အခြေခံ လူတန်းစားများ ကို စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန က အလုပ်ပေးမည်

အခြေခံ လူတန်းစားများ ကို စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန က အလုပ်ပေးမည်

ကိုဗစ်-၁၉ ရောဂါ ရိုက်ခတ်မှုကြောင့် အလုပ်အကိုင် ဆုံးရှုံးမှုများပြားလာချိန်တွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက လက်လုပ်လက်စား အခြေခံလူတန်းစားများကို အလုပ်အကိုင်ပေးမည် ဖြစ်ကြောင်း အဆိုပါဝန်ကြီးဌာနမှ ဒုတိယအမြဲတမ်းအတွင်းဝန် ဦးမျိုးတင့်ထွန်းက ပြောကြား လိုက်သည်။

ကိုဗစ်-၁၉ စီးပွားရေး ကယ်ဆယ်ရေးစီမံကိန်း (CERP) အရ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနလက်အောက်ရှိ ဆည်မြောင်းလုပ်ငန်း၊ ကျေးလက်ဒေသဖွံ့ဖြိုးရေးလုပ်ငန်းများတွင် အခြေခံလူတန်းစားများကို အလုပ်အကိုင်ပေးနိုင်ရန်စီစဉ်ခြင်းဖြစ်ကြောင်း ၎င်းက ပြောသည်။

“အခြေခံလူတန်းစားတွေ အတွက် အလုပ်ပေးနိုင်တဲ့ ကဏ္ဍတွေကနေပြီး လုပ်ငန်းလေးတွေ ဆွဲထုတ်တာပေါ့။ အဓိကကတော့ Cash for Work နေ့စားသဘောပေါ့။ သူတို့ အလုပ်အကိုင် အခွင့်အလမ်းလေးတွေ အဆင်ပြေအောင်ဆိုတဲ့သဘောနဲ့ ဒီအစီအစဉ်ထဲမှာ ထည့်ထားတာပေါ့” ဟု ၎င်းက ဆိုသည်။

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက ဆောင်ရွက်သည့် လုပ်ငန်းများတွင် အခြေခံလူတန်းစားများကို နေ့စားအဖြစ် ခန့်အပ်မည်ဖြစ်ပြီး နိုင်ငံတော်ဘတ်ဂျက်နှင့် စီမံကိန်းတွင်အသုံးပြုသည့် ဘဏ္ဍာငွေမှ လုပ်ခလစာပေးမည်ဖြစ်ကြောင်း ၎င်းက ရှင်းပြသည်။

ဝန်ကြီးဌာန၏ လုပ်ရမည့်လုပ်ငန်းပမာဏ၊ ဘတ်ဂျက်ခွင့်ပြုမှုအပေါ် မူတည် ကာ အလုပ်အကိုင် ပေးနိုင်မည်ဖြစ်ပြီး လုပ်သားအရေအတွက်နှင့် ဘတ်ဂျက်ပမာဏကိုလည်း တွက်ချက်စိစစ်ဆဲ ဖြစ်ကြောင်း ၎င်းက ဆက်ပြောသည်။

အဆိုပါဝန်ကြီးဌာနအောက်တွင် ဆည်မြောင်းလုပ်ငန်း၊ ကျေးလက်လမ်း တံတားဆောက်လုပ်ရေးနှင့် စိုက်ပျိုးရေးလုပ်ငန်းများအတွက် အခြေခံအလုပ်များစွာ ဖန်တီးနိုင်မည်ဖြစ်သည်။

နိုင်ငံတော်ဘတ်ဂျက်နှင့် နိုင်ငံတကာအဖွဲ့အစည်းများ၏ ချေးငွေ၊ ထောက်ပံ့ငွေဖြင့် လယ်ဧက (၂) သိန်း၊ မြန်မာနိုင်ငံ ဆန်စပါးအသင်းချုပ်နှင့်ပူးပေါင်းဆောင်ရွက်မည့် ကန်ထရိုက်လယ်ယာဧကနှစ်သိန်း၊ စုစုပေါင်း ဧက (၄)သိန်း စိုက်ပျိုးမည်ဖြစ်ပြီး ယင်းအတွက် လယ်ယာအလုပ်သမားများလိုအပ်လျက်ရှိကြောင်း စိုက်ပျိုးရေးဦးစီးဌာနက ထုတ် ပြန်ထားသည်။

အဆိုပါစိုက်ပျိုးဧက (၄) သိန်းတွင် ပျိုးထောင်ခြင်း၊ မြေယာပြုပြင်ခြင်း၊ ပျိုးနုတ်ခြင်း၊ သွင်းအားစု ထည့်သွင်းခြင်းနှင့် သီးနှံရိတ်သိမ်းသည့်လုပ်ငန်းများတွင် အလုပ်အကိုင်များ ပေးနိုင်မည်ဖြစ်ကြောင်း ယင်းဌာန၏ ထုတ်ပြန်ချက်တွင်ဖော်ပြထားသည်။

ထို့အပြင် ကမ္ဘာ့ဘဏ်နှင့် ဂျပန်နိုင်ငံ တရားဝင် ဖွံ့ဖြိုးရေး အကူအညီတို့ဖြင့်ဆောင်ရွက်လျက်ရှိသည့် ဆည်မြောင်းစီမံကိန်း ငါးခုတွင် အလုပ်သမားများ လိုအပ်လျက်ရှိပြီး အလုပ်အကိုင် လိုအပ်သူများ ဆက်သွယ်ရန် ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနက ကြေညာထားသည်။

crd : blacker

Add a Comment

Your email address will not be published. Required fields are marked *

9 + 4 =