ကိုဗစ်-၁၉ ကင်းစင် သွားပြီ ဖြစ်တဲ့ နိုင်ငံ (၉) နိုင်ငံ

ကိုဗစ်-၁၉ ကင်းစင် သွားပြီ ဖြစ်တဲ့ နိုင်ငံ (၉) နိုင်ငံ

ဂျွန်ဟော့ကင်း တက္ကသိုလ် ဝဘ်ဆိုဒ် ရဲ့ စာရင်းအရ လက်ရှိ အချိန် အထိ ကမ္ဘာပေါ်မှာ ကိုဗစ်နိုင်တင်း ကူးစက်ခံထားရသူပေါင်း ၇သန်းကျော်(၇၂၅၇၅၁၉ဦး) ရှိသွားပြီဖြစ်ကာ သေဆုံးသူပေါင်းကလည်း ၄၁၁၆၈၁ ဦးအထိရှိနေပြီဖြစ်ပါတယ်။ တကမ္ဘာလုံးမှာ ပြန်လည် ကျန်းမာလာသူပေါင်းကတော့ ၃.၄ သန်းနီးပါး(၃၃၈၇၈၉၁ဦး) ရှိနေပြီဖြစ် ပါတယ်။

အခုအချိန်ထိ ဆိုရင် ၆လကျော် ကြာမြင့် ခဲ့ပြီးဖြစ်ပေမယ့် ဗိုင်းရပ်စ် ကူးစက်မှုက လျှော့ကျမလာပဲ နိုင်ငံအချို့မှာ ပြင်းပြင်းထန်ထန် ကူးစက်လျက်ရှိနေဆဲဖြစ်ပါတယ်။ ကူးစက်ခံရသူအများဆုံးကတော့ အမေရိကန်ဖြစ်ပြီး အမေရိကန်မှာ ကိုဗစ်နိုင်တင်းကူးစက်ခံထားရသူပေါင်း ၂ သန်းနီးပါး ရှိနေပြီဖြစ်ပါတယ်။ အမေရိကန်ရဲ့ နောက်မှာတော့ ဘရာဇီးက ကူးစက်ခံရသူ ၇၃၉၅၀၃ ဦး ၊ ရုရှားက ၄၉၃၀၂၃ဦး ၊ ယူကေ က ၂၉၀၅၈၁ဦး ၊ အိန္ဒိယက ၂၇၆၅၈၃ ဦးနဲ့ ကူးစက်မှုအများဆုံးနိုင်ငံတွေ ဖြစ်နေပါတယ်။

ကျွန်တော်တို့ မြန်မာနိုင်ငံကိုတော့ ကိုဗစ်နိုင်တင်းဟာ မတ်လ ၂၃ ရက်နေ့မှာ စတင်ရောက်ရှိခဲ့ပြီး အခုဇွန်လ ၁၀ ရက်နေ့အထိဆိုရင် ကူးစက်ခံရသူပေါင်း ၂၄၆ ဦး ၊ သေဆုံးသူ ၆ဦး အထိရှိခဲ့ပါတယ်။ ဝမ်းသာစရာကောင်းတာကတော့ ပိုးတွေ့လူနာတွေထဲက တဝက်ကျော် ၁၅၉ဦးဟာ ရောဂါပျောက်ကင်း သက်သာခဲ့ပြီဖြစ်သလို အခုနောက်ပိုင်းရက်တွေ ရဲ့ ဓာတ်ခွဲခန်း အဖြေတွေမှာလည်း လူနာသစ်မတွေ့ရှိတဲ့နေ့တွေ ရှိလာတာပါ။ ဒီဗိုင်းရပ်စ်ဟာ ကမ္ဘာတလွှားကို ပျံ့နှံ့ခဲ့ပြီးဖြစ်ပေမယ့် တချို့နိုင်ငံတွေကတော့ ကူးစက်မှုကိုရပ်တန့်နိုင်ခဲ့သလို ကူးစက်ခံရသူအားလုံးကလည်း ပျောက်ကင်း သွားပြီဖြစ်တာကြောင့် ဗိုင်းရပ်စ် ကင်းစင်သွားတဲ့ နိုင်ငံတွေဖြစ်လာခဲ့ပါတယ်။ ဒီနိုင်ငံတွေကတော့

