ဟောင်ကောင် ကို သံကွန်ချာ အုပ်တော့မယ့် တရုတ်နဂါးကြီး နဲ့ လတ်တလော ပဋိပက္ခများ

ဟောင်ကောင် ကို သံကွန်ချာ အုပ်တော့မယ့် တရုတ်နဂါးကြီး နဲ့ လတ်တလော ပဋိပက္ခများ

ဟောင်ကောင် ပြည်သူများ အဖို့ ၎င်းတို့အား မည်သို့မည်ပုံ အုပ်ချုပ် လာမည်နှင့် အုပ်ချုပ်ရာတွင်လည်း တရားဥပဒေ နှင့် အညီ ဖြစ်ဖို့ကို လိုလားခဲ့ကြသည်။ ထိုသို့သော ဟောင်ကောင် ပြည်သူများ၏ လိုလားချက်သည်ကပင် တရုတ် ကွန်မြူနစ် ပါတီ အဖို့ ကျောချမ်းစရာ ဖြစ်လာခဲ့ရသဖြင့် ၎င်းတို့၏ လိုလားချက်များကို စစ်တပ်ကြီး စေလွှတ်ပြီး နှိမ်နှင်းလာမည်လားဟု စိုးရိမ်မကင်း ဖြစ်ခဲ့ကြသည်။

သို့သော် တရုတ်သည် အလောသုံးဆယ် မလုပ်ပဲ အချိန်ကောင်း ကို စောင့်နေခဲ့ကြသည်။ ယခုအခါ ကမ္ဘာတဝှမ်း ကိုဗစ်-၁၉ ကြောင့် အာရုံ ထွေပြားလာပြီး လူချင်း ခွာနေရန် ဆိုသည့် အကြောင်းများ ရှိနေ၍ ဆန္ဒပြပွဲများ ထင်သလို မလုပ်နိုင်ကြတော့သည်ကို အခွင့်ကောင်းယူပြီး မည်သူသည် ၎င်းတို့၏ အရှင်သခင် ဖြစ်သည် ကို ပြသနိုင်ရန် ပုန်းလျိုး ကွယ်လျိုး ပြုလုပ်လာခဲ့ကြသည်။ သို့သော် တရုတ်၏ ဟောင်ကောင်သာ မက တိုင်ဝမ် နှင့် တောင်တရုတ် ပင်လယ်များ တွင် ထင်တိုင်းကြဲလာခဲ့မှု သည် နိုင်ငံတကာ မှ တုန့်ပြန်လာမည့်အရေးနှင့် ရင်ဆိုင်လာရဖို့ ရှိနေသည်။

မေလ ၂၁ ရက်နေ့တွင် ဟောင်ကောင် ရှိ လုပ်ရပ်များသည် တရုတ်ကွန်မြူနစ်ပါတီကို ခြိမ်းခြောက်လာသည့် အဆင့်သို့ ရောက်လာပြီဟု ဆိုကာ အဖျက်အမှောင့် လုပ်ရပ်များ နှင့် ခွဲထွက်ရန်၊ လှုံ့ဆော်မှုများကို ကိုင်တွယ်နိုင်ရန်၊ ဟောင်ကောင် လုံခြုံရေး ဥပဒေကြမ်းကို တင်သွင်း လာခဲ့သည်။

ဥပဒေကြမ်းပါ အဓိပ္ပါယ် ဖွင့်ဆို ချက်များကို ရှင်းလင်း ဖွင့်ဆို ခြင်း မရှိသေးသော်လည်း အလားတူ ဥပဒေမျိုးဖြင့် တရုတ်ပြည်တွင်းရှိ ဝီဂါ နှင့် တိဘက် လူမျိုး များကို ဖမ်းဆီးချုပ်နှောင်ခဲ့ကြပြီး ဖြစ်သည်။ မိမိတို့ နယ်မြေ အတွင်း တရုတ် စစ်ပုလိပ်စုံထောက်များ ခြေရှုပ်လာမည့် အဆိုပါ ဥပဒေ အပေါ် ဟောင်ကောင်ပြည်သူများ အဖို့ တလုံးတပါဒမျှ ဝင်ရောက် ဆွေးနွေး ပြောဆိုခွင့် မရခဲ့ကြပေ။ အဆိုပါ ဥပဒေသည် တရုတ်မှ ဟောင်ကောင်အား အကြောက်တရားဖြင့် အုပ်ချုပ်သွားတော့မည်ဟု အချက်ပေး ခေါင်းလောင်းထိုးလိုက်ခြင်းပင် ဖြစ်ပေ သည်။

