် တာဗျာ

မနှစ် က ရေးမြို့နယ်ဖက် မှာ ဝိသမလောဘသားများ ရဲ့ သစ်တောများခုတ်၊ သယံဇာတတွေ တူးဖေါ်မှုကြောင့် သဘာဝတရားကြီး ဖေါက်ပြန် ရေဘေးကပ်များကြုံတွေ့မှုအား နာရေး ကူညီမှုအသင်း(ရန်ကုန်)မှသွားရောက် ကူညီဖေးမပေးရင်း “ပေါ့ဆော့” ကျေးရွာရှိ ကလေးငယ်များ၏ ပြသမှုနှင့်သူတို့ရဲ့” သားတို့သမီး တို့ ဘယ်လိုစာသင်ရမှာလဲ?”ဟုမေးမြန်းမှုတို့ကြောင့် ကျွန်တော်တို့ နာကူ(ရန်ကုန်)တွင် ရှိသည့်အလှူငွေအားအချိုးကျခွဲခြမ်းပြီး “ပေါ့ဆော့ကျေးရွာ”တွင် အသစ်ဆောက်လုပ်ပေးနေသည့် အုတ်ကျောင်းငယ်လေးအား တင်ပြအပ်ပါသည်။

ယခင် ကျောင်းသား၊ ကျောင်းသူကလေးငယ်(၅၀)ခန့်သာတက်ရောက် သင်ကြားနိုင်သည့် သစ်ကျောင်းဆောင်လေး မှ ယခု ကလေးငယ်(၁၀၀) ခန့်ပညာသင်ကြားနိုင်မည့်အုတ်ကျောင်းဆောင်ဖြစ်ခဲ့ပါတော့သည်။

ကျောင်းတည်ဆောက်ရာတွင် အကူအညီပေးခဲ့သော နယ်ခံမိဘပြည်သူများနှင့်အပင်ပန်းခံကူညီပေးခဲ့သော ရေးမြို့မိသားစု ပရဟိတအဖွဲ့သားများအားအထူးကျေးဇူးတင်ရှိသလို ပါဝင်လှူဒါန်းကြသော ရေဘေး ကူညီမှုအလှူရှင်များအားလည်းသာဓု သာဓု သာဓုခေါ်ဆို လိုက်ပါသည်။

ထပ်မံ၍ “ချဲတိုက်ကျေးရွာ” ရှိပျက်စီး ယိုယွင်းနေသောသစ်သား စာသင်ကျောင်းအားလည်း အုတ်ကျောင်းအဖြစ်ပြန်လည်ဆောက်လုပ်လှူဒါန်းရန်ရှိသေးသဖြင့် လှူဒါန်းလိုသောအလှူရှင်များအားလည်း ဖိတ်ခေါ်အပ်ပါသည်။ ကိုဗစ်ကြီးပြီးသွားရင် သားတို့ သမီးတို့ စိတ်ချပျော်ရွှင်စွာ ပညာသင်ကြားနိုင် တော့မည်ဖြစ်ပါသည်။

ကျော်သူ (နာရေးကူညီမှုအသင်း ရန်ကုန်)

Add a Comment

Your email address will not be published. Required fields are marked *

one × three =