၉။ ဗာတီကန်စီးတီး

ဗိုင်းရပ်စ်ကူးစက်ခံရမှု အပြင်းထန်ဆုံး နိုင်ငံဖြစ်ခဲ့တဲ့ အီတလီနိုင်ငံထဲ မှာရှိတဲ့ ဗာတီကန်နိုင်ငံဟာလည်း ဒီစာရင်းမှာ ပါဝင်လာပါတယ်။ လူဦးရေ ၁၀၀၀ မပြည့်တဲ့နိုင်ငံဖြစ်တဲ့အပြင် မတ်လ ၁၀ ရက်နေ့ကတည်းက စလို့ အီတလီနိုင်ငံ နဲ့ အဝင်အထွက်ပိတ်ပင်တားမြစ် လိုက်တာကြောင့် ကူးစက်သူပေါင်း ၁၂ ဦးပဲ ရှိခဲ့ကာ သေဆုံးသူမရှိခဲ့ပါဘူး။ ဇွန်လ ၆ ရက်နေ့ ဆေးစစ်မှုအရ ကူးစက်ခံလူနာအားလုံးမှာ အဖြေ Negatvie ထွက်ခဲ့ပြီဖြစ်ပါတယ်။

၈။ ဖီဂျီ

ပစိဖိတ်ကျွန်းနိုင်ငံဖြစ်တဲ့ ဖီဂျီကတော့ ဇွန်လ ပထမအပတ်မှာ ကတည်းက ဗိုင်းရပ်စ်ကင်းစင်သွားပြီ လို့ ကြေငြာခဲ့တာဖြစ်ပါတယ်။ ကူးစက်ခံရသူ ၁၈ဦးစလုံး ရောဂါပျောက်ကင်းကာ ဆေးရုံဆင်းသွားကြပြီ ဖြစ်ပါတယ်။ ဝန်ကြီးချုပ်ဖြစ်သူ Frank Bainimarama က သူ့ရဲ့တွစ်တာလူမှုကွန်ယက်စာမျက်နှာမှာ ကျွန်တော် တို့ နေ့စဉ် အရေအတွက် တိုးစစ်ခဲ့ပေမယ့် ဒီနေ့အထိဆိုရင် ပိုးတွေ့တဲ့လူနာကို မတွေ့ရှိတာ ၄၅ရက်တောင် ရှိပါပြီ။ ကူးစက်ခံရသူအားလုံးဟာလည်း သေဆုံးမှုမရှိပဲ ပြန်လည်ကျန်းမာသွားခဲ့ပြီ လို့ ရေးသားခဲ့ပါတယ်။ ဖီဂျီဟာ ဧပြီလက စလို့ လော့ဒေါင်းချခဲ့တာ ဖြစ် ပါတယ်။

၇။ မွန်တီနီဂရိုး

ဥရောပ အရှေ့တောင်ပိုင်းက မွန်တီနီဂရိုးနိုင်ငံမှာတော့ ပထမဆုံး ကိုရိုနာ ဗိုင်းရပ်စ်ကူးစက်ခံရသူကို ၂၀၂၀ ခုနှစ် မတ်လ ၁၇ ရက်နေ့မှာ စတင်တွေ့ရှိခဲ့တာဖြစ်ပါတယ်။ မေလ ၄ ရက်နေ့အထိ ဆိုရင် ကူးစက်ခံရသူပေါင်း ၃၂၄ဦးရှိခဲ့ကာ သေဆုံးသူပေါင်းကတော့ ၉ဦး ရှိခဲ့ပါတယ်။ ပထမဆုံး ပိုးတွေ့မှုဖြစ်ပြီး ၆၈ရက်အကြာ မေလ ၂၄ ရက်နေ့ မှာတော့ ဗိုင်းရပ်စ်ကူးစက်ခံထားရသူအားလုံး ပြန်လည်ကျန်းမာလာခဲ့ပြီဖြစ်ကာ ဥရောပရဲ့ ပထမဆုံး ကိုဗစ်နိုင်တင်းကင်းစင်တဲ့ နိုင်ငံ ဖြစ်လာခဲ့ပါတယ်။