ယင်းနှင့်အတူ ဟောင်ကောင် အား ၁၉၉၇ တွင် တရုတ် သို့ မလွှဲပြောင်းမီ ဗြိတိသျှ တို့ နှင့် သဘောတူခဲ့ကြသည့် ‘တနိုင်ငံ စနစ်နှစ်မျိုး” ဆိုသည့် စာချုပ်အား ပြောင်ပြောင်တင်းတင်း ချိုးဖောက်လိုက်ခြင်း လည်း ဖြစ်သည်။ ထိုအချိန်က ဟောင်ကောင်တွင် အမြင့်ဆုံး အတိုင်းအတာ ဖြင့် ကိုယ်ပိုင် ဆုံးဖြတ်ပြဌာန်းနိုင်ခွင့် ရှိမည်။ လွတ်လပ်စွာ ရေးသား ပြောဆိုခွင့် နှင့် ဘက်မလိုက်သော တရားစီရင်ရေး မျိုး ရှိမည်ဟု တရုတ်ဘက်က အာမဘန္တေ ခံခဲ့သည်။

ယခုအခါ တရုတ်တို့ လုပ်ရပ်အပေါ် ဟောင်ကောင် ကျွန်းသားများ ဒေါသ အမျက်ချောင်းချောင်း ထွက်လာနေသလို ရင်းနှီးမြုပ်နှံနေသည့် စီးပွားရေး သမားများလည်း စိုးရိမ်မကင်း ဖြစ်လာနေသည်။ တရုတ်တို့ ကြေငြာချက် ထွက်အပြီး နောက်တနေ့ မေလ ၂၂ ရက်နေ့တွင် စတော့ ရှယ်ယာဈေးနှုန်းများသည် ငါးနှစ် အတွင်း အမြင့်ဆုံး အဖြစ် ၅.၆% ကျဆင်းသွားခဲ့သည်။

ဟောင်ကောင်သည် တရုတ်ပြည်နှင့် နီးကပ်စွာ တည်ရှိ နေပြီး တရားဥပဒေ အရလည်း လွတ်လပ်စွာ စီရင် နိုင်ခဲ့ခြင်းကြောင့် ကမ္ဘာ့ ကူးသန်းရောင်းဝယ်ရေး တွင် အချက်အခြာ အကျဆုံး နေရာ ဖြစ်လာခဲ့ရသည့် အကြောင်းများပင် ဖြစ်သည်။ စီးပွားရေး ပိုင်း တွင် အငြင်းအခုံ ဖြစ်လာခဲ့လျှင်လည်း ဘက်မလိုက်ပဲ တရားမျှ တစွာ စီရင် ပေးနေသည့် တရားရုံးများ ရှိနေသည်။ အကယ်၍ မည်သည့် ကိစ္စမဆို တရုတ် အလိုကျ ဖြစ်အောင် ထင်သလို စီမံဆုံးဖြတ်လာမည် ဆိုလျှင် ဟောင်ကောင်သည် ကုမ္ပဏီများ အတွက် မက်လောက်စရာ အနေအထားမှ လျောကျသွားရတော့မည် လည်း ဖြစ်သည်။

လက်ရှိ တရုတ်၏ လုပ်ရပ်သည် ဟောင်ကောင်ကို ကျော်လွန်ပြီး ရိုက်ခတ်လာတော့မည် ဖြစ်သည်။ ဟောင်ကောင်အား ပေးအပ်ထားသော “တနိုင်ငံ စနစ် နှစ်မျိုး” အား လူဦးရေ ၂၄ သန်း ရှိသော တိုင်ဝမ်ကျွန်းသားများ မျက်စိကျလာနိုင်သည်ဟုလည်း တရုတ်တို့က ကြိတ်၍ မျှော်လင့်ထားခဲ့ကြသည်။ တရုတ် နှင့် ပြန်လည် ပေါင်းစည်း ပါကလည်း မိမိတို့ လွတ်လပ်ခွင့်များ မဆုံးရှုံးနိုင်ဟု တိုင်ဝမ်လူထုကို ပြသ လိုခြင်းလည်း ဖြစ်သည်။

