ရုရှားနိုင်ငံ တွင် တည်ထား ကိုးကွယ်မည့် စေတီတော် အတွက် ဆင်းတုတော်များ ရောက် ရှိခြင်း

ရုရှားနိုင်ငံ တွင် တည်ထား ကိုးကွယ်မည့် စေတီတော် အတွက် ဆင်းတုတော်များ ရောက် ရှိခြင်း

ရုရှားနိုင်ငံ၊ ကာလုဂါ၊ အတနာမီရှိ ကမ္ဘာ့ ယဉ်ကျေးမှုမြို့တော်တွင် တည်ထား ကိုးကွယ်မည့် ရွှေစည်းခုံ စေတီတော်ကြီးဘေး ကွက်လပ်နေရာတွင်

၁။ စေတီတော်ကြီး၏ မျက်နှာစာတွင် ဉာဏ်တော် ၁၈ ပေ အမြင့်ရှိ စင်္ကြန်လျှောက်နေတော်မူဟန် ကြေးဆင်းတုတော်ကြီး တစ်ဆူကို အလျား ၅၄ ပေ၊ အနံ ၃၆ ပေရှိ ရင်ပြင်တော်ပေါ်တွင် တည်ထားကိုးကွယ်ပါမည်။

၂။ စေတီတော်ကြီး၏ ဘေးဘက်တွင် ဉာဏ်တော် ၁၃ ပေ ၆ လက်မအမြင့်ရှိ ခြေဆင်းထိုင်တော်မူဟန် ကြေးဆင်းတုတော်ကြီးကို ဘေးတစ်ဘက်တစ်ချက်စီတွင် ဉာဏ်တော် ၉ ပေအမြင့်ရှိ ရပ်တော်မူ ကြေးဆင်းတုတော် ၂ ဆူ ခြံရံလျှက် အလျား ၅၄ ပေ၊ အနံ ၃၆ ပေရှိ ရင်ပြင်တော်ပေါ်တွင် တည်ထား ကိုးကွယ်ပါမည်။

အထက်ဖေါ်ပြပါ ဗုဒ္ဓဆင်းတုတော် လေးဆူနှင့် မော်စကိုမြို့ ရှိ မြန်မာထေရဝါဒ ဗုဒ္ဓစင်တာတွင် သီတင်းသုံးတော်မူမည့် ဆင်းတုတော်တစ်ဆူနှင့် ပလ္လင်တို့သည် ၂၈-၅-၂၀၂၀ ရက်နေ့ ညနေပိုင်းတွင် အဆင်ပြေ ချောမွေ့စွာဖြင့် ရောက်ရှိပြီဖြစ်ပါကြောင်း ဝမ်းမြောက်စွာ အသိပေးအပ် ပါသည်။

ရုရှားနိုင်ငံတွင် ယခု ကဲ့သို့ တည်ဆောက်နိုင်ရန်အ တွက် ကျေးဇူးတော်ရှင် သီတဂူဆရာတော်ကြီးသည် အကြိမ်ကြိမ်ကြွရောက်ပြီး ကြိုးပမ်းတော်မူခဲ့သည်။ ၂၀၁၇ ခုနှစ် ဇွန်လတွင် ကမ္ဘာ့ယဉ်ကျေးမှုရွာတွင် နေရာသတ်မှတ်ပြီး ပုံစံများထုတ်ခြင်း၊ မြန်မာ၊ ရုရှားပညာရှင်များ-အင်ဂျင်နီယာများနှင့်အတူ ထပ်မံအချောသပ် လုပ်ငန်းများ ဆောင်ရွက်ခဲ့သည်။

နေရာသတ်မှတ်ပြီးနောက် မြေသန့်မင်္ဂလာနှင့် ပန္နက်တော်တင်၊ ရတနာအုဌ်မြစ်စီ အခမ်းအနား ကို ၂၀၁၈ ခုနှစ် အောက်တိုဘာလတွင် မြန်မာနိုင်ငံမှ ဆရာတော်သံဃာတော်များနှင့် ပြည်ပသာသနာပြု ဆရာတော်များ ပင့်ဖိတ်ဆောင်ရွက်တော်မူခဲ့ပါသည်။

ရုရှားနိုင်ငံ ဗုဒ္ဓသာသနာ့သမိုင်း မော်ကွန်းသစ်တင်မည့် မြန်မာ့ ယဉ်ကျေးမှု လက်ရာအပြည့်ဖြင့် တည်ဆောက်နေသည့် ရွှေစည်းခုံ (ပုံတူ) စေတီတော်၏ ပင်မအလှူရှင်မှာ ဦးအောင်ကိုဝင်း+ဒေါ်နန်းသန်းထွေး မိသားစုဖြစ်ပါသည်။

ရွှေစည်းခုံ စေတီတော်ကြီးဘေး ကွက်လပ်တွင် တည်ထား ပူဇော်သည့် ဆင်းတုတော် လေးဆူမှာ မန္တလေးမြို့မှ ကျောင်းဒကာ ကျောင်းအစ်မများ၏ ပေါင်းစုသည့် ကောင်းမှုကုသိုလ်ဖြစ်ပါသည်။

ဂန္ဓကုဋီတိုက်အတွင်း ပူဇော်ထားရှိမည့် ၂၇ လက်မ ကြေးသွန်း ဆင်းတုတော်-၃၀ ဆူမှာ မြန်မာနိုင်ငံ အရပ်ရပ်မှ တပည့်ဒကာအပေါင်းတို့၏ ပေါင်းစုသည့် ကောင်းမှုဖြစ်ပါသည်။

သီတဂူဆရာတော်ကြီး၏ လမ်းညွှန်မှုဖြင့် တည်ဆောက်ခဲ့သော ရုရှားနိုင်ငံ၊ ရွှေစည်းခုံ (ပုံတူ) စေတီတော်၊ ဗုဒ္ဓသာသနိက အဆောက်အဦ နှင့် ရုရှားနိုင်ငံ သာသနာပြုနိုင်ရန် အတွက် အဖက်ဖက်မှ ထောက်ပံ့လှူဒါန်းပေးကြသည့် အလှူရှင်များ၏ မွန်မြတ်သောအလှူတော်ကို သီတဂူသာသနာပြုအဖွဲ့က ဝမ်းမြောက်ဝမ်းသာဖြင့် သာဓုအနုမောဒနာ ခေါ်ဆိုပါကြောင်း မှတ်တမ်း တင်ဂုဏ်ပြုအပ်ပါသည်။

(Tin Maung Hlaing)

Add a Comment

Your email address will not be published. Required fields are marked *

3 × 1 =