ပြည်သူတွေ ကို အံ့အား သင့်ဖွယ် ဝန်ဆောင်မှုတွေ အမြဲပေးနေတဲ့ ကညနရုံးများ

ပြည်သူတွေ ကို အံ့အား သင့်ဖွယ် ဝန်ဆောင်မှုတွေ အမြဲပေးနေတဲ့ ကညနရုံးများ

ရန်ကုန်မြို့ရဲ့အံ့ဖွယ်ဝန် ဆောင်မှုပေးနိုင်တဲ့ အစိုးရရုံး ကိုပြပါဆိုရင်ကညနရုံးတွေကို ပြရမယ်။ ရန်ကုန်လိုင်စင် ကားစီးရေ သောင်းဂဏန်းမရှိခင်ကလည်း ယာဉ်သက်တမ်းတိုးပေးတဲ့ရုံး ၄ ရုံး။ ရန်ကုန်လိုင်စင် စီးရေ သန်းချီရှိလာတော့လည်း ဒီ ၄ ရုံးပဲ။

နောက်ထပ်ရုံးတွေ ထပ်မတိုးဘူး ခပ်တည်တည် ဒီ ၄ ရုံးပဲ။ ရုံးတွေရဲ့ လုံခြုံရေးကတော့ သိပ်ထူးခြားတယ်။ မိုးမလင်းခင် ငါးနာရီလောက်ဆိုရုံးရှေ့မှာလည်ကတုံးအဖြူနဲ့ စွမ်းအားရှင်လား လျှို့ဝှက်ထောက်လှမ်းရေးလား ဘာမှန်းမသိသူတွေ အဆင်သင့်နေရာယူထားပြီးသား သက်တမ်းတိုးမယ့်ကားတွေရောက် လာတာ နဲ့ အဲ့ဒီ ဘာမှန်းမသိသူတွေက ဘာကူညီရမလဲလို့မေး ကြတယ်။

ကား တန်းစီဖို့ နေရာ ဦးပေးရမလား၊ ရုံးထဲမှာ လိုက်လုပ်ပေးရမလားကြိုက်တာပြောတဲ့။ မနက် ၈ နာရီလောက်ဆို ရုံးတံခါးဖွင့်မယ်၊ အပြေးအလွှားဝင် သက်တမ်းတိုးလျှောက်လွှာ ဝယ်ဖို့အုံနာဘုတ် ထပ်။ တစ်စောင်ကို တစ်ရာတောင် မတန်တဲ့ လျှောက်လွှာကို အုံနာဘုတ်ထပ်ပြီးမှ ဖြည့်ခွင့်ရမယ်။

သက်တမ်းတိုးဖို့လာသူတွေကို ဒီအတိုင်း လျှောက်လွှာဖြည့်ဖို့ ဝေပေးလိုက်လည်း ရတာပဲ။ မပေးဘူး နာရီဝက်လောက် အနည်းဆုံးအချိန်ကုန် ပင်ပန်းအောင် ကျန်းမာရေးနဲ့ညီညွတ်အောင် လှုပ်ရှားခိုင်းပြီးမှ ဖြည့် ခိုင်းတာ။

ပြီးရင် ယာဉ်စစ် ခဲခြစ် ဓာတ်ပုံရိုက်ရမယ်။ ပြီးရင်တော့ စည်ပင်ဘီးခွန်ဆောင်ဖို့ အုံနာဘုတ် ထပ်နာရီ ဝက်စောင့်။ ပြီးရင် ပရီမီယမ်ကြေးဆောင်ဖို့အုံနာဘုတ်ထပ် နာရီဝက်စောင့်။ ရဲမှုရှိရင်ကွန်ပြူတာစစ် နာရီ ဝက် စောင့် အားလုံးပြည့်စုံရင် လိုင်စင်ကြေးသွင်းဖို့စောင့် နာရီဝက်။ နောက်ဆုံးအုံနာဘုတ်နဲ့မှတ်ပုံတင်ကိုင်ပြီး ဦးစီးအရာရှိဆီ ကိုသွား အစစ်ခံ။

