ဇီးကုန်းမြို့ တွင် မိုးကြိုး ပစ်ခံရမှုကြောင့် (၁၀) တန်းကျောင်းသား ၁ ဦး သေဆုံး

ဇီးကုန်းမြို့ တွင် မိုးကြိုး ပစ်ခံရမှုကြောင့် (၁၀) တန်းကျောင်းသား ၁ ဦး သေဆုံး

ပဲခူးတိုင်း ဇီးကုန်းမြို့မှာ ဇွန် ၆ ရက်နေ့ ညနေ ၃ နာရီခွဲကျော်လောက်က မိုးကြိုး ပစ်ခံရလို့ ၁၀ တန်းစာမေးပွဲ ဖြေဆိုထားတဲ့ လူငယ်တယောက် သေဆုံးခဲ့ပါတယ်။ ဇီးကုန်းမြို့နယ် ကံကလေးကျေးရွာနေ မှာနေထိုင်တဲ့ ၁၀ တန်းကျောင်းသား ကိုနိုင်လင်းထက် ဟာ လယ်ကွင်းထဲ အသွားမှာ မိုးကြိုးထိမှန်ပြီး သေဆုံး သွားတာပါ။

ဇီးကုန်းမြို့မ ရဲစခန်းမှူး ဒုရဲမှူးကျော်ကျော်က “သူတို့က ညီအစ်ကို ၂ ယောက်။ အဖေနဲ့ အတူ လယ်ထဲကို မြတ်သတ်ဆေးဖျန်းဖို့ စက်ဘီးတွေ နဲ့ ရေပုံးတွေ သွားထားကြတာ။ အပြန်မှာ အဖေက ရှေ့က စက်ဘီးနဲ့ သွားနှင့်ပြီ။ နောက်မှာ ညီအစ်ကို ၂ ယောက်က မလှမ်းမကမ်းက ပြန်လာကြတာ မိုးကလည်းရွာနေတာ အစ်ကို က နောက်က ပေ ၃၀ ကျော်လောက် မှာ၊ အဲဒီမှာ ညီဖြစ်သူ ကို မိုးကြိုးက ထိသွားတာထင်တယ်။ အခုတော့ အလောင်းကို သယ်ယူ လာခဲ့ပါပြီ။ သေမှုသေခင်းဖွင့်ရမှာ” လို့ ပြောပါတယ်၊

ဇွန် ၆ ရက်နေ့ ညနေ ၃ နာရီခွဲလောက်က ဇီးကုန်းမြို့ မှာ အချိန် ၁ နာရီကြာ မိုးသည်းထန်စွာ ရွာသွန်း ခဲ့ပြီး မိုးကြိုး ပစ်ခဲ့တာတွေ ရှိခဲ့ပါတယ်။ မြန်မာနိုင်ငံမှာ ၂၀၂၀ ပြည့်နှစ် ဇန်နဝါရီလကနေ မေလကုန်အထိ မိုးကြိုးဘေး ၃၄ ကြိမ် ဖြစ်ပွားပြီး ၃၆ ဦးသေဆုံး၊ ၈ ဦး ဒဏ်ရာ ရရှိခဲ့တယ်လို့ သိရပါတယ်။

Credit DVB

Add a Comment

Your email address will not be published. Required fields are marked *

fourteen + 2 =