သို့သော် သမ္မတ ရှီကျင့်ဖျင် အာဏာရလာပြီးနောက် ထိုအယူအဆအား စိတ်ကူးယဉ်နေခြင်းဟု ဆိုကာ စိတ်ကုန်လာခဲ့သည်။ နောက်ပိုင်း တိုင်ဝမ် ကို ခပ်ပြောင်ပြောင် ပင် ခြိမ်းခြောက်လာခဲ့တော့သည်။ ဇန်နဝါရီလတွင် တရုတ် အပေါ် အမြဲလို သံသယ ဖြင့် ဆက်ဆံတတ်သော သမ္မတ ဆိုင် အင်ဝင်း ပြန် လည် အရွေးခံခဲ့ရချိန်တွင်တော့ တရုတ်ခေါင်းဆောင်များ၏ ငြိမ်းချမ်းစွာ ပြန်လည် ပေါင်းစည်းနိုင်ရေး ဆိုသည့် အိမ်မက်သည် ပျက်ပြယ်လုနီးပါး ဖြစ်သွားခဲ့ရပေတော့သည်။

မေလ ၂၂ ရက်တွင် တရုတ်၏ စိတ်တော်သိ ဘောင်းတော်ညိတ် လွှတ်တော်၏ အဖွင့်မိန့်ခွန်းတွင် ဟောင်ကောင် ဝန်ကြီးချုပ် လီကာချန် သည် သုံးစွဲနေကျ ငြိမ်းချမ်းစွာ ပြန်လည် ပေါင်းစည်းရေး ဆိုသည့် စကားတွင် ငြိမ်းချမ်းစွာ ဆိုသည့် အသုံးအနှုန်းကို ဖြုတ်ပြီး ပြောဆို သုံးစွဲ လာခဲ့သည်။ တိုင်ဝမ်ကျွန်း တဝိုက်တွင်လည်း စစ်ရေး လှုပ်ရှားမှု များ တိုးမြင့်လာခဲ့ပြီး အမျိုးသားရေး ဝါဒီများကလည်း အွန်လိုင်းပေါ်မှ ကျူးကျော် သိမ်းပိုက်ရန် ဆိုသည့်စကား ကို ကျယ်ကျယ်လောင်လောင် ပြောဆိုလာကြသည်။

တရုတ်သည် အခြားသော နိုင်ငံများနှင့် လည်း မသင့်မမြတ် ဖြစ်လာနေသည်။ တောင်တရုတ် ပင်လယ်အတွင်းရှိ ကျွန်းများ ပေါ်တွင် ခံတပ်များ ဆောက်လုပ်လာခြင်းသည် နိုင်ငံတကာ ဥပဒေများ နှင့် အိမ်နီးချင်း နိုင်ငံငယ်လေးများ မှ မိမိတို့ လည်း ပိုင်ဆိုင်ကြောင်း ပြောဆိုနေခြင်း များကို လျစ်လျူရှု လိုက်ခြင်းလည်း ဖြစ်သည်။

ယခု အပတ်အတွင်း ရာဂဏန်း သို့မဟုတ် ထောင်ဂဏန်း အရည်အတွက်ရှိ တရုတ် တပ်များသည် ဟိမဝန္တာ အရပ်ရှိ အိန္ဒိယ နှင့် အငြင်းပွားနေသော နယ်မြေ အတွင်းသို့ ဖြတ်ကျော်ဝင်ရောက်လာခဲ့ကြပြန်သည်။ နှစ်နိုင်ငံ နယ်ခြားဒေသများတွင် လုံးလားထွေးလား ဖြစ်နေခြင်းသည် ဖြစ်နေကျဟု ဆိုသော်လည်း ယခု တကြိမ် ကျူးကျော် ဝင်ရောက်လာခြင်းသည်ကား တရုတ် သတင်းစာများမှ အဆိုပါ နယ်မြေ ကို မိမိတို့ ပိုင်ဆိုင်ကြောင်း ဇောင်းပေး ရေးသားလာကြချိန်နှင့် တိုက်ဆိုင်နေသည်။

