အမေရိကန်နိုင်ငံ မှာ ကိုရိုနာ ဗိုင်းရပ်စ် တကျော့ပြန် ကူးစက် မှု ဖြစ်ပွားနေ

အမေရိကန်နိုင်ငံ မှာ ကိုရိုနာ ဗိုင်းရပ်စ် တကျော့ပြန် ကူးစက် မှု ဖြစ်ပွားနေ

အမေရိကန်နိုင်ငံမှာ တက္ကဆက် နဲ့ အရီဇိုးနား ပြည်နယ်အပါအဝင် ပြည်နယ်ပေါင်း ဒါဇင်ဝက်လောက်က ဆေးရုံတွေမှာ ကိုရိုနာဗိုင်းရပ်စ် ကူးစက်လူနာတွေနဲ့ ပြည့်နေပြီး အမေရိကန်နိုင်ငံရဲ့ စီးပွားရေး ပြန်လည်ဖွင့်လှစ်မှုဟာ ဒုတိယ အကြိမ်ဗိုင်းရပ်စ် ကူးစက်မှု (Second Wave) ဖြစ်ပေါ်စေတယ် ဆိုတဲ့ စိုးရိမ် ပူပန်မှုတွေ မြင့်တက်နေခဲ့ပါတယ်။

ကိုရိုနာဗိုင်းရပ်စ် တစ်ကျော့ပြန် ကူးစက်မှု ကြောင့် ကြာသပတေးနေ့က ကမ္ဘာလုံးဆိုင်ရာ စတော့ရှယ်ယာ ဈေးကွက်တွေ ကျဆင်းသွားခဲ့ပါတယ်။ အခုလို ဗိုင်းရပ်စ်ကူးစက် လူနာ အရေအတွက် များပြားလာခြင်းဟာ ဗိုင်းရပ်စ်စမ်းသပ်စစ်ဆေးမှု တိုးမြှင့်လိုက်ခြင်းကို ပြသနေပါတယ်။ ပြည်နယ် အများစုမှာ ဆေးရုံတက် ကုသမှု ခံယူရသူတွေ များပြားနေပြီး တစ်ချို့ဟာ အထူးကြပ်မတ် ကုသရေးဆောင် (ICU) မှာ ရောက်ရှိနေတယ်လို့ သိရပါတယ်။

တက္ကဆက်ပြည်နယ်မှာ စံချိန်တင် ၃ ရက်ဆက်တိုက် ဆေးရုံတက် လူနာတွေ မြင့်တက်နေခဲ့ပြီး မြောက်ကာရိုလိုင်းနားမှာတော့ ICU ရောက်လူနာ ၁၃ ရာခိုင်နူန်းထိ ရှိနေပြီဖြစ်တယ်လို့ သိရပါတယ်။ ဟူစတန်မြို့တော်ဝန်က လိုအပ်ရင် မြို့ရှိ NFL ဘေ့စ်ဘော အားကစားကွင်းကို အသွင်ပြောင်းဆေးရုံ အဖြစ် ပြောင်းဖို့ အဆင်သင့်ဖြစ်နေကြောင်း ပြောကြားခဲ့ပါတယ်။

အရီဇိုးနား ပြည်နယ်မှာ ဆေးရုံတင်ထားရတဲ့ ဗိုင်းရပ်စ်ကူးစက်လူနာ အရင်ထက် ၄ ဆ ပိုမိုများပြားလာပြီး အခုသီတင်းပတ်အတွင်း ဆေးရုံတွေမှာ အရေးပေါ် အစီအမံတွေနဲ့ ICU စွမ်းရည်တွေ မြင့်တင်ကြဖို့ ပြည်နယ်ကျန်းမာရေး ဒါရိုက်တာတစ်ဦးက ပြောခဲ့ပါတယ်။

ပြီးခဲ့တဲ့ သီတင်း ၂ ပတ်က စတင်ခဲ့တဲ့ လူမျိုးရေး ခွဲခြားမှုနဲ့ ရဲတပ်ဖွဲ့ရဲ့ ရက်စက်မှုတွေအပေါ် တစ်နိုင်ငံလုံးရဲ့ ဆန္ဒပြမှုတွေမှ ဗိုင်းရပ်စ်ကူးစက်မှုတွေ မြင့်တက်လာနိုင်တယ်လို့ ကျန်းမာရေး ကျွမ်းကျင်သူတွေက ပြောဆိုပါတယ်။ အမေရိကန်နိုင်ငံမှာ အခုဆိုရင် ကိုရိုနာဗိုင်းရပ်စ် ကူးစက်လူနာ ၂.၁ သန်းကော်ျရှိ လာပြီး သေဆုံးသူ ၁၁၆,၃၉၇ ဦးထိ ရှိနေပြီ ဖြစ်တယ်လို့ သိရပါတယ်။

crd : blacker