ရွှေဘိုခင်ဦး ဒေသက ရွှေမုဌော စေတီများ ကို စောင့်ကြပ် နေကြတဲ့ ဥစ္စာစောင့်မလေးများ

ရွှေဘိုခင်ဦး ဒေသက ရွှေမုဌော စေတီများ ကို စောင့်ကြပ် နေကြတဲ့ ဥစ္စာစောင့်မလေးများ

စစ်ကိုင်းတိုင်ဒေသကြီး၊ ရွှေဘိုခရိုင်၊ ခင်ဦးမြို့နယ် အတွင်းရှိ လက်ပန်လှကျေးရွာလေး၏ အနောက်ဘက်တွင် ရွှေမုဌောဟု အမည်တွင်သော စေတီများစွာရှိလေ၏။ မြန်မာနိုင်ငံ၏ ရွှေမုဌောအမည်ရှိ ဘုရားများစွာထဲမှ လက်ပန်လှကျေးရွာနှင့် ရွာသန်းရွာကြားတွင် တည်ရှိနေခဲ့သော ထိုရွှေမုဌော စေတီသည်လည်း တစ်ဆူ အပါအဝင် ဖြစ်ပါသည်။

ထို့ကြောင့် လက်ပန်လှကျေးရွာနှင့် ရွာသန်းရွာကျေးရွာ လေးကြားတွင် ထိုစေတီလေးမှာ တည်ရှိနေခဲ့ခြင်းကြောင့် အချို့သော နယ်ခံများမှာ ထိုစေတီကိုပင် လက်ပန်လှရွှေမုဌော စေတီဟု ခေါ်တွင်လေ့ရှိကြပြီး၊ တစ်ချို့သော နယ်ခံများမှာမူ ရွာသန်းရွာ ရွှေမုဌောစေတီဟု ခေါ်ဆိုကြပြန်သည်။ ပုထုဇဉ်လူသားတို့၏ မည်သို့ပင် ပညတ် များစွာ တပ်နေခဲ့ပါစေ၊ စေတီလေးမှာ ရွှေမုဌောအစစ်သာလျင် ဖြစ်ပြီး၊ ရှေးယခင်မှ သစ္စာတရားတည်ကြည် ခိုင်မြဲကြသော မင်းကောင်းမင်းမြတ်များမှ တည်ထားကိုးကွယ်ခဲ့သည်ကြောင့် လွန်စွာ တန်ခိုးကြီးမားလှပါသည်။ ရှေးလူကြီးများသည်လည်း ထိုစေတီလေး တွင် ဥစ္စာများစွာ စောင့်ကြပ်လျက်ရှိသည်ဟု ပြောဆိုလာခဲ့သည်မှာ ယနေ့တိုင်ထိပင် ဖြစ်လေသည်။

စေတီပေါင်း မှာ (၁၈)ဆူရှိပြီး၊ ရွှေမုဌောအစစ်မှာမူ (၁)ဆူတည်းသာလျင် ဖြစ်ပါသည်။ ထိုစေတီလေးနှင့် အနီးစပ်ဆုံး လမ်းပန်းဆက်သွယ်ရေး တစ်ခုမှာ မန္တလေး-မြစ်ကြီးနား မီးရထားလမ်း၏ အနောက်ဘက် ကပ်လျက်တွင် တည်ရှိနေခဲ့ပါသည်။ နယ်ခံများ၏ ပြောဆိုချက် များအရ လပြည့်ညနှင့် လကွယ်ညများဆိုလျင် စေတီလေးတွင် စောင့်ကြပ်လျက်ရှိကြသော ဥစ္စာစောင့်များမှာ မီးရထားလမ်းကိုပင် ဖြတ်ကူးလေ့ရှိသည်ဟု ရထားမောင်းသူများမှ ပြောဆိုကြပြန်သည်။

ထိုသူများမှာ သာမာန်နှင့် မတူ နန်းဝတ်၊နန်းစားများနှင့်အတူ လမ်းမကြီးပေါ်တွင် ကခြင်း၊ ခုန်ခြင်းများ ပြုလုပ်လေ့ရှိပြီး ရထားလမ်းကိုပင် ဖြတ်ကူးလေ့ရှိသောကြောင့် ရထားမောင်းသူများမှာ ဥသြဆွဲသံများကိုပင် ဆူညံနေလောက်အောင် ဆွဲကြရပေသည်။ ထိုကဲ့သို့သော အချိန်ခါမျိုးဆိုလျင် အဆက် မပျက် ဥသြဆွဲနေခဲ့ကြသည့် မီးရထားသံများကိုမူ နယ်ခံများမှ ကြားသိနေခဲ့ရသည်ဟု နယ်ခံလူကြီးများထံမှ သိရှိခဲ့ရပေသည်။ ရှေးယခင်မှ လောဘသမားများဖြစ်ကြသော သိုက်တူး၊ သိုက်ဆရာများ၏ လက်ချက်ဖြင့် ယခုခေတ်ကာလတွင်မူ စေတီလေးများမှာ ပြိုကျ ပျက်စီးနေခဲ့ပြီး၊ စေတီအိုများသဖွယ်အဖြစ်သို့ ရောက်ရှိနေလျက်ရှိနေခဲ့ပါပြီ။