ဒီ အုံနာဘုတ်နဲ့ ဒီ ဝီးတက်စ် အကုန်လုံး စစ်ဆေးပြီးပြီ ဘာကို ထပ်စစ်မှန်းလည်း မသိဘူး။ အုံနာဘုတ်ကိုကောင်တာ တစ်ခုထဲမှာတင်ပေးလိုက် ကောင် တာ တစ်ခုထဲကနေ ပရီမီယမ်ကြေး၊ ဘီးခွန်၊ လိုင်စင်ကြေးတွေ အကုန်တွက်ချက်ပြီး သက်တမ်းတိုးပေးလိုက်ရင် မရဘူးလား။ ရတာပေါ့ ဒါပေမဲ့ ငွေသွင်းကောင်တာတွေများမှ အစွန်းထွက်လေးတွေကျန်ခဲ့ပြီး ပြည်သူတွေ ငွေရဲ့တန်ဖိုးကို ပိုနားလည်မယ်။ တိုးရခွေ့ရတော့ ကျန်းမာရေးနဲ့ညီညွတ်မယ်အံ့ဖွယ် ဝန် ဆောင်မှုပေးထါးတာ။

ဒီထက် အံ့ဖွယ် မြင်ချင်ရင် စီးတီးတက္ကစီ အတွက် လိုင်စင်သက်တမ်းတိုး လုပ်ကြည့်။ တက္ကစီက တစ်နှစ်တစ်ကြိမ် တိုးရတယ်။ ယာဉ်သက်တမ်းတိုးပြီး နှစ်ရက်လောက်နေရင် ဝါးတန်းလမ်း ကညနလုပ်ငန်းရုံးကို ထပ်သွားပါ။ မနက်ရနာရီလောက် အရောက် သွား တိုကင်ယူဖို့ စာရွက် ထပ်။ အနည်းဆုံး တစ်နာရီ လောက် တန်းစီပါ။

မစောင့်နိုင်ရင် ရေပေးလို့ရတယ်။ တိုကင်ရရင်ရုံးထဲဝင် ဆီးချုပ် ဝမ်းချုပ်နဲ့ နေ့ဝက်လောက် တိုးခွေ့တန်းစီလိုက်ရင် လုပ် ငန်းလိုင်စင်ဆိုတာကြီး ရပြီ။ ပြီးရင် အဲ့ဒီကနေ ကျိုက္ကဆံစူပါဝမ်းဘေး YRTA ရုံးကို စီးတီးတက္ကစီ သက်တမ်းတိုးဖို့ ထပ်မံချီတက်ပါ။ YRTAမှာတော့ အချိန်သိပ်မကြာဘူး လ္ဘက်ရည်ဖိုးလေး စေတနာရှိသလောက် ပေးခဲ့ လို့တော့ ပြောတယ်။

ယာဉ်သက်တမ်းတိုးလုပ်ငန်းသက်တမ်းတိုး စီးတီးတက္ကစီသက် တမ်းတိုး တွေကို ဘာကြောင့် တစ်နေရာထဲ one stop Service လုပ်မပေးတါလဲ။ ဒါလည်း အံဖွယ် ဝန်ဆောင်မှုပါပဲ။ တနေရာထဲ လုပ်ပေးလိုက်ရင်ပြည်သူတွေ အချိန်ကုန် လူပန်းငွေကုန်ဆိုတဲ့လောကဓံ တရားတွေကိုနားမလည်တော့ဘူး။ ဘဝဆိုတာ လွယ်တယ်လို့ ထင်သွားမယ်။

ဒီလို အံ့မခန်း ဝန်ဆောင်မှုတွေပေးရုံ အားမရ ပြန်တော့ ဘီး ခွန် လိုင်စင်ကြေး ယာဉ်မောင်းလိုင်စင်ကြေး၊ လုပ်ငန်းလိုင်စင်ကြေးတွေ ဆယ်ဆကျော်တိုးကောက်တယ် ။ ယာဉ်စစ်ဆေးတဲ့စက်တွေကို ပြည်ပကနေ တကူးတက မှာပြီး လိုင်စင်လာတိုးတဲ့ကားတွေကို စစ်တယ်။ Used carအများစုရှိတဲ့နိုင်ငံမှာ Brand newမှ စစ်လို့ရတဲ့ ဒီစက်တွေကို သုံးလေတော့ ယဉ်ပိုင်ရှင်တွေ လာဘ်ထိုးဖို့ ပိုက်ဆံကုန်၊ ယာဉ်စစ်တဲ့ ဝန်ထမ်းတွေ သူဌေးဖြစ်တာပေါ့။

အဲ့ဒါတွေထက် ပိုအံ့ဖွယ် ကောင်းတာက ရန်ကုန်မြို့လယ် ကောင် ကညနရုံးတွေထဲ လူတွေတိုးခွေ့ ပွဲစားတရုန်းရူန်းဖြစ်နေတာ ဘယ်သူ့မှာ တာဝန်ရှိမှန်းမသိရ ဘယ်သူမှလည်း တာဝန်မခံခပ်တည်တည်ပဲ။

crd : whitesone

Add a Comment

Your email address will not be published. Required fields are marked *

sixteen − seven =