ပန်းတိုင် မရောက်ခင် တက်မ ထောင်ချင် တဲ့ မြန်မာတွေ နဲ့ ကြုံရတော့မယ့် ကိုဗစ်တတိယလှိုင်း

ပန်းတိုင် မရောက်ခင် တက်မ ထောင်ချင် တဲ့ မြန်မာတွေ နဲ့ ကြုံရတော့မယ့် ကိုဗစ်တတိယလှိုင်း

ကိုဗစ် မြန်မာနိုင်ငံရောက်တာ အတော်ကြာ လာတော့ လူတွေလည်း သွေးအေးလာကြပါပြီ.. Mask မတပ်ကြတော့ လက်မှန်မှန်မဆေးကြတော့ပါ.. social distance ခပ်ခွာခွာနေဖို့ မေ့နေကြပါပြီ။

ကိုဗစ်ဟာ လှိုင်း (၃) လှိုင်း နဲ့ လာတာပါ.. ပထမလှိုင်း မှာ လူနာ စတွေ့တယ်.. stay home ခိုင်းတယ်.. လူတွေသိပ်ကြောက်ကြတယ်။ လက်တွေဆေး mask တွေတပ် အိမ်တွေပိတ်ထား အလုပ်တွေပိတ်။ သိပ်မကြာခင်ပဲ အလုပ်ကနား အိမ်မှာ စာဖတ် TV ကြည့် အွန်လိုင်း က စားစရာ မှာစား ဟန်းနီးမွန်းလို stayhome ရတာ ကို ပျော်မွေ့လာကြတယ်။

ဘယ်လောက်ကြာ မှာလည်း ဘာတွေဖြစ်လာမှာလည်းမတွေးတော့ဘူး သွေးအေး သွားကြတယ်။ လက်ဖက်ရည်ဆိုင် ခိုးထိုင်ကြတယ်.. လမ်းပေါ်ထွက်ချိန်ကလွှဲလို့ mask ချွတ်လာကြတယ်။ ကိုယ်တွေ mask တပ် လက်ဆေးပြီး ဆိုင်ပါဆယ်လာဝယ်ရင်တောင် လူထူးလူဆန်းလိုကြည့် လာတယ်။ ပထမလှိုင်းကို ထိန်းချုပ်နိုင်ပြီး ပြည်တွင်းကူးစက်လူနာ မတွေ့ရသလောက်ဖြစ်လာချိန်မှာ လမ်းပေါ် လူတော်တော်စည်နေပါပြီ…

အိုကေ ဒုတိယလှိုင်း ပြည်တော် ပြန်တွေ ပြန်လာတယ်.. အစိုးရက အတွေ့အကြုံရပြီဆိုတော့ Plan ကတော်တော် စနစ်ကျသွားပြီ။ ကူးစက်မှု့ မရှိ ပိုးတွေ့သူများပေမဲ့ Q ထားသူတွေပဲမို့ ပြည်သူ အားလုံးက ငါတို့ နိုင်ငံ control ရပြီလို့ တထစ်ချတွေးသူတွေ များလာပြီ။

အခု တတိယလှိုင်း စနေပါပြီ။ စားသောက် ဆိုင်တွေ ရုံးတွေ ကားတွေ ကျောင်းတွေ ပြန်ဖွင့်ကြပြီ။ ဒီအချိန်က ကြောက်ဖို့ သတိထားဖို့ ပိုလိုတဲ့အချိန်ပါ။ လူတွေမှာ ကျပ်တည်းမှု့က သိသိသာသာ ဖြစ်လာပြီး လမ်းပေါ်ထွက်မှ အလုပ်လုပ်ကို လုပ်မှရတော့မယ်။ ဒီဖိအားက တစ်ခု ကျွန်တော်တို့ ကျန်းမာရေး ရှု့ထောင့် က စိုးရိမ်တာက လုံခြုံ စိတ်ချဖို့ plan တွေ ချပြီး ဖွင့်ခွင့်ပေးတယ်.. Plan တွေ လိုက်လုပ်ကြပေမဲ့ လိုက်နာဖို့ တွန်းအားပေးသူတို့မှာ ရောဂါကို ကြောက်စိတ်တော်တော်နည်းနေပါပြီ။

ဥပမာ စားသောက်ဆိုင်တွေမှာ အကာအရံခြားပြီး မျက်နှာချင်းဆိုင် ထိုင်ခိုင်းပေမဲ့ တဖက်ထဲ စုထိုင်ကြတယ်။ Mask ကို စစ်တဲ့နေရာကလွဲရင် ကျန်အချိန်မှာ မေးမှာပဲချိတ်ပါတယ်။ ဘဏ် သွားတယ် mask တပ်တယ် လက်ဆေးတယ် အဖျားတိုင်းတယ် bank ထဲရောက်တာနဲ့ mask ကို မေးချိတ်ပြီး စကားပြောတယ် စတဲ့ အလွဲတွေ သိပ်များတယ်။

ကိုဗစ်ဟာ ဘယ်တော့မှ ပျောက်ကွယ် သွားဖို့ မရှိနိုင်ဖူးလို့ WHO ကခန့်မှန်းပြီးသားပါ။ ကာကွယ်ဆေး ပေါ်ရင်ပေါ် ဒါမှမဟုတ် လူတွေက ခံနိုင်ရည် immune ရမှသာ ရပ်တန့်နိုင်မှာပါ။ ဒါဆို လမ်းပေါ် ထွက်လို့မရတော့ဘူးလား အလုပ်မလုပ်ရတော့ဘူးလား ရပါတယ် ချမှတ်ထားတဲ့ စည်းကမ်းတွေကိုသာ အတိအ ကျ လိုက်နာပါ။