ထိုရွှေမုဌောစေတီများကိုပင် သီတင်းကျွတ် လပြည့် နှစ်စဉ်တိုင်း ဘုရားမီးပွဲဇော်ပွဲများ ကျင်းပလေ့ရှိလေ၏။ ဘုရားပွဲမကျင်းပမီ လဆန်း(၁၃)ရက်နေ့များဆိုလျင် ရွာသူ၊ရွာသားများမှာ စေတီပတ်ဝတ်းကျင်ရှိ သစ်ပင်၊ ခြုံနွယ်များကိုပင် ရှင်းလင်းမှု့များစွာအား ပြုလုပ်လေ့ရှိပါသည်။ ခြုံနွယ်များကိုပင် ရှင်းလင်းကြသည့် ရွာသူ၊ရွာသားတို့မှာ အရက်သေစာ သောက်စား၍ ရှင်းလင်းလျင် ပိုင်ရာဆိုင်ရာများမှ မနှစ်သတ်သည်ကြောင့် အလွန်ပင်ကြီးမားလှစွာသော မြွေကြီးများကိုပင် မြင်တွေ့ရတတ်သည်ဟု ကျေးရွာအတွင်းရှိ လူကြီးများမှ ပြောဆိုကြလေသည်။

သို့သော် လက်ပန်လှကျေးရွာရှိ မျိုးဟန်ဟု ခေါ်သော ထိုသူမှာ ထိုကဲ့သို့သော် အယူဆများကိုပင် လက်မခံ၊ အယုံကြည်သည်လည်း မရှိသည်ကြောင့် ဘုရားပွဲမကျင်းပမီ ရက်ပိုင်းအတွင်းများ၌ ခြုံနွယ်များကိုပင် ရှင်းလင်းကြရာ၌ သူသည်လည်း ပါဝင်လုပ်ကိုင်ပေးလေသည်။ အသက်အားဖြင့် (၃၅)နှစ်ခန့်ရှိ နေခဲ့သော မျိုးဟန်မှာ အရက်သေစာ သောက်စားထားလျက် ခြုံနွယ်များကိုပင် ရှင်းလင်းနေခဲ့ခြင်း ဖြစ်လေသည်။

တခြားသော ရွာသူ၊ ရွာသားများမှလည်း မျိုးဟန်အား အရက်သေစာ သောက်စားထားလျင် လာရောက် မရှင်းလင်းပါနှင့်ဟု ပြောဆိုခဲ့သေးသည်။ သို့သော် မျိုးဟန်မှာ လက်မခံ၊ အရက်မူးမူးဖြင့် ခြုံနွယ်များကိုပင် ရှင်းလင်းစေခဲ့၏။ အရက်ကလေး၏ အရှိန်များကြောင့် မျိုးဟန်သည်လည်း စကားများကိုပင် မဆင်မခြင် ပြောဆိုလေမိသည်။

ထိုကဲ့သို့ အချိန်အတောတွင်းမှာပင် ခြုံနွယ်များကြားမှာ ယောက်ျားလက်မောင်းလုံးခန့်ရှိသော မြွေပွေးကြီးတစ်ကောင်မှာ ထွက်ပေါ်လာခဲ့လေသည်။ အလွန်ပင်ကြီးမားလှစွာသော မြွေပွေးကြီးပင် ဖြစ်သည်ကြောင့် တစ်ခြားသော ရွာသူ၊ရွာသားများမှာ ထိတ်လန့်ကြောက်ရွှံ့၍ ပြေးရှောင်ကြသော်လည်း မျိုးဟန်မှာမူ ပြေးလွှား ခြင်းမရှိ၊ ထွက်ရောက်လာခဲ့သော မြွေပွေးကြီးကိုပင် မြတ်ခုတ်ဓားဖြင့် ခုတ်သတ်လိုက်လေသည်။

ထို့နောက် အိမ်အပြန်ချိန်တွင် မိမိခုတ်သတ်ခဲ့သော မြွေပွေးကြီး ကိုပင် ယူဆောင်လျက် အရက်နှင့်မြည်းစေရန် ချက်ပြုတ်လေခဲ့သည်။ မြွေပွေးဟင်းကိုပင် ချက်ပြုတ်လျက် အရက်နှင့် သောက်သုံးလေခဲ့ပြီး၊ ညဦးအပိုင်းချိန်များတွင် မျိုးဟန်၏ အိမ်ပတ်ဝန်းကျင် အနီးတစ်ဝိုက်တွင်မူ မြွေတွန်သံများအား ကြားသိနေခဲ့ရပေသည်။