၆ ။ ဆေရှဲ

အိန္ဒိယသမုဒ္ဒရာထဲက ကျွန်းနိုင်ငံ တနိုင်ငံဖြစ်တဲ့ ဆေရှဲမှာတော့ မတ်လ ၈ ရက်နေ့မှာ ပထမဆုံး ဗိုင်းရပ်စ်ကူးစက်ခံရသူကို စတင်တွေ့ရှိခဲ့ပါတယ်။ အီတလီကနေ ကူးစက်ခဲ့တာဖြစ်ပြီး ဧပြီလ ၆ ရက်နေ့အထိ ဆိုရင် ကိုဗစ်နိုင်တင်းကူးစက်ခံရသူပေါင်း ၁၁ဦး အထိရှိခဲ့ပါတယ်။ ၁ ဦးမှ သေဆုံးခြင်းမရှိပဲ အားလုံး ပြန်လည်ကျန်းမာလာပြီးတဲ့နောက် မေလ ၁၈ရက်နေ့မှာတော့ ဗိုင်းရပ်စ်ကင်းစင်တဲ့ နိုင်ငံအဖြစ် ကြေငြာခဲ့ပါတယ်။

၅။ ထရီနီဒတ် နဲ့ တိုဘာဂို

ကာရစ်ဘီယံပင်လယ်ရဲ့ တောင်ဘက်အကျဆုံးဖြစ်တဲ့ ဒီကျွန်းနိုင်ငံ ကိုတော့ ကိုရိုနာဗိုင်းရပ်စ်ဟာ မတ်လ ၁၂ရက်နေ့မှာ စတင်ရောက်ရှိခဲ့ပါတယ်။ ဆွစ်ဇာလန်ကနေ ပြန်လာတဲ့ အသက် ၅၂နှစ်အရွယ် လူတဦးဆီကနေ စစ်ဆေးတွေ့ရှိခဲ့တာဖြစ်ပါတယ်။ မေလ ၁၅ ရက်နေ့အထိဆိုရင် ကူးစက်ခံ ရသူပေါင်း ၁၁၆ ဦးအထိ တွေ့ရှိခဲ့ပြီး ၈ ဦးကတော့ သေဆုံးခဲ့ပါတယ်။ ထပ်တိုးတွေ့ရှိမှုမရှိတဲ့အပြင် ကူးစက်ထားရသူ ၁၀၈ဦး စလုံး ရောဂါပျောက်ကင်းသွားပြီးတဲ့နောက် Active Case မရှိတော့ပဲ ဗိုင်းရပ်စ်ကင်းစင်တဲ့နိုင်ငံ ဖြစ်လာခဲ့ပါတယ်။

၎။ အီထရီးယား

အီထရီးယားကတော့ အာဖရိကအရှေ့ပိုင်းနိုင်ငံ ဖြစ်ပြီး ဆူဒန် ၊ အီသီယိုးပီးယားတို့ နဲ့ နယ်နိမိတ်ချင်းထိစပ်နေတဲ့ နိုင်ငံဖြစ်ပါတယ်။ လူဦးရေ ၆သန်းခန့်သာ နေထိုင်တဲ့ နိုင်ငံလေးဖြစ်ပါတယ်။ ဒီနိုင်ငံကိုတော့ ကိုဗစ်နိုင်တင်းဟာ မတ်လ ၂၁ ရက်နေ့မှာ စရောက်ခဲ့ပါတယ်။ နော်ဝေကိုသွားခဲ့တဲ့ နိုင်ငံသားတဦးဆီကနေ စစ်ဆေးတွေ့ရှိခဲ့ တာပါ။ ဧပြီလ ၂ရက်နေ့ကနေစလို့ နယ်မြေတွေကိုလော့ဒေါင်းချပစ်ခဲ့ပြီး ဧပြီလ ၉ ရက်နေ့အထိ ဗိုင်းရပ်စ်ကူးစက်ခံရသူ စုစုပေါင်း ၃၉ဦးအထိ စစ်ဆေးတွေ့ရှိခဲ့ပါတယ်။ ၃၉ဦးမြောက်လူနာ ရောဂါပျောက်ကင်းပြီး ဆေးရုံက ဆင်းသွားပြီး တဲ့နောက် မေလ ၁၅ ရက်နေ့မှတော့ ကူးစက်ခံထားရသူ မရှိတော့တဲ့ နိုင်ငံ ဖြစ်လာခဲ့ပါတယ်။

