ကိုဗစ် ကာကွယ်ရေးအတွက် အထူး ထုတ်လုပ်ထားတဲ့ ဆန်းဆန်း ပြားပြား ဖိနပ်များ

ကိုဗစ် ကာကွယ်ရေးအတွက် အထူး ထုတ်လုပ်ထားတဲ့ ဆန်းဆန်း ပြားပြား ဖိနပ်များ

ရိုမေးနီးယားနိုင်ငံ၊ ခလူ့ခ်ျမြို့ (Cluj) မှာ အသက် (၅၅) နှစ် အရွယ် ရှိ ဖိနပ်ချုပ် သမား “ဂရီဂိုရီ လူ့ပ်” ဟာ ကိုဗစ် ကြောင့် ဖိနပ်များမရောင်းရ၍ စီးပွားရေးအခက်အခဲဖြစ်နေသူ တဦး ဖြစ်ပါတယ်။

ဒီအချိန်မှာ လူတွေက အပြင်သွားတဲ့အခါ တစ်ယောက်နဲ့တစ်ယောက် ခပ်ခွာခွာနေရန် ပြောထား ပေမယ့် လည်း တချို့လူတွေက သိပ်မလိုက်နာကြတာကို တွေ့ရပါတယ်။ အဲဒါကြောင့် ဖိနပ်ချုပ် လုပ်ငန်းကို (၃၉) နှစ်ကြာ လုပ်ကိုင်လာခဲ့တဲ့ ဂရီဂိုရီမှာ ထူးထူးဆန်းဆန်း စိတ်ကူး တခု ရရှိခဲ့ပါတယ်။ လူတစ်ယောက်နှင့် တစ်ယောက် ခပ်ခွာခွာနေမှ စီးလို့ရတဲ့ ဖိနပ် ထုတ်လုပ် ရောင်းချဖို့ အကြံပဲ ဖြစ်ပါတယ်။

သူ ထုတ်လုပ် လိုက်တဲ့ ဖိနပ်ကတော့ လူတစ်ယောက် နှင့် တစ်ယောက် ခပ်ခွာခွာနေမှ စီးလို့ရတဲ့ သားရေဖိနပ်အမျိုးအစားဖြစ်ပြီး ဖိနပ်ရဲ့အဖျားမှာ ပုံမှန်ထက် ရှည်ထွက်နေတာ ဖြစ်ပါတယ်။ အကယ်၍ လူနှစ်ဦး ဒီဖိနပ်ရှည်ဝတ်ပြီး မျက်နှာချင်းဆိုင်ရင် တစ်ယောက်နှင့် တစ်ယောက် ၁.၃၀ မီတာအကွာ အဝေးမှာ ရှိနေမှာ ဖြစ်ပါ တယ်။

အဲဒီလို ဖိနပ်မျိုး တရံချုပ်ဖို့အတွက် (၂) ရက် အချိန်ယူ ရပြီး လက်ရှိမှာ ဖိနပ် အော်ဒါတွေ စပြီး လက်ခံ ရရှိနေပြီ လို့ သိရပါတယ်။

Add a Comment

Your email address will not be published. Required fields are marked *

two × four =