ပတ်ဝန်းကျင်ရှိ လူများသည်လည်း မျိုးဟန်၏ အိမ်ပတ်ဝန်းကျင် ၌ မြွေတွန်သံများအား ကြားသိနေခဲ့ရလေပြီး၊ မျိုးဟန်၏ နားအတွင်းတွင်မူ ထိုကဲ့သို့သော မြွေတွန်သံများကိုပင် မကြားရပဲ၊ သူ၏မိန်းမဖြစ်သူမှ မိမိအား နားပူနားစာပြုလုပ်နေခဲ့သော စကားသံများကို သာလျင် ကြားသိနေရခြင်းဖြစ်သည်။

ထို့ကြောင့် စိတ်ရှုတ်မှု့များဖြင့် နံရံတွင် ထိုး ထားခဲ့သော ဓားမကြီးကိုပင် ဆွဲယူလေခါ၊ ခြင်ထောင်အတွင်း၌ အိပ်ပျော်နေခဲ့သော မိန်းမဖြစ်သူကိုပင် ဓားဖြင့်ခုတ်မိလိုက်လေသည်။ မိန်းမဖြစ်သူသည်လည်း လင်ယောက်ျားဖြစ်သူ မျိုးဟန်၏ စေတီလေးများအနားတွင် ပြုမူခဲ့လေသော အကြောင်းကိုပင် သိရှိထားခဲ့ သည်ကြောင့် ကျောချမ်းနေခဲ့ရသည်။ ထို့ကြောင့် ခြင်ထောင်အတွင်း၌ ဝင်ရောက်အိပ်နေခဲ့သော်လည်း အိပ်ပျော်ခြင်းပင်မရှိသေး၊

တစ်ရွာလုံးနီးပါး ကြားနေခဲ့ရသည့် မြွေတွန်သံများ အားလည်း သူမတစ်ယောက် ကြားသိနေခဲ့ရလေသည်။ ထို့ကြောင့် စိတ်ရိုင်းများစွာဝင်လျက် ခြင်ထောင်အတွင်း၌ ရှိနေခဲ့သော မိမိအား ဓားဖြင့်လာရောက် ခုတ်သတ်သည့် လင်ယောက်ျားဖြစ်သူ မျိုးဟန်၏ ဓားချက်ကိုပင် ကဗျာကယာ လက်ဖြင့် တားဆီး လိုက်နိုင်သည်။ ထို့ကြောင့် သူမ၏ လက်တွင်သာ ဓားချက်ထိခိုက်မိသွားပြီး၊ အသက်အန္တရယ်ကို ကာကွယ်လိုက်နိုင်၏။

ထို့နောက်မှ ပတ်ဝန်းကျင်ရှိ ရွာသူ ရွာသားများမှာ ဝင်ရောက်တားဆီးကြသည်ကြောင့် မျိုးဟန်၏မိန်းမဖြစ်သူမှာ အသက်ဘေးမှ လွတ်မြောက်ခဲ့ရပေသည်။ မျိုးဟန်၏ ဓားချက်ထိခိုက်မိသွားသော မိန်းမဖြစ်သူမှာ ဆယ့်ချက်တိတိချုပ်လိုက်ရလေပြီး၊ မျိုးဟန်တို့၏ အိမ်ထောင်ရေးသည်လည်း ပျက်ပြယ် သွားခဲ့ရပေသည်။

ထိုဖြစ်ရပ်များမှာ မကြာသေးမီကာလ အတွင်းမှ လက်ပန်လှကျေးရွာလေးတွင် ဖြစ်ပျက်ခဲ့သည့် အဖြစ်ပျက်ကြီးတစ်ခုပင် ဖြစ်လေသည်။ ဤသို့ဆိုလျှင် မျိုးဟန်မှာ အရက်သေစာ သောက်စားထားမိပြီး၊ စေတီပုထိုးနားတွင် ညစ်ညမ်းသော စကားများကိုပင် ပြောဆိုခဲ့မိခြင်းကြောင့် ဤကဲ့သို့သော အဖြစ်ပျက်များ နှင့် ကြုံတွေ့လိုက်ရခြင်းပင်လား…. ။

(ပြီးပါပြီ) (လက်ပန်လှကျေးရွာသူ တစ်ဦးဖြစ်သော မဖြူလွင်ထွန်း ၏ ပြောပြချက်များကိုပင် စာစီလျက်ရေးသား တင်ပြလိုက်ရပါသည်။ မဖြူလွင်ထွန်းအား စာရေးသူကျွန်ုပ်မှ အထူးပင်ကျေးဇူးတင်ရှိပါသည်ခင်ဗျာ။)

ထီးကလေး (ရင်နှင့်ရင်း ၍ရေးသားသည်။)