ရွှေစက်တော် ဘေးမဲ့တော အတွင်း မှ ရွှေသမင် ကျော့ကွင်းပေါင်း (၁၇၀) ကျော် သိမ်းဆည်း ရမိ

ရွှေစက်တော် ဘေးမဲ့တော အတွင်း မှ ရွှေသမင် ကျော့ကွင်းပေါင်း (၁၇၀) ကျော် သိမ်းဆည်း ရမိ

မင်းဘူးခရိုင် ၊ ရွှေစက်တော်ဘေးမဲ့တော ဧရိယာ ဧကပေါင်းတစ်သိန်းကျော်အတွင်း၌ ရွှေသမင်များ အဓိက ကျက်စား သည့် ဧက ၄၀၀ ကျော်ရှိပြီး ၂၀၂၀ ခုနှစ် ဧပြီလ နှင့် မေလများ အတွင်း သမင် နှင့် တောဝက်များကို ဖမ်းဆီးနိုင် သည့် ကျော့ကွင်းပေါင်း ၁၇၂ ကွင်းကို ဖြုတ်သိမ်း ခဲ့ရကြောင်း ဘေးမဲ့တော အုပ်ချုပ်ရေးမှူးရုံး မှ သိရသည်။

“ ထွန်စက်တာယာတွေကနေ သံကြိုး ထုတ်ပြီးတော့ သမင်းကွင်း ထောင်တာ ရှိနေတယ်။ ဒေသခံတွေထဲက လုပ်ကြတာပါ။ အဲဒါကလည်း နှစ်ပေါင်းများစွာကြာပါပြီ။ ဓလေ့လို ဖြစ်နေကြတာ။ ရွှေသမင်တွေ သေနတ်နဲ့ ပစ်ခံရတယ်ဆိုတဲ့ အကြားသတင်းတွေ ရှိပေမယ့် သက်သေသက္ကာရ မရှိသေးပါဘူး။ ရှိတဲ့ ဝန်ထမ်းအင်အား နဲ့ ကျော့ကွင်း တွေ သိမ်းဆည်းတာ ၊ ကျေးရွာတွေ မှာ အသိပညာပေးတာတွေ လုပ်နေပါတယ် ” ဟု ဘေးမဲ့တော အုပ်ချုပ်ရေးမှူး ဦး အောင်စိုးတင့်က ပြောသည်။

ပွင့်ဖြူမြို့နယ် ၊ တပ်မတော် ဝါစိုက်ခင်းအနီးတွင် ရွှေသမင်များ အများဆုံးကျက်စားသည့် ကိုယ်စားပြုဧရိယာမှာ ဧက ၄၀၀ကျော်ရှိပြီး နောက်ဆုံးကောက်ယူတွက်ချက်ရသည့် စာရင်းအရ သမင်ကောင်ရေ ၁၁၀၆ ကောင် ရှိကြောင်း ၊ King Methode အရ မှားနိုင်စွမ်း ၃၆၀ ကောင်ရှိသည့်အတွက် အနှုတ်ဘက်ကတွက်လျင် ကောင်ရေ ၈၀၀ ခန့် ၊ အပေါင်းဘက်က တွက်လျင် ကောင်ရေ ၁၅၀၀ ခန့် ရှိကြောင်း ရွှေစက်တော် ဘေးမဲ့တောအုပ်ချုပ်ရေးမှူး ထံ မှ သိရသည်။

“ ကျွန်တော်ပင်စင်ယူတာ LPR တစ်လပြည့် သွားပြီ။ ပင်စင်မယူခင်မှာ ရွှေသမင်တွေ သေနတ်နဲ့ပစ်ခံရတယ် လို့သတင်းရတယ်။ သေနတ်သမားတစ်ယောက် ညနေမိုးချုပ်ဆို ကားနဲ့လာပြီးပစ်တယ်လို့သတင်းရလို့ သစ်တောရဲတွေနဲ့ နှစ်ည ဆက်တိုက် သွားစောင့်ခဲ့တယ်။ မတွေ့ဘူး ” ဟု ဘေးမဲ့ တောရုံး ၊ ဦးစီးအရာရှိ(ငြိမ်း) ဦးသိန်းလွင် က ပြောသည်။

သစ်တောဦးစီးဌာနအနေဖြင့် ရွှေသမင်များ ကျက်စားရာနေရာများ၌ သီးပင်စားပင် ဧက (၂၀) စိုက်ပျိုးခြင်း ၊ ဆားကျင်းများ ပြုပြင်ခြင်း ၊ အသစ်ပြုလုပ်ခြင်း ၊ ဘေးမဲ့တောဧရိယာအတွင်း သောက်သုံးရေကန်ငယ်(၉)ကန် တူးဖော်ခြင်းများ လုပ်ဆောင်သွားမည်ဖြစ်ပြီး လတ်တလောတွင် သမင်သောက်ရေကန် များ ရေဖြည့်ခြင်း ၊ ရွှေသမင်များ သတ်ဖြတ်ခြင်း မခံရ စေရန် ကင်းလှည့်ခြင်းများ လုပ်ဆောင်လျက်ရှိကြောင်း သိရှိရသည်။

ဇေယျတု(မကွေး)

Add a Comment

Your email address will not be published. Required fields are marked *

one × 3 =