တယောက် ကူးရင် အကုန်ကူးမယ့် ပုံစံ နဲ့ ကျောင်းပို့ မယ့် မိဘတွေ စဉ်းစား ရမယ့် အချက်(၄)ချက်

တယောက် ကူးရင် အကုန်ကူးမယ့် ပုံစံ နဲ့ ကျောင်းပို့ မယ့် မိဘတွေ စဉ်းစား ရမယ့် အချက်(၄)ချက်

ဆရာကြီး လုပ်တယ် ပြောကြဦး မှာပဲ၊ တကယ်က ကိုယ်လည်း မိဘဆိုတော့ စဉ်းစားကြည့် မိတာ၊ ကျောင်းတွေ ငါးမျိုး ခွဲမယ်။

ပုံမှန် ဖွင့်လှစ်နိုင်မည့် ကျောင်းများ၊ တစ်ပတ်ခြားတက် နိုင်မည့် ကျောင်းများ၊ ကျောင်းချိန် နှစ်သုတ် တက် (2 Shifts) ဖွင့်လှစ် နိုင်မယ့် ကျောင်းများ၊ ကျောင်းချိန် နှစ်သုတ်တက်၍ တစ်ပတ်ခြား ဖွင့်လှစ်နိုင်မည့်ကျောင်းများ၊ အခက်အခဲရှိသော ကျောင်းများ

အဓိကက social distancing အတွက် အခြေခံထားတယ် ယူဆရတယ်။ ဒါပေမယ့် ကြားမှာ လွတ်သွားနိုင် တာလေးတွေ ပြောကြည့်မယ်။

၁- ကလေးတွေက ဆော့ချင် တယ်။ ကျောင်းမတက်ခင်၊ အားလပ်ချိန်၊ ကျောင်းဆင်းချိန်မှာ ကစားတာ၊ တွေ့တာ ရှိနိုင်တယ်။ ကူးနိုင်တယ်

၂- ကျောင်းသားတွေ မထိဘူး ပဲထား။ ပထမ နှစ်ရက်တက်တဲ့ ကျောင်းသားနဲ့ ထိတဲ့ ဆရာမဟာ ဒုတိယ သုံးရက် တက်တဲ့ ကျောင်းသားနဲ့ ထိမှာပဲ။ တကယ်တော့ ရောဂါပျိုးချိန်ဟာ လက္ခဏာမပြပဲ ကူးနိုင်တယ်။ ဒါကြောင့် ကွာရန်တင်းဟာ ပထမ ၁၄ ရက်၊ နောက် မလုံလောက်လို့ ၂၁ ရက်ထား ရတယ်။ ဒီတော့ လုံးလုံး မထိအောင် သုံးပတ်ခြားမှ ရမယ်။ ဒီတော့ ကျောင်းချိန်ခွဲ ဖွင့်ရတာ အပိုပဲ

၃- မြန်မာပြည်မှာ အွန်လိုင်း ပညာရေးလည်း မဖြစ်နိုင်ပါ။ ဒီတော့ ကျောင်းဖွင့်တာသည် ရောဂါ မရှိသူ တွေချည်း တက်ရင်သာ ဘာမှ မဖြစ်တာ။ ဖြစ်သူတယောက်ပါတာနဲ့ ကူးကို ကူးမယ်လို့ တွေးမိတယ်။ နှစ်သုတ်ခွဲလည်း နှစ်သုတ်လုံး ကူးမယ်။

၎- ကျူရှင်ပါ ဖွင့်ကြမှာ။ တားရမှာ မဟုတ်။

၅- ဆရာ ဆရာမတွေ လူအင်အားမလောက်၊ သူတို့တတွေ အသံ ထွက်လာလိမ့်မယ်။ မလုပ်ချင် ထွက်ဆိုပြီး အွန်လိုင်းလော်ဘီတွေက ဆဲမယ်။ ဘယ်လိုကန်တော့ရတာ ဘာညာ အောက်ဖဲ လှန်ကြမယ်

၆- ဒါက ကိုယ့်အကြောင်း ကိုယ်ပြောတာ၊ အစိုးရ မူဝါဒ ဘာရှိရှိ ပိုးရှိသူတယောက်ပါရင် ကူးမှာလား ပြန်တွက်ကြည့်တော့ ကူးမှာပဲလို့ အဖြေရတယ်။ အစိုးရကို အပြစ်မတင်ပေမယ့် ဂဏန်းမငြိမ်သေးခင် သမီးကို ကျောင်းမပို့ရက်ပါ။ ဒါပါပဲ

မဖြစ်မနေ ပို့မှ ဆို ဒီအချက်တွေ ကို စဉ်းစားပါ-

(၁) ကိုယ့်သားသမီး ထားမယ့် ကျောင်း ဘယ်စနစ်လဲ စုံစမ်းပါ။

(၂) တပတ်ခြားသည် risk အနည်းဆုံး၊ နေ့စဉ်ပုံမှန်သည် risk အများဆုံးပါ၊ ကိုယ့်သားသမီး အတန်းနဲ့ တက်ရမယ့်ကျောင်းစနစ် နဲ့ သင်ကြားလို့ ရမရ တွက်ပါ။

(၃) ဖြစ်နိုင်ရင် ကြားအတန်းတွေ က အောင်ရုံလို့ သဘော ထားပါ၊ ကျူရှင်တွေနဲ့ ထိပ်ဆုံးရောက်ဖို့ထက် အသက်က အရေးကြီးကြောင်းတွေးပါ။

(၄) ထားမထား ကိုယ်ပဲ ဆုံးဖြတ်ပါ၊ တခုခု ဖြစ်ရင် ဘယ်သူ့အပြစ်မှ မဟုတ်၊ သင့် အပြစ်ပါ။

သက္ကမိုးညို

Add a Comment

Your email address will not be published. Required fields are marked *

five × five =