၃။ အရှေ့တီမော

အရှေ့တောင်အာရှက ကျွန်းနိုင်ငံဖြစ်တဲ့ အရှေ့တီမော ကိုတော့ မတ်လ ၂၁ရက်နေ့မှာ ပထမဆုံးကိုဗစ်ကူးစက်ခံထားရသူကို စတင်တွေ့ရှိခဲ့ပါတယ်။ ကူးစက်ခံရသူ မတွေ့မီကတည်းက ပိတ်ပင်မှုတွေပြုလုပ်ခဲ့ပြီး မတ်လ ၁၉ ရက်နေ့မှာ အင်ဒိုနီးရှားနဲ့ နယ်စပ်ကိုပါ ပိတ်ခဲ့ပါတယ်။ အရှေ့တီမောမှာ ဧပြီလ ၂၄ ရက်နေ့ အထိ ဗိုင်းရပ်စ်ကူးစက်ခံရသူ စုစုပေါင်း ၂၄ဦးအထိ တွေ့ရှိခဲ့ပါတယ်။ ဧပြီလ ၂၅ ရက်နေ့ကတည်းက ထပ်တိုး တွေ့ရှိမှုမရှိတော့တဲ့အပြင် မေလ ၁၅ ရက်နေ့မှာတော့ ဗိုင်းရပ်စ်ကူးစက်ခံထားရသူအားလုံး သက်သာပျောက်ကင်းသွားပြီ ဖြစ်တာကြောင့် ဗိုင်းရပ်စ် ကင်းစင်တဲ့ နိုင်ငံ ဖြစ်လာပါတယ်။

၂။ လာအို

အရှေ့တောင်အာရှက ကျွန်တော်တို့ မြန်မာနိုင်ငံရဲ့ အိမ်နီးချင်း လာအိုနိုင်ငံကိုတော့ ကိုဗစ်နိုင်တင်းဟာ မတ်လ ၂၄ ရက်နေ့က စတင်ရောက်ရှိခဲ့တာဖြစ်ပါတယ်။ အရှေ့တောင်အာရှနိုင်ငံတွေထဲမှာ နောက်ဆုံးမှ ဗိုင်းရပ်စ်ရောက်ရှိခဲ့တဲ့ နိုင်ငံလည်းဖြစ်ပါတယ်။ လာအိုဟာ ဗိုင်းရပ်စ်ကူးစက်ခံရသူ စတင်မတွေ့ရှိမီ မတ်လ ၁၃ ရက်နေ့ ကတည်းက နယ်စပ်သွားလာမှုတွေကို ပိတ်ပင်ခဲ့တာဖြစ်ပါတယ်။ ဧပြီလ ၁၂ ရက်နေ့အထိ ဗိုင်းရပ်စ်ကူးစက်ခံထားရသူ စုစုပေါင်း ၁၉ ဦးကို တွေ့ရှိခဲ့ပါတယ်။ ဇွန်လ ၉ ရက်နေ့မှာတော့ နောက်ဆုံးလူနာဟာ ဆေးရုံက ဆင်းသွားပြီဖြစ်တဲ့အတွက် လာအိုနိုင်ငံဟာလည်း ဗိုင်းရပ်စ် ကင်းစင်တဲ့ နိုင်ငံစာရင်းထဲ ပါဝင်သွားခဲ့တာဖြစ်ပါတယ်။

