ထန်း ကုလားထိုင်လေး တလုံးပဲ တောင်းဆိုခဲ့တဲ့ မကွေးတိုင်း ဝန်ကြီးချုပ် ဒေါက်တာအောင်မိုးညို

ထန်း ကုလားထိုင်လေး တလုံးပဲ တောင်းဆိုခဲ့တဲ့ မကွေးတိုင်း ဝန်ကြီးချုပ် ဒေါက်တာအောင်မိုးညို

ထန်းပက်လက် ကုလားထိုင် မှာ ချိတ်ထား တဲ့ ဝန်ကြီးချုပ် ရဲ့ လက်နက်ကတော့ တိုက်ချင်းပစ် ဒုံးကျည် လိုပဲ… ပါဝါပြင်းတယ်… ။

ဘယ်လိုပဲ ဖြစ်ဖြစ် “”တကယ့် အညာသား စစ်စစ် လူရိုးကြီးကို ဝန်ကြီးချုပ် ရထားတာ မကွေးတိုင်းသားတွေ ရဲ့ ကုသိုလ်ပါ။…”” တဲ့

ဒေါ်အောင်ဆန်းစုကြည် ပြောတဲ့ ဒေါက်တာအောင်မိုးညို အပြင် မှာ ကြည့်ကောင်းတယ် ဆိုတာ တကယ်ပါ။ တဖက်သား အပေါ် မလိုမုန်းထား ကောက်ကျစ် ယုတ်မာတဲ့ စိတ်ထား မရှိတဲ့အတွက် သူ့မျက်နှာက ကြည်နေတယ်။ အရမ်းရိုးပြီး လူတိုင်းကို ဆရာ ဆရာနဲ့ခေါ် ရာထူးနဲ့ မလိုက်အောင် နှိမ့်ချလွန်း လို့ သူ့ကို အံ့ဩရတယ်။

အနေအထိုင် ရိုးရှင်း တယ် … တာဝန်ထမ်းရင်း နေရတဲ့ အိမ်မှာ သူတောင်းဆိုလို့ စိတ်တိုင်းကျ စီစဉ်ပေးရတာ ထန်းကုလားထိုင်လေး တခုံပါပဲ။ ကျန်တာ အရင်လူတွေ ထားခဲ့သမျှ။ ဒီထန်းကုလားထိုင်လေးပေါ်က မကွေးတိုင်းကို မောင်းနှင်နေခဲ့တာ တော်တော် ခရီး ရောက်ပါတယ်။ ပကာ သနမရှိ ဂုဏ်တွေဟန်တွေမမက် … နိုင်ငံရေးနဲ့ တာဝန်ကလွဲလို့ တခြား အာရုံ သိပ်မရှိတတ်တာ သူ့ပင်ကိုယ်ပါပဲ။

အလုပ်များတဲ့ အချိန် စကားသွား ပြောရင် တခါတခါ နှစ်ခါပြန်ပြော ရလောက်အောင် တာဝန်ထဲ စိတ်နှစ်ထားတာ။ အလုပ် တအားလုပ်တယ်။ ညဖက် ၁၂ နာရီလောက် ဆို တရေးပြန်ထပြီး စားပွဲထိုင် အလုပ်လုပ် နေတတ်တာ ညတိုင်းလိုပါပဲ။

လိုတာပဲပြောတတ်တယ် … မလိုရင် အိမ်ထဲက စင်္ကြန်လမ်း မှာ မျက်နှာချင်းဆိုင် ဆုံတာတောင် မော့မကြည့်ဘူး။ ကမ္ဘာကျော် Brand တွေ နာမည် တံဆိပ်ရော ဈေးရော မသိဘူး။ တခါက ရန်ကုန် မှာ ဈေးဝင်ဝယ်ရင်း Arrow အင်္ကျီတထည် သူကြိုက်ပြီး ကောင်တာ ကို ယူသွားတာ ငွေကိုင်ကလေးမက ကိုးသောင်းပါ ဆိုမှ ဟ… အဲ့လောက် ဈေးကြီး တာလားဟ ငါ့မှာ သုံးသောင်းပဲ ပါတယ် ဆိုပြီး ပြန်ထားခဲ့ရတာ။

တကယ့် အညာသား စစ်စစ် လူရိုးကြီးကို ဝန်ကြီးချုပ် ရထားတာ မကွေးတိုင်းသားတွေရဲ့ ကုသိုလ်ပါ။ အားနည်းချက်ဆိုလို့ မန်ယူဖန် ဖြစ်နေတာ တချက်ပဲ ပြောစရာရှိတာပါ။

Kyaw Aung

Add a Comment

Your email address will not be published. Required fields are marked *

five × two =