အမေရိကန် ပြည်ထောင်စုနှင့် ဆက်ဆံရေးသည်လည်း ဆယ်စုနှစ်ပေါင်းများစွာ အတွင်း အဆိုးဝါးဆုံး အဆင့်သို့ ထိုးကျလာနေသည်။ ထို့အတွက် ကုန်သွယ်ရေး၊ ရင်းနှီးမြုပ်နှံမှု နှင့် သိပ္ပံနည်းပညာ ဆိုင်ရာ ပူးပေါင်း ဆောင်ရွက်မှု နယ်ပယ်များ တွင် ထိခိုက်လာခဲ့ရသည်။

သို့သော် ကမ္ဘာတဝှမ်းက ၎င်းတို့ လုပ်ရပ်များကို မနှစ်မြို့မှန်း သိသော်လည်း မဖြစ်မနေ လုပ်မှ ဖြစ်တော့မည်ဟု တရုတ် ကွန်မြူနစ် ပါတီမှ ယူဆလာခဲ့၍လည်း ဖြစ်သည်။ ဟောင်ကောင်တွင် မည်မျှပင် ရွေးကောက်ပွဲ ရလဒ်များအား ၎င်းတို့ အလိုကျ ဖန်တီးနိုင်သည် ဆိုစေကာ တနေ့မဟုတ် တနေ့ “ကာလာ တော်လှန်ရေး” များ ဖြစ်လာ နိုင်ပြီး ဒီမိုကရေစီ အင်အားစုများ အာဏာရလာမည့် အရေးကို ယခုကတည်းက ရပ်တန့်အောင် လုပ်မှ ဖြစ်မည် ။

ဤအရေးအတွက် စီးပွားရေး ဘက်တွင် ထိခိုက်လာခဲ့လျှင်လည်းမတတ်နိုင်သည့်အခြေအနေဟု ပါတီ ခေါင်းဆောင်ပိုင်း မှ သဘောထားလာကြသည်။ သို့သော် တရုတ် ကုမ္ပဏီများ အဖို့ကား ဟောင်ကောင်သည် နိုင်ငံတကာ မှ ငွေပင်ငွေရင်း များ ရရှိနိုင်မည့် လွန်စွာ အရေးပါသော နယ်မြေလည်း ဖြစ်နေသည်။ ယခင်က ၎င်းတို့ အတွက် အားထားရာ ဖြစ်ခဲ့သည့် နယူးယောက်သည် တရုတ်-အမေရိကန် ရန်စောင်လာမှု များ စတင်လာခဲ့ပြီးနောက် လုပ်ရကိုင်ရ ကျပ်တည်းလာခဲ့၍ ဟောင်ကောင်ကို ပို ၍ အားပြုလာနေခဲ့ခြင်းလည်း ဖြစ်သည်။

သို့သော် ဟောင်ကောင်၏ တနိုင်ငံလုံး ထုတ်ကုန်စုစုပေါင်း ဂျီဒီပီသည် ၁၉၉၇ တွင် တရုတ် တနိုင်ငံလုံး၏ ၁၈% ရှိခဲ့ရာမှ တရုတ် ၏ စီးပွားရေး သည် နောက်ပိုင်း ၁၅ ဆ အထိ တဟုန်ထိုး တိုးတက်လာခဲ့ခြင်းကြောင့် ယခုအခါ ၃% သာ ရှိပေတော့သည်။ တရုတ် အာဏာပိုင်များကတော့ ဟောင်ကောင်သည် ပြည်မကြီး နှင့် ကပ်နေသဖြင့် နိုင်ငံတကာ ကုမ္ပဏီ များ အဖို့ မခွဲနိုင် မခွာနိုင် ဖြစ်နေမည်ဟု တွက်ဆခဲ့ကြသည်။ ထိုတွက်ဆမှုကလည်း မှန်ကောင်း မှန်နိုင်ဖွယ် ရှိနေသည်။

