ရန်ကုန်မြို့က အိမ်မွေး တိရိစ္ဆာန်များ ခန္ဓာကိုယ် ထဲ Microchips ထည့်ပြီး မှတ်ပုံ တင်ရမည်…

ရန်ကုန်မြို့က အိမ်မွေး တိရိစ္ဆာန်များ ခန္ဓာကိုယ် ထဲ Microchips ထည့်ပြီး မှတ်ပုံ တင်ရမည်…

အိမ်မွေး တိရစ္ဆာန် (ခွေးနဲ့ ကြောင်) တွေကို အခုနှစ် ၂၀၂၀ ကစပြီး ခန္ဓာကိုယ် ထဲ Microchips ထည့်ပြီး မှတ်ပုံတင် ပေးတော့မယ်လို့ ရန်ကုန်စည်ပင်သာယာရေးကော်မတီ၊ တိရစ္ဆာန်ဆေးကုနဲ့ အသားထုတ်လုပ်ရုံများဋ္ဌာနက သိရပါတယ်။

“အခုနှစ်မှ စလုပ်တဲ့ လုပ်ငန်းစဉ်ပါ။ အဲဒီဟာက ခရိုင်ရုံးတွေမှာ ကိုယ်ထည့်ချင်တဲ့ ခွေးကို ခေါ်သွား လို့လည်း ရတယ်။ တချို့ဟာတွေကျတော့လည်း ရပ်ကွက်က ခွေးတွေစုစည်းထားပါတယ်။ လာပြီးလုပ်ပေးပါဆိုရင် သွားလုပ်ပေးမယ်။ လောလောဆယ်တော့ ကိုဗစ်ကြောင့် ဒီရက်ပိုင်းမှာတော့ နည်းမှာပေါ့နော်။” လို့ တိရစ္ဆာန်ဆေးကု နဲ့ အသားထုတ်လုပ်ရုံများဋ္ဌာနမှူး ဦးမင်းအောင်က ပြောပါတယ်။

အဲဒီ Microchips ကို တိရိစ္ဆာန်ရဲ့ အကြောနဲ့ အသားထဲကိုထည့်မှာ ဖြစ်ပြီးတော့ မှတ်ပုံတင်ထား တာရှိ၊ မရှိကိုပဲ မှတ်တမ်းတင်ပေးမယ့် စနစ်ဖြစ်တယ်လို့ သိရပါတယ်။

“အထက်ကတော့ မနေ့ကညွှန်ကြားထားတယ်။ ဒါကိုလုပ်ဖို့။ ကျွန်တော် တို့ကတော့ ဇွန်လ (၁၂)ရက်နေ့ ကြရင် လျှောက်လွှာတွေကို ကြိုပြင်ဆင်ထားတယ်။” လို့ ဗဟန်းမြို့နယ်စည်ပင်သာယာရေးကော် မတီဥက္ကဋ္ဌ ဦးဝင်းဗိုလ်က ပြောပါတယ်။

ဒါကြောင့် မွေးထားတဲ့ ခွေး၊ ကြောင်တွေကို မှတ်ပုံတင်ဖို့ မွေးမြူခွင့် လျှောက်လွှာတွေ ကို မြို့နယ်စည်ပင်သာယာရေးကော်မတီရုံး၊ ရပ်ကွက်အုပ်ချုပ်ရေးမှူးရုံးတွေမှာ ထုတ်ယူနိုင်တယ်လို့ သိရပါတယ်။

လျှောက်ထားမယ့်သူတွေအနေနဲ့ ခွေး/ကြောင်တွေရဲ့ (၄”×၆”) ဆိုဒ်ဓာတ်ပုံ ရှေ့က ရိုက်တဲ့ ပုံ (၁)ပုံ၊ (၄”× ၆”) ဆိုဒ်ဓာတ်ပုံ ဘေးတိုက်ရိုက်တဲ့ (၁)ပုံ၊ ကာကွယ်ဆေးထိုးမှတ်တမ်းမူရင်းနဲ့ မိတ္တူတို့လိုအပ်တယ်လို့ သိရပါတယ်။

crd : blacker

Add a Comment

Your email address will not be published. Required fields are marked *

four × 4 =