ကိုဗစ်ဟာ လေထဲက ကူးစက်မှု့မဖြစ်နိုင်ဖူး ဗိုင်းရပ်စ် ဟာ လေးတဲ့ အတွက်လေထဲမှာ ကြာရှည်မနေဖူးလို့ ယူဆကြတယ်။ တံတွေးလို စကားပြောရာက စင်တဲ့ အခါက ကူးတယ်လို့ ယူဆတယ်။ ဒီစင်ထားတဲ့ အရာတွေကို ကိုင်ပြီး မိမိ မျက်နှာ ပါးစပ်ကို ကိုင်မိတာ မျက်နှာချင်းဆိုင်စကားပြောရင်း တံတွေးစင်တာကနေ ကူးနိုင်ခြေသိပ်များတယ် စကားပြောရင် တံတွေး မစင်ဘူး ထင်ကြရင် mask တပ်ပြီး စကားပြောကြည့်ပါ။ mask မှာ သားရည်နံ့ ရလာပါလိမ့်မယ် ဒါကျွန်တော်တို့ မမြင်ရတဲ့ အရည်အမှုန်တွေပါပဲ။

ဒါကြောင့် တစ်ယောက်နဲ့တစ်ယောက် ခပ်ခွာခွာနေပါ။ Mask တပ်ပါ လက်မကြာခဏဆေးပါ ချမှတ်ထားတာတွေကို အတိအကျ လိုက်နာပါ ကင်းစင်ပြီး နိုင်ငံတွေတောင် ပြန်တွေ့တာပြန်ဖြစ်တာရှိနေဆဲပါ။ တတိယလှိုင်းကအရေး အကြီးဆုံးပါ.. ဒီအချိန်မှာ တယောက်ပြန်တွေ့ရင် အလုပ်တွေ ဆိုင်တွေ ကျောင်းတွေ အားလုံးဟာ အစုအဝေးလိုက် ကူးစက်မဲ့နေရာချည်းပါပဲ။ ဒါဆို အလုပ်တွေ ပြန်ရပ်မယ် ကုသမှုတွေ မနိုင်နင်းဘဲ Outbreak အလွန်အမင်းကူးစက်ခြင်း ဖြစ်မယ်။

ပထမလှိုင်း နဲ့ ဒုတိယလှိုင်း ကြိုးစားခဲ့သမျှ အလဟဿ ဖြစ်သွားပါလိမ့်မယ်…

အချူပ်ဆိုရရင် ကျွန်တော် တို့ဟာ မုန်တိုင်း ကြုံပြီးပြီ ပြီးတော့ မပြီးသေးဘူး။ မုန်တိုင်း ရဲ့ အလယ်ဗဟို မုန်တိုင်းမျက်စိကို ရောက်နေတာပါ။ မုန်တိုင်းဗဟိုမှာ လေငြိမ်တယ် ရာသီဥတု သာယာတယ်.. ဒါဟာ ပြင်ဆင်ချိန်ပေးတာပါ စက်ဝိုင်းတခုကို 360 ဒီဂရီလုံး အပြည့်ဖြတ်ပြီးတာ မဟုတ်ပါ.. ယခုစက်ဝိုင်းခြမ်း 180 ပဲဖြတ် ရသေးတာပါ.. ဒါကြောင့် နောက်တခြမ်းအတွက် သတိထားပါ.. မိမိကိုယ်တိုင်ရော မိမိ ပတ်ဝန်းကျင်ကိုပါ စည်းကမ်းတွေကို လိုက်နာဖို့ သတိပေးပါ.. ဒါဟာ နိုင်ငံအတွက် လူမျိုးအတွက် ကိုယ်ဒေသအတွက် ကိုယ့်မိသားစု အတွက် သင်နိုင်တဲ့တာဝန်ပါပဲ။

မလိုအပ်ပဲ အိမ်ပြင်မထွက်ပါ နဲ့ ထွက်ဖို့လိုတိုင်းလည်း mask ကို ပါးစပ်နဲ့ နှာခေါင်းမှာတပ်ပါ ပြန်လာတိုင်း လက်ဆေးပါ ဒါတွေ ဘယ့်အချိန်ထိ လုပ်မလဲ သင် ကာကွယ်ဆေး မထိုးရသေးခင်အချိန်ထိ လုပ်ရမှာပါ။

မည်သူ ကိုမှ မထိခိုက်လိုပါ မည်သည့်လုပ်ငန်းကိုမှ မတိုက်ခိုက်လိုပါ ကိုယ့်မြို့ ကိုယ့်ဒေသမှာ စည်းကမ်း မလိုက်နာလို့ ကူးစက်သွားမှာ ဖွင့်ခွင့်ရတဲ့ လုပ်ငန်းလေးတွေ ပြန်ပိတ်ရမှာ စိုးတာပါ လူတွေ ကြပ်တည်းနေတာ ထပ်မမြင်ချင်လို့ပါ…

မေတ္တာဖြင့် ဒေါက်တာရွှေထွန်း

Add a Comment

Your email address will not be published. Required fields are marked *

two × 5 =