မူဆယ်မှာ မိုး မီးလောင်တော့ မယ် (လူနာအမှတ် ၂၃၁ နဲ့ ထိတွေ့ခဲ့သူ အလွန် များပြားဟုဆို)

မူဆယ်မှာ မိုး မီးလောင်တော့ မယ် (လူနာအမှတ် ၂၃၁ နဲ့ ထိတွေ့ခဲ့သူ အလွန် များပြားဟုဆို)

ရှမ်းပြည်နယ်၊ မူဆယ်မြို့တွင် နေထိုင်သော ကိုဗစ် ၁၉ရောဂါ ကူးစက်ခံ ရသည့် လူနာအမှတ်စဉ် ၂၃၁ သည် မုံးပေါ်ကျေးလက် ကျန်းမာရေးဌာန တာဝန်ခံ ကျန်းမာရေးမှူး ဖြစ်ပြီး မည်သို့ ကူးစက်ခံရပုံကို မသိရှိရသေးဘဲ ၎င်းနှင့် ထိတွေ့ခဲ့သူ အများအပြား ရှိတယ်လို့ သိရပါတယ်။

ဘယ်လို အကူးခံရတယ် ဆိုတာကို စုံစမ်းဆဲ ဖြစ်ကြောင်း၊ တရုတ်ပြည်တော်ပြန်တွေကို စစ်တဲ့နေရာမှာလည်း တာဝန်မကျခဲ့ကြောင်း၊ ဆေးထိုးတာနဲ့ ကာကွယ်ဆေးထိုးတဲ့ ကိစ္စတွေ ရှိနေလို့ ထိတွေ့မှု များပြားနေကြောင်း၊ ဘယ်နှယောက်နဲ့ ထိတွေ့ခဲ့တယ်လို့ မသိရသေးကြောင်း မူဆယ်မြို့ အခြေစိုက် ကရုဏာ လူမှုကူညီရေးအသင်း ဥက္ကဋ္ဌ ဦးသောင်းထွန်းက ပြောပါတယ်။

ယင်းလူနာအမှတ်စဉ် ၂၃၁ သည် မူဆယ်မြို့ ဟိုမိုရပ်ကွက်၊ ၄၅ကုန်းတွင် နေထိုင်ပြီး လတ်တလောတွင် အဆိုပါ နေရာအား လော့ဒေါင်း ပြုလုပ်ထားတယ်လို့ သိရပါတယ်။

လက်ရှိချိန်တွင် လူနာအမှတ် ၂၃၁ နှင့် ၎င်း၏ အမျိုးသား ဖြစ်သူတို့ကို မူဆယ်မြို့နယ် ခရိုင်ပြည်သူ့ဆေးရုံသို့ ပို့ဆောင် ထားကာ ရောဂါပိုးတွေ့ရှိသူနှင့် ထိတွေ့ခဲ့သူများကို ကျန်းမာရေးအဖွဲ့များက ခြေရာခံ စုံစမ်း စစ်ဆေးမှုများပြုလုပ်လျက်ရှိကြောင်း မူဆယ်မြို့နယ်မှ ရှမ်းပြည်နယ်လွှတ်တော်ကိုယ်စားလှယ် ဦးစိုင်းကျော်သိန်းက ပြောပါတယ်။

Add a Comment

Your email address will not be published. Required fields are marked *

eleven + thirteen =