သူများမြေကို ခိုးမိ လို့ သရဲဘဝ နဲ့ ဝဋ်ကြွေး ဆပ်ခဲ့ရတဲ့ ကျောင်းကုန်းမြို့ က ဒေါ်သိန်း (ဖြစ်ရပ်မှန်)

သူများမြေကို ခိုးမိ လို့ သရဲဘဝ နဲ့ ဝဋ်ကြွေး ဆပ်ခဲ့ရတဲ့ ကျောင်းကုန်းမြို့ က ဒေါ်သိန်း (ဖြစ်ရပ်မှန်)

ကျော င်းကုန်းမြို့နယ် ဒေါင့်ကြီး ကျေးရွာ သည် စည်ကားသော ရွာကြီးတရွာ ဖြစ်ပါသည်။ တိုက်နယ် ဆေးရုံ၊ အ-ထ-က ကျောင်း၊ စည်ကားစွာ ရောင်းဝယ်ဖောက်ကားနေသော ကုန်စုံဆိုင်၊ အထည်ဆိုင်၊ တိုက်တာပေါများပြီး အိမ်ကြီး အိမ်ကောင်းများနှင့် စည်ကားစွာ ရှိပါသည်။ ဒေါင့်ကြီးရွာတွင် မောင်ကံညိမ်း သည် ဇနီးနှင့် သားသမီး သုံးယောက်နှင့် နေထိုင်သည်။ သူ၏ အမေ ဒေါ်သိန်းသည် လွန်ခဲ့သော ၆-နှစ်ခန့်လောက်က ကွယ်လွန် ခဲ့ပါသည်။

တနေ့ ညဘက် မောင်ကံညိမ်း အိပ်ပျော်နေစဉ် ထူးဆန်း သော အိပ်မက် ကို မက်သည်။ အိပ်မက်ထဲတွင် အမေ ဖြစ်သူ ဒေါ်သိန်း မောကြီးပန်းကြီး ရောက်လာပါသည်။ သူ့ မျက်နှာ မှာ ပင်ပန်းနေပုံရသည်။ ခေါင်းပေါင်း ပေါင်းထားပြီး မြေသယ်ခြင်းတခုလည်း ကိုင် ထားပါသည်။

သူမခေါင်းပေါင်းပေါင်း ထားသော တဘက်က သူမ သေဆုံးစဉ်က မျက်နှာ အုပ်ထည့်ထားသော တဘက်ဖြစ်ပါသည်။ “သား ထပါဦး၊ သားကို ပြောစရာရှိတယ်။ အမေ လေ အမေ သေတဲ့အချိန်ကစပြီး အခုအချိန်အထိ မြေတွေရွက်သယ်နေတာ တခါမှ မနားရပါဘူးသားရယ်။ ပင်ပန်း လှပါပြီ။ အမေ လေ သားတို့ ငယ်ငယ်ကတည်းက အမေတို့ခြေရင်းဘက်က ဆရာ ဦးမောင်မြတို့ မြေကို အမေ့မြေဆိုပြီး ငြင်းယူခဲ့ပါတယ်။”

“မြေအကျယ် တတောင်လောက် ရှိပါတယ်။ ဆရာက ပထမတော့ သူ့မြေကြီး၊ ဒီမအူပင်လေးနဲ့ အမှတ်အသားလုပ်ထား တယ်လို့ ပြောသေးတယ်။ နောက်တော့လည်း မသိန်း စိတ်ချမ်းသာမယ်ဆို ယူပါလို့ပြောခဲ့တယ်။ အမေ မြေယူထားတာ အခု အနှစ် ၃၅-နှစ်လောက်ရှိပြီ။ အဲဒါကြောင့် သားက ဆရာတို့မြေကို ဆရာ တို့ ပြန်ယူပါ လို့ပြောပြီး အမေ့ကို အလှူတခု လုပ်ပြီး အမျှအတန်းပေးဝေပါ သားရယ်။”

“အိပ်မက်ကိုလည်း မယုံမကြည်မရှိပါနဲ့။ အမေ မှာတဲ့အတိုင်း ဆက်ဆက် လုပ်ပေး ပါ။ အမေ တောင်းပန်ပါတယ်။ အမေ လေ သားကို အိပ်မက်ပေးချင်လို့ အိမ်တွင်းနတ်တွေတောင်းပန်ပြီး အိပ်မက် ပေးရတာပါ။ အမေ သွားတော့မယ်နော် သား” ဟုပြောပြီး ထွက်သွားပါသည်။ ထွက်သွားသော အမေ့ ကို ငေးကြည့်ရင်း လန့်နိုး သွားသည်။

မောင်ကံညိမ်းလည်း အိပ်မက် အရ အမေပြောသော ဆရာတို့လင်မယားထံသွားပြီး ဆရာရယ်-မအူပင်ဘေးက မြေက ဆရာတို့မြေဆို။ ကျွန်တော်တို့ဘက် တတောင်လောက်ပါတယ် မဟုတ်လား။ ဆရာ တို့ပြန်ယူပါ-ဟု ပြောပါသည်။ ဆရာက-ဆရာ မယူပါဘူး သားရယ်။ မဟုတ်တာ ဆရာ ရယ်၊ ပြန်ယူပါ။ ဆရာ မယူလည်း ကျွန်တော် ပြန်ပေးရမှာပဲ-ဟုပြောပြီး ဆရာ့ခြံစည်းရိုး ကိုဖျက်၍ သူတို့ဘက်ပါသည့် မအူပင်မှစ၍ မောင်ကံညိမ်းကိုယ်တိုင် အတင်းကာပေး လိုက်ပါ သည်။

ထို့နောက် အိမ်တွင် ဘုန်းကြီး သုံးပါးပင့် သင်္ကန်းကပ်၊ ဆွမ်းဆက်ကပ်၍ အမေအား အမျှအတန်း ပေးဝေလိုက်ပါသည်။ ထိုနေ့ည၌ မောင်ကံညိမ်း အိပ်မက် တွင် အမေ နှင့်တွေ့ရသည်။ အမေသည် ပထမအိပ်မက်ထဲတွင် တွေ့ရသည့် မြေသယ်ခြင်းတောင်းနှင့် မဟုတ်တော့။ မောမောပန်းပန်းလည်း မဟုတ်တော့။ ဝတ်ကောင်းစားလှနှင့် ရွှင်ပျသော မျက်နှာ နှင့် ဖြစ်သည်။

သူ့သားဖြစ်သူ၏ လက်ကလေး ကိုကိုင်ကာ ကျေးဇူး တင်လိုက်တာ သားရယ်၊ အခု အမေ မြေမသယ်ရတော့ဘူး။ လွတ်လွတ်လပ်လပ် သွားလို့လာလို့ရနေပြီ သား။ ဒါကြောင့် အမေ သွားတော့မယ်နော်-ဟု ပြောဆိုကာ နှုတ်ဆက်၍ ထွက်ခွါသွားပါတော့သတည်း။

(ကာယကံရှင်၏ ခွင့်ပြုချ က်ဖြင့် တင်ပြပါသည်)

ကြည်ရွှင်အေး (ကျောင်းကုန်း)၊ (မြတ်မင်္ဂလာ ၂၀၁၀-ခု ဇူလိုင်လ)

Add a Comment

Your email address will not be published. Required fields are marked *

18 + 1 =