ပီရူးနိုင်ငံ မှာ ကိုရိုနာ ဗိုင်းရပ်စ် ကူးစက် ခံရပြီး သတင်းထောက် အယောက် (၂၀) သေဆုံး

ပီရူးနိုင်ငံ မှာ ကိုရိုနာ ဗိုင်းရပ်စ် ကူးစက် ခံရပြီး သတင်းထောက် အယောက် (၂၀) သေဆုံး

ပီရူးနိုင်ငံမှာ ကိုရိုနာ ဗိုင်းရပ်စ် သတင်းယူရင်း ဗိုင်းရပ်စ် ကူးစက်ခံရတဲ့အတွက် သတင်းထောက် အယောက် ၂၀ သေဆုံးကြောင်း ပီရူး သတင်းထောက်သမဂ္ဂက အင်္ဂါနေ့မှာ ထုတ်ပြန် ပါတယ်။

ပီးရူးနိုင်ငံဟာ လက်တင် အမေရိက နိုင်ငံတွေထဲမှာ ဘရာဇီးနိုင်ငံပြီးရင် ဗိုင်းရပ်စ် ပိုးဒဏ် ဒုတိယ အများဆုံး ခံရတဲ့နိုင်ငံဖြစ်ပါတယ်။ သေဆုံးသူ ၄၆၀၀ ဦးနဲ့ ကူးစက်ခံရသူ ၁၇၀,၀၀၀ ကျော်ရှိကြောင်း သိရပါတယ်။

ပီးရူးသတင်းထောက် အဖွဲ့အစည်းဝင် ဇူလီယာနာ က ပြောကြားရာမှာ “ဇွန်လ ၁ ရက်နေ့အထိ ဗိုင်းရပ်စ်ပိုးကြောင့် သေဆုံးသူ သတင်းထောက် ၂၀ ဦးရှိကြောင်း၊ သတင်းထောက် အများစုဟာ ဗိုင်းရပ်စ်ပိုး အကြောင်းကို လမ်းတွေပေါ်ထွက်ပြီး သတင်းရယူခြင်း၊ ဆေးရုံ နဲ့ ဈေးတွေထဲ ကို သွားရောက်ပြီး သတင်းရယူစဉ်မှာ လုံခြုံ တဲ့ အကာကွယ် ပစ္စည်းလုံလောက်စွာ မပါခြင်းတို့‌ကြောင့် ကိုရိုနာဗိုင်းရပ်စ် ကူးစက်ခံရပြီး သေဆုံးကြရတယ်” လို့ ပြောပါတယ်။

သေဆုံးသူ သတင်းထောက်တွေ ထဲမှာ ၇ ဦးဟာ ပီရူးနိုင်ငံရဲ့ ဗိုင်းရပ်စ် ပိုးဒဏ်အများဆုံးခံရတဲ့ လိုရီတိုဒေသမှ ဖြစ်ပါတယ်။ ဗိုင်းရပ်စ် ပိုးဒဏ်ကြောင့် သေဆုံးတဲ့ သတင်းထောက်အများစုဟာ အလွတ်တန်း သတင်းထောက်တွေ ဖြစ်ကြောင်း သိရပါတယ်။

crd : blacker