ဒေါ်နယ် ထရန့် မှ တရုတ် အပေါ် ပြောဆိုဝေဖန်နေမှုများနှင့် ထိတ်တိုက် ရင်ဆိုင်မှုများ ဖန်တီးနေခြင်းကိုလည်း တရုတ် ခေါင်းဆောင်တို့က ကြိတ်၍ ကျေနပ်နေကြပြန်သည်။ ထရန့် မှ တရုတ် ဆန့်ကျင်ရေး များ များ ပြောလေ နိုင်ငံအတွင်းရှိ အမျိုးသားရေးဝါဒီ တို့ ဒေါသထွက်လာလေ ဖြစ်နေသည်။ ဒေါ်နယ် ထရန့်ကြောင့် အမေရိကန် နှင့် ယင်း၏ မဟာမိတ်များအကြား အက်ကြောင်းထလာနေမှုကို သတ်လျို နိုင်ခဲ့သလို ယခုအရေးကိုလည်း တရုတ် ခေါင်းဆောင်တို့အဖို့ အမြတ်ထုတ်နိုင်စရာ ဖြစ်လာခဲ့သည်။

ဟောင်ကောင်ရှိ ဒီမိုကရေစီ တောင်းဆိုမှုများ ကို အမေရိကန် ၏ အကြံများသာ ဖြစ်သည်ဟု ပုံဖေါ်လာခဲ့ကြသည်။ ထိုသို့ ပြောဆိုနေခြင်းများသည် ယုတ္တိမတန်သော်လည်း ပြည်မကြီးရှိ တရုတ်နိုင်ငံသားများက ဟောင်ကောင်လူထု ကို အထင်အမြင် သေးလာနေသည်ကို ကြည့်၍ တရုတ်တို့ ဝါဒဖြန့်ချီရေး တွင် အောင်ပွဲခံနေသည်မှာ သိသာနေသည်။

လက်ရှိ ဟောင်ကောင် အပေါ် တရုတ်၏ အနိုင်ကျင့်လာနေမှုများကို ကမ္ဘာတဝှမ်းက ဆန့်ကျင် သင့်သည်။ တရုတ်-အိန္ဒိယ နယ်ခြား အငြင်းပွားမှုကို နှစ်နိုင်ငံ ခေါင်းဆောင်များ ၂၀၁၈ ခုနှစ်အတွင်း ကတိပေးခဲ့ကြသလို ဆွေးနွေးခြင်းဖြင့် အဖြေရှာသင့်ကြသည်။ သို့မှသာ တွက်ချက်မှု လွဲမှားပြီး ပဋိပက္ခကြီး အသွင် ကူးပြောင်းလာမည့် အရေးကို ရှောင်ရှားနိုင်မည် ဖြစ်သည်။ တရုတ်ဘက် မှ တောင်တရုတ် ပင်လယ်တွင် လုပ်ခဲ့သလို ခံတပ်ကြီးများ ဆောက်လုပ်လာမည်ဆိုလျှင် ၎င်းတို့ အပေါ် အိမ်နီးချင်း နိုင်ငံများ၏ အယုံအကြည်မဲ့ လာကြမည့် အရေးအား ရင်ဆိုင်ရဖွယ် ရှိသည်ကို တရုတ်တို့ နားလည်သင့်ပေသည်။

တိုင်ဝမ် အရေး တွင်လည်း အမေရိကန် ကို လုံးဝလျော့တွက်၍မရသည့် အဟန့်အတားကြီး ရှိနေပြန်သည်။ တိုင်ဝမ်ကို တိုက်ခိုက်ခံရပါက အမေရိကန်တို့ ဝင်ရောက်ကူညီပေးမည်ဆိုသည်ကို အပြောနှင့် မဟုတ် ဥပဒေ နှင့်ပါ ရိုးတိုးရိတ်တိတ် ပြဌာန်းထားပြီး ဖြစ်သည်။ သို့သော် တရုတ်တို့ဖက်မှ တကယ် လုပ်မလုပ်ကို သွေးတိုး စမ်းလာဖွယ် ရှိနေသည်။ ထို့ကြောင့် တရုတ်တို့ သွေးတိုးစမ်းလာပါက လွန်စွာ အန္တရာယ် များမည့် လုပ်ရပ်ကို ဖန်တီးခြင်း ဖြစ်ကြောင်း အမေရိကန်သည် ရှင်းရှင်းလင်းလင်း အသိပေးထားသင့်သည်။ အမေရိကန်၏ မဟာမိတ်များကလည်း အလားတူ ကျယ်ကျယ် လောင်လောင် ပြောဆိုသင့်သည်။

