ဈေးတွေမှာ ကိုဗစ်ကို လုံးဝဂရုမစိုက်သလို တိုးနေကြတာမို့ အစုလိုက် အပြုံလိုက် ကူးစက်လာ မှာ ကို အတိုင်ပင်ခံ စိုးရိမ်

ဈေးတွေမှာ ကိုဗစ်ကို လုံးဝဂရုမစိုက်သလို တိုးနေကြတာမို့ အစုလိုက် အပြုံလိုက် ကူးစက်လာ မှာ ကို အတိုင်ပင်ခံ စိုးရိမ်

ဈေးတွေ မှာ ခပ် ခွာခွာနေ ထိုင်ခြင်း (Social Distancing) စနစ် ကို လုံးဝ ဂရုမစိုက် သလို တိုးနေကြ တာက ရောဂါပျံ့နှံ့ဖို့ ကို အားပေးနေရာ ရောက်တယ်လို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က ဒီနေ့ဇွန်လ ၈ ရက် မှာ လူမှုကွန်ရက် စာမျက်နှာ က တဆင့် ပြော လိုက် ပါတယ် ။

ကိုဗစ် ကာကွယ်ရေး လုပ်ငန်း မှာ ကျန်းမာရေးဝန်ကြီးနဲ့ကျန်းမာရေးဝန်ထမ်းတွေ စိတ်ပူနေရတဲ့ အလို အပ်ဆုံး နဲ့ လုပ်ရအခက်ခဲဆုံး ကိစ္စဟာ Social Distancing စနစ်နဲ့ နေထိုင်ဖို့ ညွန်ကြားရခြင်းဖြစ် တယ် လို့ အတိုင်ပင်ခံ က ဆိုပါတယ်။

“ အချို့က social distancing အစား ‘ခန္ဓာကိုယ် အရ ခွာခွာနေခြင်း’ လို့အဓိပ္ပါယ်သက်ရောက် တဲ့ physical distancing ဆိုတဲ့အသုံးအနှုန်း ကပိုပြီးသင့်တော်တယ်လို့ယူဆပါတယ် ။ ဘယ်အသုံးအနှုန်းကို ပဲရွေးရွေး၊ လုပ်ရတာကတော့ သိပ်မလွယ်တဲ့ ကိစ္စပါ။ တစ်သက်တာအလေ့အကျင့်အရ လူသားများအကြား အထိအတွေ့ကတော့ရှိနေတတ် တာပါပဲ။ ဒါဟာကျွန်မ တို့ကျန်းမာရေး ကိုတာဝန် ယူရတဲ့ဝန်ကြီးဌာနအတွက်စိုးရိမ်စရာဖြစ်ပါတယ်။ အထူးသဖြင့် ဈေးတွေမှာ social/physical distancing ကိုလားလား မှဂရုမစိုက်သလိုတိုးနေကြတာကရောဂါပျံ့ဖို့အားပေးနေသလိုပါပဲ။ကျွန်မတို့ကို အင်မတန်ဂ ရုစိုက်တဲ့ကျန်းမာရေးဝန်ကြီးစိတ်သက်သာစေဖို့ ကြိုးစားပြီးညွှန်ကြားချက်များနဲ့အညီ ခွာခွာနေကြပါ။ ဈေးရောင်း၊ဈေးသွားသူများ အထူးဂရုစိုက်စေချင်ပါတယ်။ Maskတပ်ဖို့၊ လက်ဆေးဖို့လည်းမမေ့ပါနဲ့။” လို့ ဒေါ်အောင်ဆန်းစုကြည်က ပြောခဲ့ပါတယ်။

ဒါ့အပြင် လောလောဆယ် မှာ ကျန်းမာရေးနှင့် အားကစားဝန်ကြီးဌာနက ထုတ်ပြန်ထားတဲ့ ဆောင်ရန်၊ ရှောင်ရန်အချက်တွေကို မလိုက်နာသူများ ရှိနေပြီး ရောဂါပျိုးချိန်ကာလအတွင်း လက္ခဏာမပြသေး သူတွေ၊ ရောဂါမဖြစ်သေးသူတွေ ရှိနေနိုင်တာကြောင့် တစ်ချိန်တည်းတစ်ပြိုင်တည်းမှာ ကူးစက်ပြန့်ပွားမှုတွေ အများအပြားဖြစ်ပေါ်နိုင်တယ်လို့ ကျန်းမာရေး နှင့် အားကစားဝန်ကြီး ဒေါက်တာမြင့်ထွေးက သတိပေးပြောခဲ့ ပါတယ်။

ပြည်သူတွေ သတိပြုရမယ့်အချက်မှာ ရောဂါဖြစ်ပွားသူတွေ နေရာအနှံ့အပြားက အစုလိုက်အပြုံလိုက် တစ်ပြိုင်နက် နီးပါး ပေါ်လာနိုင်တာကြောင့် ဒီလိုဖြစ်လာခဲ့ရင် ရောဂါထိန်းချုပ်ဖို့ခက်ခဲလာပြီး မနိုင်မနင်းဖြစ်လာ မယ်လို့ ဒေါက်တာမြင့်ထွေးက ဇွန်လ ၇ ရက်နေ့က ပြောကြားခဲ့ တာပါ ။

COVID-19 ရောဂါပျိုးချိန်ရဲ့ နှစ်ဆကာလဖြစ်တဲ့ ၂၈ ရက်အတွင်း ရောဂါ ဖြစ်ပွားသူ ထပ်မတွေ့တော့ မှ ကူးစက်ဖြစ်ပွားခြင်း မရှိတော့ဘူး လို့ ယူဆနိုင်ကြောင်း၊ ဒီလို အခြေအနေရောက်ရှိသွားရင်လည်း ထိန်းချုပ်မှုလုပ်ငန်းတွေကို ချက်ချင်းလွှတ်လို့မရနိုင်ကြောင်း၊ တဖြည်းဖြည်းချင်း လျှော့ချရမှာဖြစ်ကြောင်း ဝန်ကြီး ဒေါက်တာမြင့်ထွေးက ဆိုပါတယ်။

ဒါကြောင့်ပြည်သူတွေ နဲ့ အသွားအလာကန့်သတ်စောင့်ကြည့်ခံရသူတွေဟာ ကျန်းမာရေး အသိပညာပေးနှိုးဆော်ချက်တွေ နဲ့ လမ်းညွှန်ချက်တွေကို ဆက်လက်လိုက်နာကြဖို့နဲ့ လုံးဝလုံးဝမမပေ့ါဆကြဖို့ ထပ်မံတိုက်တွန်းလိုကြောင်း ဒေါက်တာမြင့်ထွေးက ပြောကြား ခဲ့ပါတယ်။

လတ်တလော မြန်မာနိုင်ငံမှာ မှာ မေလဒုတိယပတ်လောက်ကနေ လက်ရှိ ဇွန်လဆန်း အထိ ပြည်ပက ပြန်လာသူတွေ မှာပဲ ရောဂါပိုးတွေ့ရှိမှုနှုန်းတွေ ဆက်တိုက်မြင့်တက်နေပြီး အခုချိန်မှာ ကူးစက်ဖြစ်ပွားမှုကို အတိုင်းအတာတစ်ခုအထိတော့ ထိန်းချုပ်ထားနိုင်တယ် လို့လည်း ကျန်းမာရေးနှင့် အားကစား ဝန်ကြီးဌာနက ကြေညာထား ပါတယ်။

Add a Comment

Your email address will not be published. Required fields are marked *

19 − 8 =