နှစ်ပတ်ကျော် ကြာပြီးနောက်မှ ပထမဆုံး ပြန်တွေ့ရှိတဲ့ ပြည်တွင်း ကူးစက်မှု လူနာ အမှတ် (၂၃၁)

နှစ်ပတ်ကျော် ကြာပြီးနောက်မှ ပထမဆုံး ပြန်တွေ့ရှိတဲ့ ပြည်တွင်း ကူးစက်မှု လူနာ အမှတ် (၂၃၁)

ကျန်းမာရေးနှင့် အားကစားဝန်ကြီးဌာနရဲ့ ဒီကနေ့ည (၈)နာရီ ထုတ်ပြန်ချက် အရ လူနာနံပါတ် (၂၃၁) က မူဆယ်မှာနေထိုင်တဲ့ အသက် (၃၀)နှစ်အရွယ် အမျိုးသမီးလူနာက ပြည်ပကပြန်လာတဲ့သူတွေကို ကျန်းမာရေးစစ်ဆေးတဲ့ အဖွဲ့မှာ တာဝန် ထမ်းဆောင်နေသူတစ်ဦးဖြစ်တယ်လို့ သိရပါတယ်။

“ သူက ကျန်းမာရေး ဝန်ထမ်းပါ။ သူတာဝန်ထမ်းဆောင်နေတဲ့ ဆေးရုံကိုတော့ အတိအကျမသိရသေးဘူး။ ဒါပေမယ့် COVID-19 စဖြစ်ခဲ့ကတည်းက ပြည်ပကပြန်လာတဲ့သူတွေကို ကျန်းမာရေး စစ်ဆေးတဲ့နေရာမှာ လက်ရှိတာဝန်ထမ်းဆောင်နေတာပါ။ သူက အဓိကပြည်ပကပြန်လာတဲ့ သူတွေဝင်လာတဲ့ နန်းတော်ပေါက်ဆိုတာရှိတယ်။ အဲဒီမှာ တာဝန်ထမ်းဆောင်နေတဲ့သူပါ” လို့ မူဆယ်မြို့နယ် လွှတ်တော်ကိုယ်စားလှယ် ဦးစိုင်းထွန်းကိုကိုက ပြောပါတယ်။

ထို့အတူ ရှမ်းပြည်နယ်မြောက်ပိုင်း ပြည်သူ့ ကျန်းမာရေး ဦးစီးဌာနမှ ဒေါက်တာ တင်မောင်ညွန့်ကလည်း “ သူက Quarantine လုပ်ထားတာ မဟုတ်ဘူး၊ ကျန်းမာရေးဝန်ထမ်းပါ။ ရောဂါလက္ခဏာ မရှိဘူး နယ်စပ်မှာ တာဝန်ထမ်းဆောင်တဲ့ အဖွဲ့ထဲမှာပါတော့ စစ်ကြည့်လိုက်တာပါ။ သူ့ကို မူဆယ် ပြည်သူ့ဆေးရုံ မှာ ကုသမှာပါ။” ဟု ပြောသည်။

ဒီကနေ့ည ထပ်တိုးလူနာ (၄)ဦး မှာ (၃)ဦးက ပြည်ပကပြန်လာတဲ့သူတွေ ဖြစ်ပြီး အိန္ဒိယ၊ တရုတ်နဲ့ မလေးရှားက ပြန်လာသူများဖြစ်ပါတယ်။

မေလ (၁၆) ရက်နေ့ နောက်ပိုင်းက စပြီး ပြည်တွင်းကူးစက်မှုများ ရပ်တန့်ခဲ့ပြီးတဲ့ နောက် ဒီကနေ့မှာတော့ ခရီးသွားရာဇဝင်မရှိတဲ့ ပြည်တွင်းကသူတစ်ဦး ကူးဆက်ခံရမှု စတင်တွေ့ရှိခဲ့တာ ဖြစ်ပါတယ်။

ဒီကနေ့ ဇွန်လ (၂) ရက်နေ့ ည (၈) နာရီထုတ်ပြန်ချက်အထိ မြန်မာနိုင်ငံမှာ COVID-19 အတည်ပြုလူနာ (၂၃၂) ဦးရှိပြီး ပြန်လည်ကောင်းမွန်လာသူ (၁၄၃) ဦးရှိကာ သေဆုံးသူ (၆) ဦးရှိပါတယ်။

crd : blacker

Add a Comment

Your email address will not be published. Required fields are marked *

19 + thirteen =