ဆန္ဒ ပြပွဲတွေပြီးရင် အစုလိုက် အပြုံလိုက် ဗိုင်းရပ်စ် ကူးစက်ပွဲ တွေ လာတော့ မယ့် အမေရိကန်

ဆန္ဒ ပြပွဲတွေပြီးရင် အစုလိုက် အပြုံလိုက် ဗိုင်းရပ်စ် ကူးစက်ပွဲ တွေ လာတော့ မယ့် အမေရိကန်

ဒီ ရက် ထဲ မှ ည -မနေ့ည ကလည်း ကျွန်တော် နေ တဲ့ မြို့ မှာ ဆန္ဒပြကြတာတွေ ထပ်ဖြစ်ပေ မယ့် ငြိမ်းငြိမ်းချမ်းချမ်းနဲ့ ပဲ ပြီးဆုံးသွားတယ် လို့ သိ ရ တယ် ။ မနက်စောစော ၇ နာရီ လောက်ကတော့ မြို့ခံ ဘေ့စ်ဘော အသင်းကွင်းထဲ ဝင်ပြီး ဖျက်ဆီးဖို့ ကြိုးစားတာ ရှိခဲ့သေး ပါ သတဲ့ ။

ရဲတပ်ဖွဲ့ရဲ့ သတင်း ထုတ်ပြန် ချက် အရ ကာဖျူးအမိန့် နဲ့ ဖမ်းဆီးခံရမှု တချို့ ရှိတာတွေကို သိရပေမယ့် အလုပ်ကနေ ည ၁၁ နာရီကျော် မှ ပြန်လာရတဲ့ ကျွန်တော့်ရဲ့ အိမ်အပြန်လမ်းကတော့ အေးအေးဆေးဆေးပါပဲ။ အဝေးပြေးလမ်းပေါ်မှာ၊ မြို့ထဲလမ်းတွေ မှာ ကားတွေ သွားလာနေတာ လည်း တွေ့ခဲ့ရတာပါပဲ။ ဆန္ဒပြနေကြတဲ့ မြို့လယ်ကိုတော့ ကွင်းရှောင်မောင်း ရတာပေါ့ ။

ဓာတ်ပုံ အရိုက်ခံချင် တဲ့ သမ္မတ အတွက် လမ်းရှင်းပေးချင်တာနဲ့ပဲ လမ်းပေါ်မှာ ငြိမ်းငြိမ်းချမ်းချမ်း ဆန္ဒပြသူတွေကို တွန်းထိုး ရှင်းလင်းပစ်တာကိုတော့ ရုပ်ဆိုးတဲ့ လုပ်ရပ်လို့ပဲ ခံစားမိတယ်။ ဟူစတန် ရဲတပ်ဖွဲ့ အကြီး အကဲကတော့ သမ္မတကို “ဘာ အထောက်အကူ ပေးရမယ် ဆိုတာ မသိရင် ကျေးဇူးပြုပြီး ပါးစပ် ပိတ်ထားပါ” လို့ ပြောပစ်တာပဲ။

အထက်အရာ ရှိလည်းဖြစ် သူငယ်ချင်း ဆိုလည်း ဟုတ်တဲ့ ကျွန်တော့် မန်နေဂျာက အမေရိကန်နိုင်ငံ သား တယောာက်ပါ။ ပြီးခဲ့တဲ့ ပိတ်ရက်ကတော့ သူ့သမီးက ဆန္ဒပြပွဲကို သွားခဲ့ပါသတဲ့။ အဖေ တယောက် အနေနဲ့ သူ့သမီးကို မှာလိုက်တဲ့ စကားကို ပြန်ပြောပြတယ်။ “ ဆန္ဒပြဖို့ သွားတာ ကို ငါ မတားဘူး ၊ သဘော ထားလည်း အတူတူပဲ။ အေး၊ နောက်နေ့ သတင်းတွေ ထဲက လုယက်နေကြသူ ရဲ့ ပုံတွေထဲမှာ ငါ့သမီး မျက်နှာ ကို မမြင်ရစေနဲ့ ” …တဲ့။

ဆန္ဒပြကြ တာတွေ ဖြစ်နေတဲ့ ကြားမှာ ကိုပဲ နည်းနည်း လေး ရင်အေးစရာက ကိုဗစ်ကြောင့် သေဆုံးနေရ တဲ့ အရေအတွက်က အမေရိကားမှာ အကျဘက်ကို ရောက် လာတာပါ။ ကူးနှုန်းကေ တာ့ ပျှမ်းမျှ တရက် ၂ သောင်းနှုန်းကနေ မကျသေးပါ။

အခုတော့ လည်း လူတချို့က ဘာဖြစ်သွား သလဲ ဆိုတော့ ကူးမှာလောက် ကို ဘာမှတောင် မမှုတော့ သလို တွေပါ။ ဖြစ်လာ တော့လည်း အိမ်ထဲမှာ ခွေနေလိုက်၊ အဖျားအနာခံလိုက်ပြီး ပြန်သက်သာ သွားတော့ လုပ်ငန်းခွင်ကို ပြန်ရောက်လာသူတွေတောင် မနည်းတော့ဘူး။

ဆန္ဒပြပွဲတွေကနေ ကူးစက် ခံရမှု ဘယ်လောက်ထိ မြင့်တက် လာဦးမလဲ ဆိုတဲ့ အဖြေကိုတော့ နောက် နှစ်ပတ် ကျော်လောက်ဆို ပိုသိ ရမယ် ထင်ပါတယ်။ အခုကတော့ ကြည့်နေ၊ ကြည့်စား၊ ကြည့်သွားရင်း အလုပ် လုပ်နေမြဲပါ။ ဒါပေမယ့် အဆင်ပြေပါတယ်လေ။

ချစ်ခြင်းမေတ္တာဖြင့်…

ကလိုစေးထူး
ဇွန်လ ၂ ရက်၊ ၂၀၂၀ ခုနှစ်။
ဒေသစံတော်ချိန်၊ မွန်းလွဲ ၁၂ နာရီ ၂၂ မိနစ်။