ဟောင်ကောင်အတွက် ရွေးချယ်နိုင်စရာများသည် မျှော်လင့် အားရဖွယ် မရှိ ဖြစ်နေသည်။ အမေရိကန်၏ ဟောင်ကောင် မူဝါဒ အက်ဥပဒေအရ ဟောင်ကောင်သည် တရုတ်နှင့် သီးခြားကင်းလွတ်သော နယ်မြေ ဖြစ်ကြောင်း နှစ်စဉ် သုံးသပ်ဖို့ လိုအပ်နေသည်။ ယခုအပတ်အတွင်း အမေရိကန် နိုင်ငံခြားရေးဝန်ကြီး မိုက် ပွန်ပီယို မှ လက်ရှိ ဖြစ်ပျက်နေမှုများသည် ဟောင်ကောင်တွင် ကိုယ်ပိုင် အုပ်ချုပ်ပြဌာန်းခွင့် မရှိတော့ ဆိုသည်ကို ပြဆိုနေသည်ဟု ပြောလာခဲ့သည်။ ထို့အတွက် ဟောင်ကောင်၏ ပို့ကုန်များ အပေါ် အမေရိကန်မှ ကုန်သွယ်ခွန် တိုးမြှင့် ကောက်ခံရန် ရှိလာသည်။ ပြည်မကြီး ရှိ တရုတ်ကုမ္ပဏီများ အပေါ် အလားတူ ပြုလုပ်ထားခဲ့ပြီးလည်း ဖြစ်သည်။ ဤသည်က အမေရိကန်တို့ ပိုင်ဆိုင်ထားသော အင်အားကြီးမားလှသည့် လက်နက်ကြီးလည်း ဖြစ်သည်။

သို့သော် အတွက်အချက်မှားပြီး လုပ်မိက ဟောင်ကောင် ပြည်သူများကို ထိခိုက် စေနိုင်သည်သာမက နိုင်ငံတကာ ဘဏ်များ နှင့် ကုမ္ပဏီများကို မောင်းထုတ်ပြစ်သလို ဖြစ်မည်။ အမေရိကန် အနေဖြင့် လူ့အခွင့် အရေး ချိုးဖောက် ကျူးလွန်သူများကိုသာ ပြစ်ဒဏ်ခတ်ဖို့ ဥပဒေတွင် ပါရှိက ပို၍ သင့်တော်ပေမည်။ ထို့အပြင် ဗြိတိန်သည် လည်း ဒုတိယ တန်းစား ဗြိတိသျှ နိုင်ငံကူး လက်မှတ် များ ကိုင်ဆောင်ထားသူများကို နိုင်ငံတွင်း ရွှေ့ပြောင်း နေထိုင်ခွင့် ပေးသင့်သည်။

တိုင်ဝမ် သမ္မတ ဆိုင် ဝင်အင်း မှ ဟောင်ကောင် ကျွန်းသားများ ပြောင်းရွှေ့လိုက တံခါးဖွင့် ပေးထားကြောင်း ပြောဆို ခဲ့သလိုမျိုး ဗြိတိသျှ တို့ လုပ်သင့်ပေသည်။ မည်သို့ပင် ဆိုစေ တရုတ်တို့ဘက်မှ ဟောင်ကောင် အပေါ် မည်သို့မျှ အလျော့ပေးမည်တော့ မဟုတ်ပေ။ ပါတီ၏ အကျိုးစီးပွားသည်သာ လူထု ထက် ပို၍ အမြဲလို အရေးသာနေခြင်းကြောင့်ပင် ဖြစ်သည်။

Hla Soewai