ကိုရိုနာ ဗိုင်းရပ်စ် ကူးစက်မှု ပြီးဆုံးမည့် ကာလ အဝေးကြီးလိုသေး၊ စိုးရိမ်စရာ အချိန်ရောက်ရှိနေ

ကိုရိုနာဗိုင်းရပ်စ် ကူးစက်မှု ပြီးဆုံးမည့်ကာလ အဝေးကြီး လိုသေး၊ စိုးရိမ်စရာ အကောင်းဆုံးအချိန် ရောက်ရှိနေကြောင်း WHO သတိပေး…

ကိုရိုနာဗိုင်းရပ်စ်ရောဂါ ကူးစက်မှုဟာ ပြီးခဲ့တဲ့ တနင်္ဂနွေနေ့က တစ်ရက်တည်းကို အဆိုးဆုံး အဖြစ် တစ်ကမ္ဘာလုံးမှာ စံချိန်တင် အတည်ပြုလူနာ ၁၃၆,၀၀၀ ထိတွေ့ရှိခဲ့ရတာကြောင့် ကမ္ဘာ့ကျန်းမာရေးအဖွဲ့ချူပ် (WHO) က ဗိုင်းရပ်စ်ကူးစက်မှုပြီးဆုံးမဲ့ကာလဟာ အဝေးကြီးမှာရှိ နေသေးတာကြောင့် နိုင်ငံတွေအနေနဲ့ ဗိုင်းရပ်စ်ကာကွယ် တားဆီးထိန်းချုပ်ရေးကို အင်တိုက်အားတိုက်လုပ်ဖို့လိုနေကြောင်း ထပ်မံသတိသတိပေးလိုက်ပါတယ်။

” အခု ကမ္ဘာလုံးဆိုင်ရာ ကပ်ရောဂါဖြစ်ပွားတာ ၆ လကြာမြင့်ခဲ့ပါပြီ။ ဒီအချိန် ဟာ ဘယ်တိုင်းပြည်မှ ဒီဗိုင်းရပ်ကာကွယ်ထိန်းချုပ်ရေးနဲ့ ပတ်သက်ပြီး ရပ်ဆိုင်းလိုက်လို့ ရတဲ့ အချိန်မရောက်သေးပါဘူး” လို့ WHO အကြီးအကဲ Tedros Adhanom Ghebreyesus က အွန်လိုင်းက တစ်ဆင့်ပြုလုပ်တဲ့ သတင်းစာရှင်းလင်းပွဲမှာ ပြောကြား လိုက်ပါတယ်။

ပြီးခဲ့တဲ့ ဇွန်လ ၇ ရက် တနင်္ဂနွေနေ့ တစ်ရက်တည်းကို တစ်ကမ္ဘာလုံးမှာ ကိုဗစ် အတည်ပြုလူနာ ၁၃၆,၀၀၀ ထိတွေ့ရှိခဲ့ပြီး ဒါဟာ တစ်ရက်အတွင်း ပမာဏ အများဆုံး ကူးစက်သူအသစ် ရှာဖွေတွေ့ရှိမှုဖြစ်တယ်လို့ ၎င်းက ဆက်ပြောပါတယ်။ အဲ့ဒီထဲက ၇၅ ရာခိုင်နှုန်းလောက်ဟာ ၁၀ နိုင်ငံကတွေ့ရှိတဲ့ ပမာဏပဲ ဖြစ်ပြီး အများစုက အမေရိကနဲ့ တောင်အာရှက ဖြစ်တယ်လို့ ဆိုပါတယ်။

တရုတ်နိုင်ငံနဲ့ပတ်သက်ပြီး သတင်းထောက် တစ်ဦးက မေးမြန်းခဲ့ရာမှာတော့ WHO ရဲ့ အရေးပေါ်ကာလ ကျွမ်းကျင်သူ ထိပ်တန်းအရာရှိ Dr. Mike Ryan က ဗိုင်းရပ်စ် ဘယ်လိုပြန့်နှံ့လာတယ်ဆိုတဲ့ လေ့လာသုံးသပ်မှုရလဒ်တွေကို အားလုံးက စောင့်စားဖို့ ဖြစ်နိုင်ကြောင်းနဲ့ လက်ရှိအလုပ်ကတော့ ဗိုင်းရပ်စ်ဟာ ဒုတိယလှိုင်း အဖြစ် ဘယ်လိုပုံစံနဲ့ ပြန့်နှံ့လာမလဲဆိုတာတဲ့ လေ့လာသုံးသပ်ကာကွယ်ရေးကို ကျွန်တော်တို့ ပိုမိုအာရုံစိုက်ဖို့ လိုအပ်ပါတယ်” လို့ ပြန်လည်ဖြေကြားခဲ့ပါတယ်။

၎င်းက ဆက်လက်ပြောကြားရာမှာ အမေရိက အလယ်ပိုင်းမှာ ကူးစက်မှုဟာ လျင်မြန်လွန်းနေပြီး ဂွာတီမာလာလိုနိုင်ငံမျိုးမှာ ဆက်လက်မြင့်တက်နေတာကြောင့် ကူးစက်မှုဗဟိုဌာနသစ်ဖြစ်လာနေတယ်လို့ ဆိုပါတယ်။

” ဒီအချိန်ဟာ အားလုံးအတွက် စိုးရိမ်စရာအကောင်းဆုံး အချိန်ပါ” လို့ဆိုလိုက်ပြီး အစိုးရတွေအနေနဲ့ ဗိုင်းရပ်စ်ကာကွယ်ရေးလုပ်ငန်းတွေကို နိုင်ငံတကာအသိုင်းအဝိုင်းနဲ့ ပူးပေါင်းဆောင်ရွက်ဖို့နဲ့ နိုင်ငံတကာအသိုင်းအဝိုင်းကလည်း လက်ရှိဖြစ်ပွားနေတဲ့ ကူးစက်ဗဟိုဌာနသစ်တွေကို ပူးပေါင်းကူညီဖို့ ဆော်သြခဲ့ ပါတယ်။

လက်ရှိ ကမ္ဘာမှာ ကူးစက်မှုဗဟိုဌာနသစ် ဖြစ်နေတဲ့ ဘရာဇီးလ်နိုင်ငံ မှာ အဆိုးရွားဆုံး ကူးစက်မှုပုံစံနဲ့ကြုံရနေပြီး အမေရိကန်ပြီးရင် ကူးစက်ခံရသူ ဒုတိယအများဆုံးနိုင်ငံဖြစ်လာပါတယ်။ သေဆုံးမှုနှုန်းကလည်း ပြီးခဲ့တဲ့သီတင်းပတ်ကတည်းက အီတလီကို ကျော်သွားခဲ့ပြီဖြစ် ပါတယ်။

ဘရာဇီးလ် ကျန်းမာရေး ဝန်ကြီးဌာနဟာ ၎င်းတို့ဝက်ဘ်ဆိုက်မှာ အတည်ပြု ရေးသားထားတဲ့ ကူးစက်သူ နဲ့ သေဆုံးသူအရေအတွက်ကိန်းကဏန်းတွေကို အကြောင်းပြချက်မရှိပဲ ဖယ်ရှားလိုက်ပြီး ရောဂါပိုးကူးစက်မှုနဲ့ သေဆုံးသူအရေအတွက်ကို ပမာဏနည်းပြီး ပြန်လည်ထုတ်ပြန်လိုက်တာကြောင့် အချက်အလက်ကောက် ယူသူတွေအနေ နဲ့ ဒွိဟဖြစ်သွားစေ ခဲ့ပါတယ်။

crd : blacker

Add a Comment

Your email address will not be published.