၁။ နယူးဇီလန်

ဇွန်လ ၈ရက်နေ့မှာတော့ နယူးဇီလန်ဟာ နိုင်ငံရဲ့နောက်ဆုံး ကိုဗစ်နိုင်တင်းလူနာ ဆေးရုံက ဆင်းလာပြီးတဲ့နောက် အတားအဆီးတွေကို ပြန်လည်ဖွင့်လှစ်ပေးခဲ့ပါတယ်။ ကျန်းမာရေးဝန်ကြီးဌာနကလည်း လက်ရှိကူးစက်ခံထားရသူ တစ်ဦးမှ မရှိတော့လို့ ကြေငြာခဲ့ပါတယ်။ နယူးဇီလန်မှာ စုစုပေါင်း ဗိုင်းရပ်စ်ကူးစက်ခံရသူ ၁၅၀၀ ခန့်ရှိ ခဲ့ပြီး ၂၂ဦးကတော့ သေဆုံးခဲ့ပါတယ်။

မရှိမဖြစ်ဆိုင်တွေကလွဲလို့ စီးပွားရေးလုပ်ငန်း အားလုံးနီးပါးကို ၇ပတ်ကြာ ပိတ်ချခဲ့တာဖြစ်ပြီး ဇွန်လ ၉ရက်နေ့မှာ နိုင်ငံတွင်း ပိတ်ပင်မှုအားလုံးကို ဖယ်ရှားပေးလိုက်ပြီဖြစ်ပါတယ်။ ဒါပေမယ့် နယ်စပ်ဖြတ်ကျော်သွားလာမှုတွေကိုတော့ တားဆီးပိတ်ပင်ထားဆဲ ဖြစ်ပါတယ်။

အပေါ်မှာ ဖော်ပြထားတဲ့ နိုင်ငံတွေအပြင် အခြားနိုင်ငံနဲ့ နယ်မြေတွေ ဖြစ်တဲ့ ပါပူအာနယူးဂီနီ ၊ ဖာရိုးကျွန်းစု ၊ အစ်ဆဲအော့ဖ်မန်း ၊ အာရူဘား ၊ ဖရန့်ပိုလီနီးရှား ၊ မကာအို ၊ စိန့်ကစ် နဲ့ နီးဗစ် ၊ ဖောက်ကလန်ကျွန်းစု ၊ ဂရင်းလန် ၊ မွန်ဆဲရတ် ၊ ဗြိတိန်ဗာဂျင်ကျွန်းစု ၊ ကာရစ်ဘီယံနယ်သာလန် ၊ စိန့်ဘာသ့် ၊ အန်ဂွဲလာ နဲ့ စိန့်ပီယာ မစ်ကလွန် စတာတွေမှာလည်း ကိုဗစ်နိုင်တင်း Active Case မရှိတော့ပါဘူး။

ဗိုင်းရပ်စ်ကင်းစင်သွားတဲ့ နိုင်ငံတွေအားလုံးဟာ လူဦးရေနည်းပါးတဲ့ နိုင်ငံတွေ ၊ ကျွန်းစုနိုင်ငံတွေ ဖြစ်တဲ့အတွက် ကန့်သတ်ပိတ်ပင်ဖို့ရာ လွယ်ကူတဲ့အတွက် ကိုရိုနာဗိုင်းရပ်စ်ကို ထပ်မံမပြန့်ပွားဖို့ တားဆီးနိုင်ခဲ့ကြတာဖြစ်ပါတယ်။ လူဦးရေများတဲ့ နိုင်ငံကြီးတွေမှာတော့ ပိတ်ပင်မှုတွေပြုလုပ်ဖို့ရာ မလွယ်ကူတဲ့အပြင် တခြားနိုင်ငံကနေ ဝင်လာသူတွေ လည်း ရှိနေဆဲဖြစ်တာကြောင့် တနေ့တခြား ကူးစက်မှုတွေ ထပ်တိုး နေရဆဲဖြစ်ပါတယ်။

crd : panpyoelat